To The Word – Day 137

₁O-Adamu, noSeti, no-Enoshe, ₂noKhenani, noMahalalele, noJarede, ₃no-Enoke, noMetushela, noLameka, ₄noNowa, noShemi, noHamu, noJafete.

₅Amadodana kaJafete: ngoGomere, noMagoge, noMadayi, noJavani, noThubali, noMesheke, noTirase. ₆Amadodana kaGomere: ngo-Ashikenaze, noDifate, noThogarma. ₇Amadodana kaJavani: ngo-Elisha, noTharishishi, noKitimi, noRodanimi.

₈Amadodana kaHamu: ngoKushe, noMisirayimi, noPhuthi, noKhanani. ₉Amadodana kaKushe: ngoSeba, noHavila, noSabita, noRama, noSabitheka. Amadodana kaRama: ngoSheba noDedani. ₁₀UKushe wazala uNimrode; yena waqala ukuba ngonamandla emhlabeni. ₁₁UMisirayimi wazala amaLudi, nama-Anami, namaLehabi, namaNafetuhi, ₁₂namaPatrusi, namaKasuluhi, lapho kwavela khona amaFilisti, namaKafitori.

₁₃UKhanani wazala uSidoni, izibulo lakhe, noHeti, ₁₄namaJebusi, nama-Amori, namaGirigashi, ₁₅namaHivi, nama-Arki, namaSini, ₁₆nama-Arvadi, namaSemari, namaHamati.

₁₇Amadodana kaShemi: ngo-Elamu, no-Ashuri, no-Arpakishade, noLude, no-Aramu, no-Use, noHule, noGeteri, noMesheke. ₁₈U-Arpakishade wazala uShela; uShela wazala u-Ebere. ₁₉U-Ebere wazala amadodana amabili: igama lomunye lalinguPhelege,* ngokuba emihleni yakhe izwe ladatshulwa. Igama lomfowabo lalinguJokothane. ₂₀UJokothane wazala o-Alimodade, noShelefe, noHasaramavete, noJera, ₂₁noHadoramu, no-Uzali, noDikila, ₂₂no-Ebali, no-Abimayele, noSheba, ₂₃no-Ofiri, noHavila, noJobabi; bonke labo babe ngamadodana kaJokothane; ₂₄oShemi, no-Arpakishade, noShela, ₂₅no-Ebere, noPhelege, noRehu, ₂₆noSerugi, noNahori, noThera, ₂₇no-Abrama ongu-Abrahama. ₂₈Amadodana ka-Abrahama: ngo-Isaka no-Ishmayeli.

₂₉Lezi ziyizizukulwane zabo: izibulo lika-Ishmayeli uNebayoti, noKedari, no-Adibeli, noMibisamu, ₃₀noMishima, noDuma, noMasa, noHadadi, noThema, ₃₁noJeturu, noNafishi, noKhedema. Labo babe ngamadodana ka-Ishmayeli.

₃₂Amadodana kaKetura, isancinza sika-Abrahama: wazala oZimrani, noJokishani, noMedani, noMidiyani, no-Ishibaki, noShuwa. Amadodana kaJokishani: ngoSheba noDedani. ₃₃Amadodana kaMidiyani: ngo-Efa, no-Eferi, noHanoki, no-Abida, no-Elidaha. Bonke labo babe ngamadodana kaKetura.

₃₄U-Abrahama wazala u-Isaka. Amadodana ka-Isaka: ngo-Esawu no-Israyeli.

₃₅Amadodana ka-Esawu: ngo-Elifazi, noRehuweli, noJewushe, noJalamu, noKora. ₃₆Amadodana ka-Elifazi: ngoThemani, no-Omari, noSefi, noGathamu, noKenazi, noThimna, no-Amaleki. ₃₇Amadodana kaRehuweli: ngoNahati, noZera, noShama, noMiza.

