To The Word – Day 138

₁Oonyana bakaLevi nguGershon, noKohati, noMerari. ₂Oonyana bakaKohati nguAmram, noIzare, noHebron, noUziyeli. ₃Abantwana baka-Amram ngooAron, noMosis, noMiriyam. Oonyana baka-Aron ngooNadabhi, noAbhihu, noElazare, noItamare.

₄UElazare wazala uFineyasi, uFineyasi wazala uAbhishuwa, ₅uAbhishuwa wazala uBhuki, uBhuki wazala u-Uzi, ₆u-Uzi wazala uZeraya, uZeraya wazala uMerayoti, ₇uMerayoti wazala uAmariya, uAmariya wazala uAhitubhi, ₈uAhitubhi wazala uZadoki, uZadoki wazala uAhimazi, ₉uAhimazi wazala uAzariya, uAzariya wazala uYohanan. ₁₀UYohanan wazala uAzariya lo wayengumbingeleli ngexesha lokwakhiwa kwendlu kaThixo nguSolomon eJerusalem. ₁₁UAzariya wazala uAmariya, uAmariya wazala uAhitubhi, ₁₂uAhitubhi wazala uZadoki, uZadoki wazala uShalum, ₁₃uShalum wazala uHilekiya, uHilekiya wazala uAzariya, ₁₄uAzariya wazala uSeraya, uSeraya wazala uYozadaki. ₁₅UYozadaki lo wafuduswa nabemi bakwaJuda neJerusalem basiwa ekuthinjweni ngokuya *uNdikhoyo wayebathumele ngoNebhukadenezare.

₁₆Oonyana bakaLevi nguGershon, noKohati, noMerari. ₁₇Naba oonyana bakaGershon: nguLibheni noShimeyi. ₁₈Oonyana bakaKohati nguAmram, noIzare, noHebron, noUziyeli. ₁₉Oonyana bakaMerari nguMali noMushi.

Nazi iinkulu zezindlu zabakwaLevi ngokuzana kwazo izizukulwana ngezizukulwana: ₂₀Kwindlu kaGershon inkulu nguLibheni, ibe nguYahati, uZima, ₂₁uJowa, uIdo, uZera, noYaterayi. ₂₂Kwindlu kaKohati inkulu nguAminadabhi, ibe nguKora, uAsire, ₂₃uElikana, uAbhiyasafu, uAsire, ₂₄uTahati, u-Uriyeli, u-Uziya, noShawule. ₂₅Kwindlu kaElikana ngoonyana bakhe ooAmisayi noAhimoti, ₂₆ibe ngunyana ka-Ahimoti uElikana, ibe ngunyana wakhe uZofayi, ibe nguNahati, ₂₇uEliyabhi, uJeroham, uElikana, [noSamweli], ₂₈ibe ngoonyana bakaSamweli, [uJoweli] owamazibulo noAbhiya umninawa wakhe. ₂₉Kwindlu kaMerari inkulu nguMali, ibe nguLibheni, uShimeyi, u-Uza, ₃₀uShimeya, uHagiya, noAsaya.

₃₁Aba ngâbo ukumkani uDavide wabaphathisa umbandela weengoma *esibingelelweni *sikaNdikhoyo emva kokuba ityesi yomnqophiso yazinziswa khona. ₃₂Babethwele uxanduva lokulungiselela ngeengoma kwisibingelelo esiyintente, wada ukumkani uSolomon wayakha indlu kaNdikhoyo eJerusalem. Umsebenzi wabo babewuqhuba ngokwemiqathango abayibekelweyo.

₃₃Naba ke abebephathiswe iingoma noonyana babo: Kwindlu kaKohati umbhexeshi wekwayara enkulu ibinguHeman unyana koJoweli, kaSamweli, ₃₄kaElikana, kaJeroham, kaEliyeli, kaTowa, ₃₅kaZufi, kaElikana, kaMahati, ka-Amasayi, ₃₆kaElikana, kaJoweli, ka-Azariya, kaZefaniya, ₃₇kaTahati, ka-Asire, ka-Abhiyasafu, kaKora, ₃₈kaIzare, kaKohati, kaLevi, kaSirayeli. ₃₉Ikwayara enganeno ibibhexeshwa nguAsafu unyana kaBherekiya, kaShimeya, ₄₀kaMikayeli, kaBhaseya, kaMalekiya, ₄₁kaEteni, kaZera, ka-Adaya, ₄₂kaEtan, kaZima, kaShimeyi, ₄₃kaYahati, kaGershon, kaLevi. ₄₄Ikwayara yesithathu ibibhexeshwa nguEtan wendlu kaMerari. UEtan lo ebengunyana kaKishi unyana ka-Abhedi, kaMaluki, ₄₅kaHashabhiya, ka-Amaziya, kaHilekiya, ₄₆ka-Amazi, kaBhani, kaShemere, ₄₇kaMali, kaMushi, kaMerari, kaLevi.

