UJona 2

“Ekuhluphekeni kwami ngakhala kuJehova,

wangiphendula;

ngisesiswini sendawo yabafileyo ngamemeza,

wezwa izwi lami.

₃Wangiphonsa ekujuleni,

enhliziyweni yolwandle,

umfula wangihaqa;

onke amadlambi akho namaza akho adlula phezu kwami.

₄Ngathi mina:

‘Ngixoshiwe emehlweni akho;’

nokho ngiyakubuye ngibheke ithempeli lakho elingcwele.

₅Amanzi angihaqa kwaze kwaba nasekuphileni kwami,

utwa lwangikaka.

Umhlanga wathandela ekhanda lami.

₆Ngehla ngasemikhawulweni yezintaba;

imigoqo yomhlaba yayisemva kwami kuze kube phakade.

Kepha wakhuphula ukuphila kwami egodini,

Jehova Nkulunkulu wami.

₇“Lapho umphefumulo wami waphela amandla phakathi kwami,

ngamkhumbula uJehova;

umkhuleko wami wangena kuwe ethempelini lakho elingcwele.

₈“Abagcina okungumoya nokuyize nje bashiya Othembekile kubo.

₉Kepha mina ngiyakukuhlabela ngezwi lokudumisa,

ngigcwalise engikuthembisileyo.

Ukusindiswa kukuye uJehova.”