₃₈Amadodana kaSeyiri: ngoLothani, noShobali, noSibeyoni, no-Ana, noDishoni, no-Eseri, noDishani. ₃₉Amadodana kaLothani: ngoHori noHomamu; udadewabo kaLothani wayenguThimna. ₄₀Amadodana kaShobali: ngo-Aliyani, noManahati, no-Ebali, noShefi, no-Onamu. Amadodana kaSibeyoni: ngo-Aya no-Ana. ₄₁Amadodana ka-Ana: nguDishoni. Amadodana kaDishoni: ngoHamrani, no-Eshibani, noJitrani, noKerani. ₄₂Amadodana ka-Eseri: ngoBilihani, noZahawana, noJahakhani. Amadodana kaDishani: ngo-Use no-Arana.

₄₃Lawa angamakhosi abusa ezweni lakwa-Edomi, kungakabusi nkosi phezu kwabantwana bakwa-Israyeli: uBela indodana kaBeyori. Igama lomuzi wakhe laliyiDinihaba. ₄₄Wafa uBela; uJobabi indodana kaZera waseBosira waba yinkosi esikhundleni sakhe. ₄₅Wafa uJobabi; uHushamu wasezweni labakwaThemani waba yinkosi esikhundleni sakhe. ₄₆Wafa uHushamu; uHadadi, indodana kaBedadi, owanqoba abakwaMidiyani ethafeni lakwaMowabi, waba yinkosi esikhundleni sakhe; igama lomuzi wakhe laliyi-Aviti. ₄₇Wafa uHadadi; uSamla waseMasireka waba yinkosi esikhundleni sakhe. ₄₈Wafa uSamla; uShawule waseRehoboti ngaseMfuleni* waba yinkosi esikhundleni sakhe. ₄₉Wafa uShawule; uBali Hanani indodana ka-Akibori waba yinkosi esikhundleni sakhe. ₅₀Wafa uBali Hanani; uHadadi waba yinkosi esikhundleni sakhe; igama lomuzi wakhe laliyiPhahi; igama lomkakhe lalinguMehetabeli indodakazi kaMatiredi, indodakazi kaMezahabi. ₅₁Wafa uHadadi; abanumzane bakwa-Edomi kwakuyilaba: umnumzane uThimna, nomnumzane u-Aliya, nomnumzane uJeteti, ₅₂nomnumzane u-Oholibama, nomnumzane u-Ela, nomnumzane uPhinoni, ₅₃nomnumzane uKenazi, nomnumzane uThemani, nomnumzane uMibisari, ₅₄nomnumzane uMagidiyeli, nomnumzane u-Iramu. Yilabo abangabanumzane bakwa-Edomi.

₁Nanka amadodana ka-Israyeli: oRubeni, noSimeyoni, noLevi, noJuda, no-Isakare, noZebuloni, ₂noDani, noJosefa, noBenjamini, noNafetali, noGadi, no-Asheri.

₃Amadodana kaJuda: ngo-Eri, no-Onani, noShela; labo abathathu bazalwa nguye kuBati Shuwa, umKhananikazi. Kepha u-Eri, izibulo likaJuda, wayemubi emehlweni kaJehova; wambulala. ₄UTamari umalokazana wakhe wamzalela oPheresi noZera. Onke amadodana kaJuda ayeyisihlanu.

₅Amadodana kaPheresi: ngoHesironi noHamule. ₆Amadodana kaZera: ngoZimri, no-Ethani, noHemani, noKalikoli, noDara, eyisihlanu onke. ₇Amadodana kaKarmi: ngo-Akari, umhluphi ka-Israyeli, owenza isiphambeko ngokuqalekisiweyo. ₈Amadodana ka-Ethani: ngu-Azariya. ₉Amadodana kaHesironi awazalelwayo: ngoJerameli, noRamu, noKelubayi. ₁₀URamu wazala u-Aminadaba; u-Aminadaba wazala uNaheshoni, isikhulu sabantwana bakwaJuda; ₁₁uNaheshoni wazala uSalima; uSalima wazala uBowazi; ₁₂uBowazi wazala u-Obede; u-Obede wazala uJese.

₁₃UJese wazala izibulo lakhe u-Eliyabi, no-Abinadaba owesibili, noShimeya owesithathu, ₁₄noNethaneli owesine, noRadayi owesihlanu, ₁₅no-Osemi owesithupha, noDavide owesikhombisa; ₁₆odadewabo: ngoSeruya no-Abigayili. Amadodana kaSeruya: ngo-Abishayi, noJowabe, no-Asaheli, emathathu. ₁₇U-Abigayili wazala u-Amasa; uyise ka-Amasa wayenguJetheri umIshmayeli.