₄₈Amawabo abaLevi ayephathiswe wonke umsebenzi ongomnye esibingelelweni nasendlwini kaThixo.

₄₉UAron noonyana bakhe babenyusa amadini eqongeni lamadini atshiswayo, beqhumisela eqongeni leziqhumiso, besenza wonke umsebenzi weyona ndawo ingcwele endlwini kaThixo. Bebengxengxeza egameni lamaSirayeli ngokwemiyalelo yonke kaMosis isicaka sikaThixo.

₅₀Naba oonyana baka-Aron: uAron wazala uElazare, uElazare wazala uFineyasi, uFineyasi wazala uAbhishuwa, ₅₁uAbhishuwa wazala uBhuki, uBhuki wazala u-Uzi, u-Uzi wazala uZeraya, ₅₂uZeraya wazala uMerayoti, uMerayoti wazala uAmariya, uAmariya wazala uAhitubhi, ₅₃uAhitubhi wazala uZadoki, uZadoki wazala uAhimahaze.

₅₄Nantsi imihlaba eyanikwa inzala ka-Aron wendlu yakwaKohati. Banikwe isabelo sokuqala kwiindawo ezabelwe abaLevi *ngeqashiso. ₅₅Banikwa iHebron ezweni lakwaJuda kunye namadlelo ayo. ₅₆Ke wona amasimi aseHebron kunye neelali eziyingqongileyo zanikwa uKalebhi unyana kaJefune.

₅₇Nazi ke iidolophu namadlelo azo ezanikwa oonyana baka-Aron: iHebron (eyayisisixeko sokuphephela), iLibhena, iYatire, iEshtamowa, ₅₈iHilen, iDebhiri, ₅₉iAshan, neBhete-shemeshe. ₆₀Esizweni sakwaBhenjamin banikwa ezi dolophu zinamadlelo azo: iGebha, iAlemete, neAnatoti. Zizonke ezi dolophu ezazinikwe amaKohati bezilishumi elinantathu.

₆₁Oonyana bakaKohati abaseleyo bazabelwa ngeqashiso iidolophu ezilishumi esiqingatheni sesizwe sakwaManase.

₆₂Oonyana bakaGershon ngokwezindlu zabo banikwa iidolophu ezilishumi elinantathu esizweni sakwaIsakare nasesizweni sakwaNafetali nakwicandelo lesizwe sakwaManase eliseBhashan.

₆₃Oonyana bakaMerari ngokwezindlu zabo bazabelwa ngeqashiso iidolophu ezilishumi elinambini esizweni sakwaRubhen nasesizweni sakwaGadi nasesizweni sakwaZebhulon.

₆₄Ke ngoko amaSirayeli anika abaLevi ezi dolophu zikhankanyiweyo zinamadlelo azo. ₆₅Kwizizwe zakwaJuda, nakwaSimon, nakwaBhenjamin bazifumana ngamaqashiso.

₆₆Ke izindlu ezithile zamaKohati zanikwa iidolophu ezinamadlelo esizweni sakwaEfrayim. ₆₇Kwiintaba zakwaEfrayim banikwa iShekem (eyayisisixeko sokuphephela), neGezere, ₆₈neYokemeham, neBhete-horon, ₆₉neAyalon, neGati-rimon. ₇₀Ke zona izindlu eziseleyo zamaKehati zanikwa iAnere neBhileham namadlelo azo esiqingatheni sesizwe sakwaManase.

₇₁AmaGershon wona abelwa ngolu hlobo: Kwisiqingatha sesizwe sakwaManase anikwa iGolan yaseBhashan neAshtaroti, zinamadlelo azo. ₇₂Kwisizwe sakwaIsakare anikwa iKadeshe, neDabherati, ₇₃neRamoti, neAnem, zinamadlelo azo. ₇₄Kwisizwe sakwa-Ashere anikwa iMashale, neAbhedon, ₇₅neHukoki, neRehobhi, zikunye namadlelo azo. ₇₆Kwisizwe sakwaNafetali anikwa iKedeshe yaseGalili, neHamon, neKiriyatayim, zinamadlelo azo.

₇₇Abaseleyo kubaLevi yayingoonyana bakaMerari. Bona banikwa ezi dolophu zilandelayo zinamadlelo azo: Kwisizwe sakwaZebhulon banikwa iRimon neTabhore. ₇₈Kwisizwe sakwaRubhen ngaphesheya kweJordan ngasempumalanga kweJeriko banikwa iBhezere esentlango, iYaza, ₇₉iKedemoti, neMefati. ₈₀Kwisizwe sakwaGadi banikwa iRamoti yaseGiliyadi, neMahanayim, ₈₁neHeshbhon, neYazere zinamadlelo azo.

₁UIsakare wayenoonyana abane: uTola, uPuwa, uYashubhi, noShimron. ₂Oonyana bakaTola ngu-Uzi, noRefaya, noJeriyeli, noYamayi, noIbhesam, noSamweli. Babeziinkulu zezindlu zakwaTola. Ngemihla kaDavide amadoda akwaTola anokungena emkhosini ayengamashumi amabini anambini amawaka anamakhulu amathandathu.

₃Unyana kaUzi nguYezeraya. Oonyana baYezeraya nguMikayeli, no-Obhadiya, noJoweli, noIshiya. Bebonke yayiziinkulu zezindlu. ₄Babenabafazi noonyana abaninzi; inzala yabo ibingamadoda angamashumi amathathu anantandathu anokungena emkhosini. ₅Ewonke amaIsakare ezindlu ngezindlu anokungena emkhosini ayengamashumi asibhozo anesixhenxe samawaka.

₆UBhenjamin wayenoonyana abathathu: uBhela, uBhekere, noYediyali. ₇UBhela wayenoonyana abahlanu abaziinkulu zezindlu, bengamagorha anobukroti: uEzebhon, u-Uzi, u-Uziyeli, uJerimoti, noIri. Inzala yabo ibingamadoda angamashumi anambini amawaka anamashumi amathathu anane anokungena emkhosini.

₈Naba oonyana bakaBhekere: nguZemira, noYowashe, noElizere, noEliyohenayi, no-Omri, noJeremoti, noAbhiya, noAnatoti, noAlemete. ₉Inzala yabo ngokwezindlu ibingamadoda angamashumi amabini amawaka anamakhulu amabini anokungena emkhosini.

₁₀UYediyali wazala uBhilehan. Oonyana bakaBhilehan nguJewushe, noBhenjamin, noEhude, noKenana, noZetan, noTashishe, noAhishare. ₁₁Oonyana bakaYediyali aba babeziinkulu zezindlu, bengamagorha anobukroti. Inzala yabo ibilishumi elinesixhenxe lamawaka anamakhulu amabini amadoda anokungena emkhosini.

₁₂AmaShupim namaHupim yinzala kaIre, ke wona amaHushim yinzala ka-Ahere.

₁₃UNafetali, unyana kaYakobi nomkakhe uBhiliha, wazala uGuni, noYezere, noShalum.

₁₄UManase wayeneqadi elingumAramikazi elazala uAseriyeli noMakire uyise kaGiliyadi. ₁₅UMakire lo wathatha uMahaka udade boHupim noShupim. Omnye wenzala kaMakire nguZelofehadi owazala amantombazana kuphela.

₁₆Umka-Makire uMahaka wazala unyana awamthiya igama elinguPereshe. Umninawa wakhe nguShereshe, owazala u-Ulam noRakem. ₁₇U-Ulam lo wazala uBhedan. Yiyo leyo ke inzala kaGiliyadi, unyana kaMakire, unyana kaManase.

₁₈Udade boGiliyadi uHamolekete wazala uIshodi, noAbhiyezere, noMala.

₁₉Oonyana bakaShemida nguAhiyan, noShekem, noLiki, noAniyam.

₂₀Nantsi inzala kaEfrayim. UEfrayim wazala uShutela, uShutela wazala uBheredi, uBheredi wazala uTahati, uTahati wazala uEliyada, uEliyada wazala uTahati, ₂₁uTahati wazala uZabhadi, uZabhadi wazala uShutela.

Abanye oonyana bakaEfrayim, uEzere noEladi, babulawa xa babefuna ukuthimba imfuyo yabantu baseGati. ₂₂UEfrayim wabazilela ixesha elide oonyana bakhe abaswelekileyo, baza abazalana naye bafika bamkhuza. ₂₃Emva koko umkakhe wamitha, wazala unyana, waza uEfrayim wamthiya igama elinguBheriya, kuba indlu yakhe ibihlelwe lilishwa.