₁₈UKalebi indodana kaHesironi wazala ku-Azuba umkakhe nakuJeriyoti; amadodana akhe: ngoJesheri, noShobabi, no-Aridoni. ₁₉Wafa u-Azuba; uKalebi wathatha u-Efrati, owamzalela uHure. ₂₀UHure wazala u-Uri; u-Uri wazala uBesaleli.

₂₁Ngasemuva uHesironi wangena kuyo indodakazi kaMakiri uyise kaGileyadi; wamthatha eseneminyaka engamashumi ayisithupha; wamzalela uSegubi. ₂₂USegubi wazala uJayire, owayenemizi engamashumi amabili nantathu ezweni lakwaGileyadi. ₂₃OGeshuri no-Aramu babaphuca imizi kaJayirem, kanye neKhenati nemizi yalo, imizi engamashumi ayisithupha. Bonke labo babe ngamadodana kaMakiri uyise kaGileyadi.

₂₄Emva kokuba esefile uHesironi eKalebi Efratha, u-Abiya, umkaHesironi, wamzalela u-Ashuri uyise kaThekhowa.

₂₅Amadodana kaJerameli, izibulo likaHesironi, ayenguRamu izibulo, noBuna, no-Oreni, no-Osemi, no-Ahiya. ₂₆UJerameli wayenomunye umfazi ogama lakhe lalingu-Athara; wayengunina ka-Onamu. ₂₇Amadodana kaRamu, izibulo likaJerameli, ayengoMahasi, noJamini, no-Ekheri. ₂₈Amadodana ka-Onamu ayengoShamayi noJada; amadodana kaShamayi: ngoNadabi no-Abishuri. ₂₉Igama lomka-Abishuri lalingu-Abihayili; wamzalela o-Ahibani noMolidi. ₃₀Amadodana kaNadabi: ngoSeledi no-Aphayimi; kepha uSeledi wafa engenabantwana. ₃₁Amadodana ka-Aphayimi: ngu-Ishi; amadodana ka-Ishi: nguSheshani; amadodana kaSheshani: ngu-Ahilayi. ₃₂Amadodana kaJada umfowabo kaShamayi: ngoJetheri noJonathani; uJetheri wafa engenabantwana. ₃₃Amadodana kaJonathani: ngoPheleti noZaza. Labo babe ngamadodana kaJerameli. ₃₄Kepha uSheshani wayengenamadodana, enamadodakazi odwa. USheshani wayenenceku, eyaseGibithe, egama layo lalinguJariha. ₃₅USheshani wanika uJariha inceku yakhe indodakazi yakhe ibe ngumkakhe; wamzalela u-Athayi. ₃₆U-Athayi wazala uNathani; uNathani wazala uZabadi; ₃₇uZabadi wazala u-Efilali; u-Efilali wazala u-Obede; ₃₈u-Obede wazala uJehu; uJehu wazala u-Azariya; ₃₉u-Azariya wazala uHelesi; uHelesi wazala u-Eleyasa; ₄₀u-Eleyasa wazala uSisamayi; uSisamayi wazala uShalumi; ₄₁uShalumi wazala uJekamiya; uJekamiya wazala u-Elishama.

₄₂Amadodana kaKalebi umfowabo kaJerameli: nguMesha izibulo lakhe, owayenguyise kaZifi, namadodana kaMaresha, uyise kaHebroni. ₄₃Amadodana kaHebroni: ngoKora, noTaphuwa, noRekemi, noShema. ₄₄UShema wazala uRahamu uyise kaJorikeyamu; uRekemi wazala uShamayi. ₄₅Indodana kaShamayi: nguMahoni; uMahoni wayenguyise kaBeti Suri.