₂₄UEfrayim wazala nentombi enguShera. UShera lo wayakha iBhete-horon, eyasezantsi neyasentla, wayakha neUzen-shera.

₂₅UEfrayim wazala nonyana onguRefa. URefa lo wazala uReshefe, uReshefe wazala uTela, uTela wazala uTahan, ₂₆uTahan wazala uLadan, uLadan wazala uAmihudi, uAmihudi wazala uElishama, ₂₇uElishama wazala uNune, uNune wazala uYoshuwa.

₂₈Umhlaba abema kuwo oonyana bakaEfrayim yiBhetele namaphandle ayingqongileyo. Ngasempumalanga umda ubuma ngeNaran, ngasentshona ume ngeGezere neelali eziyingqongileyo, uye kutsho naseShekem neelali zakhona, naseAya neelali zakhona. ₂₉Ngasemdeni wakwaManase ibiyiBhete-shehan, iTanaki, iMegido, iDore, neelali ezizingqongileyo. Kulapho yayimi khona inzala kaJosefu unyana kaSirayeli.

₃₀Nantsi inzala ka-Ashere: oonyana nguImna, noIshwa, noIshvi, noBheriya, nodade wabo uSera.

₃₁Oonyana bakaBheriya nguHebhere noMalkiyeli owazala uBhizaviti. ₃₂Ke yena uHebhere wazala uYafelete, noShemere, noHotam, nodade wabo uShuwa.

₃₃Oonyana bakaYafelete nguPasaki, noBhimehali, noAshevati. ₃₄Oonyana bakaShemere nguAhi noRoga, noYehubha, noAram. ₃₅Oonyana bomntakwabo-Shemere uHelem nguZofa, noImna, noSheleshe, noAmali. ₃₆Ke bona oonyana bakaZofa nguSuwa, noHarenefere, noShuwali, noBheri, noImra, ₃₇noBhezere, noHodi, noShama, noShilesha, noItran, noBhera.

₃₈Oonyana bakaYetere nguYefune, noPisepa, noAra. ₃₉Oonyana bakaUla nguAra, noHaniyeli, noRiziya.

₄₀Bonke aba babeyinzala ka-Ashere. Babeziinkulu, bengamadoda akhethiweyo anobukroti, beziinkokheli ezinamagama. Bebonke babengamadoda angamashumi amabini anantandathu amawaka anokungena emkhosini.

₁Naba oonyana abahlanu bakaBhenjamin ngokuzana kwabo: nguBhela owamazibulo, ibe nguAshbhele, uAhara, ₂uNoha, noRafa.

₃Oonyana bakaBhela nguAdare, noGera, noAbhihudi, ₄noAbhishuwa, noNaman, noAhowa, ₅noGera, noShefufan, noHuram.

_6-7Oonyana bakaEhude nguNaman, noAhiya, noGera. Babeziinkulu zezindlu zaseGebha, ezo zanyanzelekayo ukuba zifuduke, zaza zaya eMahanati, zikhokelwa nguGera uyise kaUza noAhihudi.

₈UShaharayim wawuqhawula umtshato wakhe nabafazi bakhe, uHushim noBhayara, waya kuma eMowabhi, ₉wathatha uHodeshe, wazala uJobhabhi, noZibheya, noMesha, noMalkom, ₁₀noYehuze, noSakiya, noMirma. Oonyana bakhe aba bonke baba ziinkulu zezindlu. ₁₁Ke nomkakhe uHushim wayemzalele uAhitubhi noElipali. ₁₂Oonyana bakaElipali nguHebhere, noMisham, noShemede lowo wayakhayo iOno kwaneLodi neelali ezizingqongileyo.

₁₃OoBheriya noShema babeziinkulu zezindlu ezazimi eAyalon zaza zabagxotha abemi baseGati. ₁₄Kwinzala kaBheriya kukho uAhiyo, noShashaki, noYeremoti, ₁₅noZebhadiya, noAradi, noEdere, ₁₆noMikayeli, noIshpa, noYoha.

_17-18Oonyana bakaElipali nguZebhadiya, noMeshulam, noHizeki, noHebhere, noIshmerayi, noYeziliya, noJobhabhi.

_19-21Oonyana bakaShimeyi nguYakim, noZikri, noZabhedi, noElihenayi, noZiletayi, noEliyeli, noAdaya, noBheraya, noShimrati.

_22-25Oonyana bakaShashaki nguIshpan, noHebhere, noEliyeli, noAbhedon, noZikri, noHanan, noHananiya, noElam, noAntotiya, noIfediya, noPenuweli.

_26-27Oonyana bakaJeroham nguShamsherayi, noShehariya, noAtaliya, noYareshiya, noEliya, noZikri.

₂₈Zizo ezo ke iinkulu zezindlu ezazihlala eJerusalem.

₂₉Ukhokho weGibheyon wayehlala khona eGibheyon. Igama lomkakhe nguMahaka. ₃₀Ngokuzana kwabo oonyana bakhe nguAbhedon owamazibulo, ibe nguZure, uKishe, uBhali, uNadabhi, ₃₁uGedore, uAhiyo, uZekere, ₃₂noMikeloti owazala uShimeya. Nabo nenzala yabo babehlala eJerusalem ngakwamanye amaBhenjamin.

₃₃UNere wazala uKishe, uKishe wazala uSawule, uSawule wazala uJonatan, noMalkishuwa, noAbhinadabhi, noEshbhali. ₃₄UJonatan wazala uMeribhali, uMeribhali wazala uMika.

₃₅Oonyana bakaMika nguPiton, noMeleki, noTareya, noAhazi. ₃₆UAhazi wazala uYowada, uYowada wazala uAlemete, noAzemavete, noZimri, waza uZimri wazala uMoza, ₃₇uMoza wazala uBhineya, uBhineya wazala uRafa, uRafa wazala uElasa, uElasa wazala uAzele. ₃₈UAzele ebenoonyana abathandathu, amagama abo inguAzerikam, uBhokeru, uIshmayeli, uShariya, uObhadiya, noHanan. ₃₉Oonyana abathathu bakaEsheki, umntakwabo-Azele ngu-Ulam owamazibulo, ibe nguJewushe noElifelete. ₄₀Oonyana bakaUlam babengamagorha anobuchule kwicala lamatolo. Babenoonyana nabazukulwana abalikhulu elinamashumi amahlanu. Bonke abo babeyinzala kaBhenjamin.

₁AmaSirayeli onke adweliswa ngokwemilibo yawo encwadini yookumkani bakwaSirayeli.

AmaJuda athinjwa, asiwa eBhabheli, ngenxa yokunganyaniseki kwawo. ₂Abokuqala ababuya ekuthinjweni bangena balanda ilifa labo ngamaSirayeli athile, nababingeleli, nabaLevi, nabasebenza endlwini kaThixo. ₃Bekukho abendlu kaJuda, nabendlu kaBhenjamin, nabendlu kaEfrayim nekaManase ababehlala eJerusalem.

₄Nazi iinkulu zabendlu kaJuda ababehlala eJerusalem: Kwinzala kaPereze, unyana kaJuda, inkulu ngu-Utayi, unyana ka-Amihudi, unyana kaOmri, unyana kaImri, unyana kaBhani. ₅Kwindlu kaShela inkulu nguAsaya izibulo, noonyana bakhe. ₆Kwindlu kaZera inkulu nguJeweli. Bebonke abantu bendlu yakwaJuda babengamakhulu amathandathu anamashumi alithoba.

₇Nazi iinkulu zamaBhenjamin awayehlala eJerusalem: nguSalu kaMeshulam kaHodaviya kaHasenuwa; ₈uIbheneya kaJeroham; uEla kaUzi kaMikri; noMeshulam kaShefatiya kaRuweli kaIbheniya. ₉La madoda ke ayeziinkulu zezindlu zakowawo. Ewonke la maBhenjamin ayengamakhulu alithoba anamashumi amahlanu anantandathu.

₁₀Naba ababingeleli ababehlala eJerusalem: nguYedaya, uJoyaribhi, uJakin, ₁₁uAzariya kaHilekiya kaMeshulam kaZadoki kaMerayoti ka-Ahitubhi, owayeligosa elikhulu lendlu kaThixo, ₁₂uAdaya kaJehoram kaPashure kaMalekiya, noMasayi ka-Adiyeli kaYazera kaMeshulam kaMeshilemiti kaImere.

₁₃Ababingeleli ababeziinkulu zezindlu babeliwaka elinamakhulu asixhenxe anamashumi amathandathu. Babeziingcungela kumsebenzi wendlu kaThixo.