₄₆U-Efa, isancinza sikaKalebi, wazala oHarana, noMosa, noGazezi; uHarana wazala uGazezi. ₄₇Amadodana kaJadayi: ngoRegemi, noJothamu, noGeshani, noPheleti, no-Efa, noShahafi. ₄₈UMahakha, isancinza sikaKalebi, wazala oSheberi noThirihana. ₄₉Wazala noShahafi uyise kaMadimana, noSheva uyise kaMakibena, noyise kaGibeya; indodakazi kaKalebi yayingu-Akisa.

₅₀Laba babe ngamadodana kaKalebi: amadodana kaHure izibulo lika-Efratha: nguShobali uyise kaKiriyati Jeharimi, ₅₁noSalima uyise kaBetlehema, noHarefi uyise kaBeti Gaderi. ₅₂NoShobali uyise kaKiriyati Jeharimi wayenamadodana: nguHarowe nenxenye kaMenuhoti. ₅₃Imindeni kaKiriyati Jeharimi yayingamaJetheri, namaPhuthi, namaShumati, namaMishirayiti; kubona kwavela amaSorati nama-Eshitawoli. ₅₄Amadodana kaSalima: nguBetlehema, namaNethofa, no-Atharoti BetiJowabe, nenxenye yamaManahati, amaSori. ₅₅Imindeni yababhali ababehlala eJabesi: ngamaThirati, namaShimeyati, namaSukati. Labo babe ngamaKheni avela kuHamati uyise wendlu kaRekabi.

₁Laba babe ngamadodana kaDavide azalelwa wona eHebroni: izibulo ngu-Amnoni ku-Ahinohama umHizreyelikazi; owesibili nguDaniyeli ku-Abigayili umKarmelikazi; ₂owesithathu ngu-Abisalomu indodana kaMahakha indodakazi kaTalimayi inkosi yaseGeshuri; owesine ngu-Adoniya indodana kaHagiti; ₃owesihlanu nguShefathiya ku-Abithali; owesithupha ngu-Itereyamu ku-Egila umkakhe. ₄Wazalelwa ayisithupha eHebroni; wabusa khona iminyaka eyisikhombisa nezinyanga eziyisithupha; eJerusalema wabusa iminyaka engamashumi amathathu nantathu.

₅Yilaba azalelwa bona eJerusalema: ngoShimeya, noShobabi, noNathani, noSolomoni, bebane, kuBati Shuwa indodakazi ka-Amiyeli, ₆noJibari, no-Elishama, no-Elifeleti, ₇noNoga, noNefegi, noJafiya, ₈no-Elishama, no-Eliyada, no-Elifeleti, beyisishiyagalolunye.

₉Bonke labo babe ngamadodana kaDavide ngaphandle kwamadodana ezancinza; uTamari wayengudadewabo. ₁₀Indodana kaSolomoni yayinguRehobowamu; ngu-Abiya indodana yakhe; ngu-Asa indodana yakhe; nguJehoshafati indodana yakhe; ₁₁nguJoramu indodana yakhe; ngu-Ahaziya indodana yakhe; nguJowashi indodana yakhe; ₁₂ngu-Amasiya indodana yakhe; ngu-Azariya indodana yakhe; nguJothamu indodana yakhe; ₁₃ngu-Ahazi indodana yakhe; nguHezekiya indodana yakhe; nguManase indodana yakhe; ₁₄ngu-Amoni indodana yakhe; nguJosiya indodana yakhe. ₁₅Amadodana kaJosiya: izibulo nguJohanani; owesibili nguJehoyakimi; owesithathu nguSedekiya; owesine nguShalumi. ₁₆Amadodana kaJehoyakimi: nguJekoniya indodana yakhe noSedekiya indodana yakhe.

₁₇Amadodana kaJekoniya umthunjwa: ngoSheyalitiyeli indodana yakhe, ₁₈noMalikiramu, noPhedaya, noShenasari, noJekamiya, noHoshama, noNedabiya. ₁₉Amadodana kaPhedaya: ngoZerubabele noShimeyi; amadodana kaZerubabele: ngoMeshulamu noHananiya uShelomiti wayengudadewabo ₂₀noHashuba, no-Oheli, noBerekiya, noHasadiya, noJushabi Hesedi, beyisihlanu. ₂₁Amadodana kaHananiya: ngoPhelathiya, noJeshaya, namadodana kaRefaya, namadodana ka-Arinani, namadodana ka-Obadiya, namadodana kaShekaniya. ₂₂Amadodana kaShekaniya: nguShemaya; amadodana kaShemaya: ngoHathushi, no-Igali, noBariya, noNehariya, noShafati, beyisithupha. ₂₃Amadodana kaNehariya: ngo-Eliyohenayi, noHezekiya, no-Azirikamu, bebathathu. ₂₄Amadodana ka-Eliyohenayi: ngoHodaviya, no-Eliyashibi, noPhelaya, no-Akubi, noJohanani, noDelaya, no-Anani, beyisikhombisa.

₁Amadodana kaJuda: ngoPheresi, noHesironi, noKarmi, noHure, noShobali. ₂URewaya indodana kaShobali wazala uJahati; uJahati wazala o-Ahumayi noLahadi. Leyo yayiyimindeni yamaSorati. ₃Yilaba abangabakayise ka-Etamu: oJizreyeli, no-Ishima, no-Idibashi, igama likadadewabo lalinguHaseleliponi ₄noPhenuweli, uyise kaGedori, no-Ezeri, uyise kaHusha. Yilabo ababe ngamadodana kaHure izibulo lika-Efratha, uyise kaBetlehema. ₅U-Ashuri uyise kaThekhowa wayenabafazi ababili, oHela noNahara. ₆UNahara wamzalela o-Ahuzamu, noHeferi, noThemeni, noHawahashitari. Yilabo ababe ngamadodana kaNahara. ₇Amadodana kaHela: ngoSereti, noJisihari, no-Ethinani. ₈UKhosi wazala o-Anubi, noSobeba, nemindeni ka-Ahariheli indodana kaHarumu.

₉UJabesi wayetuseka kunabafowabo; unina wamqamba igama lokuthi uJabesi,* ethi: “Ngokuba ngamzala ngibuhlungu.” ₁₀UJabesi wabiza uNkulunkulu ka-Israyeli, wathi: “Sengathi ungangibusisa nokungibusisa, wandise umkhawulo wami, isandla sakho sibe nami, ungivikele ebubini, ngingehlelwa ngubuhlungu.” UNkulunkulu wamnika akucelayo.

₁₁UKelubi umfowabo kaShuba wazala uMehiri owayenguyise ka-Eshitoni. ₁₂U-Eshitoni wazala uBeti Rafa, noPhaseya, noThehina uyise ka-Iri Nahashi. Yilabo ababe ngamadodana kaRekha.

₁₃Amadodana kaKenazi: ngo-Otheniyeli noSeraya; amadodana ka-Otheniyeli: nguHathati. ₁₄UMehonothayi wazala u-Ofira; uSeraya wazala uJowabe uyise wesigodi sabakhandi, ngokuba babe ngabakhandi.

₁₅Amadodana kaKalebi indodana kaJefune: ngo-Iru, no-Ela, noNahamu, namadodana ka-Ela, noKenazi.

₁₆Amadodana kaJehaleli: ngoZifi, noZifa, noThiriya, no-Asareli.

₁₇Amadodana ka-Ezra: ngoJetheri, noMeredi, no-Eferi, noJaloni; wazala oMiriyamu, noShamayi, no-Ishiba uyise ka-Eshitemowa. ₁₈Umkakhe umJudakazi wazala uJeredi uyise kaGedori, noHebere uyise kaSoko, noJekuthiyeli uyise kaZanowa. Kepha abanye babe ngamadodana kaBithiya indodakazi kaFaro eyathathwa nguMeredi.

₁₉Amadodana omkaHodiya udadewabo kaNahamu ayenguyise kaKeyila umGarimi no-Eshitemowa umMahakha.

₂₀Amadodana kaShimoni: ngo-Amnoni, noRina, noBeni Hanani, noThiloni. Amadodana ka-Ishi: ngoZoheti noBeni Zoheti.

₂₁Amadodana kaShela indodana kaJuda: ngu-Eri, uyise kaLekha, noLahada uyise kaMaresha, nemindeni yendlu yabaluka ilineni elicolekileyo bendlu ka-Ashibeya, ₂₂noJokimi, nabantu baseKhozeba, noJowashi, noSarafi ababebusa kwaMowabi, noJashubi Lehemi. Ngezasendulo kodwa lezi zindaba. ₂₃Labo babe ngababumbi nabakhileyo eNethayimi naseGedera; bahlala khona nenkosi ngomsebenzi wayo.

₂₄Amadodana kaSimeyoni: ngoNemuweli, noJamini, noJaribi, noZera, noShawule, ₂₅noShalumi indodana yakhe, noMibisamu indodana yakhe, noMishima indodana yakhe. ₂₆Amadodana kaMishima: ngoHamuweli indodana yakhe, noZakuri indodana yakhe, noShimeyi indodana yakhe.

₂₇UShimeyi wayenamadodana ayishumi nesithupha namadodakazi ayisithupha; kepha abafowabo babengenabantwana abaningi, nomndeni wabo awandanga njengabantwana bakwaJuda. ₂₈Bahlala eBeri Sheba, naseMolada, naseHasari Shuwali, ₂₉naseBiliha, nase-Esemi, naseTholadi, ₃₀naseBetuweli, naseHorma, naseSikilagi, ₃₁naseBeti Marikaboti, naseHasari Susimi, naseBeti Biri, naseShaharayimi. Yileyo eyayiyimizi yabo kwaze kwabusa uDavide. ₃₂Imizana yabo yayiyi-Etamu, ne-Ayini, neRimoni, neThokheni, ne-Ashani, imizi eyisihlanu, ₃₃kanye nayo yonke imizana eyayiyizungeza le mizi kwaze kwaba seBali. Lezo zaziyizindawo zabo, bebhalwe ngezizukulwane zabo.

₃₄Futhi oMeshobabi, noJamileki, noJosha indodana ka-Amasiya, ₃₅noJoweli, noJehu kaJoshibiya kaSeraya ka-Asiyeli, ₃₆no-Eliyohenayi, noJahakhoba, noJeshohaya, no-Asaya, no-Adiyeli, noJesimiyeli, noBenaya, ₃₇noZiza kaShifi ka-Aloni kaJedaya kaShimri kaShemaya.

₃₈Labo ababizwe ngamagama babeyizikhulu emindenini yabo; izindlu zawoyise zanda kakhulu. ₃₉Baya ngasekungeneni eGedori ngasohlangothini lwasempumalanga kwesigodi ukufunela izimvu zabo idlelo. ₄₀Bafumana idlelo elivundileyo nelihle; izwe lalibanzi nxazombili, lizolile, linokuthula, ngokuba ababehlala khona kuqala babe ngabakwaHamu.

₄₁Labo abalotshwe ngamagama bafika ezinsukwini zikaHezekiya inkosi yakwaJuda, bachitha amatende abo namaMehuni afunyanwa khona, bawaqothula kuze kube namuhla, bahlala esikhundleni sabo, ngokuba kwakukhona idlelo lezimvu zabo lapho. ₄₂Abanye babo, amadodana kaSimeyoni, abantu abangamakhulu ayisihlanu, baya entabeni yaseSeyiri benezinduna zabo oPhelathiya, noNehariya, noRefaya, no-Uziyeli, amadodana ka-Ishi. ₄₃Bachitha insali yama-Amaleki ephunyukileyo, bahlala khona kuze kube namuhla.

₁Amadodana kaRubeni, izibulo lika-Israyeli ngokuba wayeyizibulo; kepha njengokuba wangcolisa umbhede kayise, ubuzibulo bakhe banikwa amadodana kaJosefa indodana ka-Israyeli, futhi akabhalwa ngezizukulwane njengezibulo. ₂Noma uJuda ebenamandla kunabafowabo, kwavela kuye umbusi, ubuzibulo nokho babungobukaJosefa. ₃Amadodana-ke kaRubeni, izibulo lika-Israyeli: ngoHanoki, noPhalu, noHesironi, noKarmi.

₄Amadodana kaJoweli: nguShemaya indodana yakhe, noGogi indodana yakhe, noShimeyi indodana yakhe, ₅noMika indodana yakhe, noRewaya indodana yakhe, noBali indodana yakhe, ₆noBera indodana yakhe, owathunjwa nguThiligati Phileneseri inkosi yase-Asiriya; wayeyisikhulu sabakwaRubeni.

₇Nabafowabo ngemindeni yabo, bebhalwe ngezizukulwane zabo: ngoJehiyeli inhloko noZakariya, ₈noBela ka-Azazi kaShema kaJoweli, owahlala e-Aroweri kwaze kwaba seNebo noBali Mehoni. ₉Ngasempumalanga wakha kwaze kwaba sekuqaleni kwehlane elisuka emfuleni u-Ewufrathe, ngokuba izinkomo zabo zanda ezweni lakwaGileyadi. ₁₀Emihleni kaSawule baphaka impi kumaHagiri, awa ngesandla sabo; bahlala ematendeni abo ngasempumalanga yonke yakwaGileyadi.

₁₁Amadodana kaGadi ahlala malungana nabo ezweni laseBashani kwaze kwaba seSaleka: ₁₂ngoJoweli inhloko, noShafamu owesibili, noJahanayi, noShafati eBashani; ₁₃nabafowabo ngezindlu zawoyise: ngoMikayeli, noMeshulamu, noSheba, noJorayi, noJakani, noZiya, no-Ebere, beyisikhombisa. ₁₄Labo babe ngamadodana ka-Abihayili kaHuri kaJarowa kaGileyadi kaMikayeli kaJeshishayi kaJahido kaBuzi; ₁₅u-Ahi ka-Abidiyeli kaGuni wayeyinhloko yezindlu zawoyise. ₁₆Bahlala kwaGileyadi eBashani nasemizini yalo nasemadlelweni onke aseSharoni kwaze kwaba semikhawulweni yawo.

₁₇Bonke labo babhalwa ngezizukulwane zabo emihleni kaJothamu inkosi yakwaJuda nasemihleni kaJerobowamu inkosi yakwa-Israyeli.

₁₈Amadodana kaRubeni, nabakwaGadi, nenxenye yesizwe sakwaManase, amadoda anamandla, amadoda aphatha ihawu nenkemba, ansala umnsalo, ayefunde ukulwa, ayeyizinkulungwane ezingamashumi amane nane namakhulu ayisikhombisa namashumi ayisithupha aphuma impi. ₁₉Aphaka impi kumaHagiri, noJeturu, noNafishi, noNodabi. ₂₀Asizwa ekulweni nabo, amaHagiri anikelwa ezandleni zawo nabo bonke ababe nawo, ngokuba akhala kuNkulunkulu empini, amncenga, ngokuba ayemethemba. ₂₁Asusa izinkomo zabo, namakamela ayizinkulungwane ezingamashumi ayisihlanu, nezimvu eziyizinkulungwane ezingamakhulu amabili namashumi ayisihlanu, nezimbongolo eziyizinkulungwane ezimbili, nabantu abayizinkulungwane eziyikhulu. ₂₂Ngokuba kwawa abaningi befile, lokhu impi yayingekaNkulunkulu. Ahlala esikhundleni sabo aze athunjwa.

₂₃Abantwana benxenye yesizwe sakwaManase bahlala kulelo zwe, kusukela eBashani kuze kube seBali Hermoni naseSeniri nasentabeni yaseHermoni.

₂₄Nazi izinhloko zezindlu zawoyise: o-Eferi, no-Ishi, no-Eliyeli, no-Aziriyeli, noJeremiya, noHodaviya, noJahidiyeli, amaqhawe anamandla, amadoda anegama, izinhloko zezindlu zawoyise.

₂₅Kepha baphambuka kuNkulunkulu wawoyise, balandela ngokuphinga onkulunkulu babantu balelo zwe, uNkulunkulu abachithayo phambi kwabo. ₂₆UNkulunkulu ka-Israyeli wavusa umoya kaPhuli inkosi yase-Asiriya nomoya kaThiligati Philineseri inkosi yase-Asiriya, wabathumba: abakwaRubeni, nabakwaGadi, nenxenye yesizwe sakwaManase, wabayisa eHala, naseHabori, naseHara, nasemfuleni iGozani kuze kube namuhla.