₁₄Naba abaLevi ababehlala eJerusalem: nguShemaya kaHashubhi ka-Azerikam kaHashabhiya, wendlu kaMerari, ₁₅uBhakebhakare, uHerese, uGalali, uMataniya kaMika kaZikri ka-Asafu, ₁₆uObhadiya kaShemaya, kaGalali kaJedutun, noBherekiya ka-Asa kaElikana, owayehlala kwiilali zamaNetofa.

₁₇Naba abagcini-masango bendlu kaThixo ababehlala eJerusalem: nguShalum, noAkubhi, noTalmon, noAhiman, nabantakwabo. Intloko yabo ibinguShalum. ₁₈Unangoku basagada isango elingasempumalanga, elo adla ngokungena ngalo ukumkani. Mandulo babegada amasango eekampu zabaLevi.

₁₉UShalum unyana kaKore, unyana ka-Abhiyasafu, unyana kaKora, kunye namawabo amaKora, wayephathiswe umsebenzi wokugada amasango endlu kaThixo kanye njengoko ookhokho babo babegada isango lentente esisibingelelo *sikaNdikhoyo. ₂₀Mandulo uFineyasi, unyana kaElazare, wayebongamele abagcini-masango, yaye uNdikhoyo wayenaye. ₂₁UZekariya, unyana kaMeshelemiya, naye wayengumgcini-sango kwindlu kaNdikhoyo.

₂₂Bebonke abagcini-masango bendlu kaThixo babengamakhulu amabini aneshumi elinesibini. Babebalwa ngokwemimandla abahlala kuyo. Ookhokho babo babenikwe uxanduva lokuba ngabagcini-masango ngukumkani uDavide nomshumayeli uSamweli, kuba babengamadoda athembekileyo. ₂₃Bona nenzala yabo babesoloko ke begada amasango endlu kaNdikhoyo. ₂₄Babegada amasango kumacala omane; empumalanga nasentshonalanga, ngasentla nangasezantsi. ₂₅Aba bagadi babencediswa ngamawabo asezilalini awayedla ngokuza kubabambela iintsuku zibe sixhenxe. ₂₆Bekukho abaLevi abane abangabaphathi babagadi. Bona babethenjiwe, begada amagumbi noovimba bendlu kaThixo. ₂₇Ebusuku babelala kufuphi nendlu kaThixo, ukuze bayaluse, baze bayivule yonke intsasa.

₂₈Abanye kubaLevi babephethe ubugcwabalala obusetyenziswayo xa kunqulwa. Yonke into ephumayo babeyibhala, baphinde benjenjalo naxa ibuyayo. ₂₉Abanye babephethe yonke enye impahla yendlu kaThixo, kunye nomgubo wengqolowa, newayini, namafutha omnquma, nentlaka yokuqhumisa, neziqholo. ₃₀Umsebenzi wokucola iziqholo wona ubuphethwe ngababingeleli.

₃₁UMatitiya, omnye wabaLevi, owayelizibulo likaShalum umKora, wayephathiswe uxanduva lokosa izonka zomnikelo. ₃₂Kumawabo amaKohati bekukho aphathiswe umsebenzi wokosa izonka ebezibekwa etafileni *ngeMihla yokuPhumla.

₃₃Iintloko zezindlu zabaLevi eziziimvumi bezihlala emagumbini endlwini kaThixo, zingaphathiswanga wumbi umsebenzi, kuba uxanduva lweengoma beluphethwe zizo emini nasebusuku.

₃₄Zizo ezi ke iintloko zezindlu zabaLevi ezaziziinkulu ezihlala eJerusalem.

₃₅UYehiyeli, ukhokho weGibheyon, wayehlala khona. Igama lomkakhe nguMahaka. ₃₆Ngokuzana kwabo oonyana bakhe nguAbhedon owamazibulo, ibe nguZure, uKishe, uBhali, uNere, uNadabhi, ₃₇uGedore, uAhiyo, uZekariya, noMikeloti. ₃₈UMikeloti wazala uShimeya. Nabo nenzala yabo bebehlala eJerusalem ngakumawabo.

₃₉UNere wazala uKishe, uKishe wazala uSawule, uSawule wazala uJonatan, noMalkishuwa, noAbhinadabhi noEshbhali. ₄₀UJonatan wazala uMeribhali, uMeribhali wazala uMika.

₄₁Oonyana bakaMika nguPiton, noMeleki, noTareya, ₄₂noAhazi owazala uYara. UYara wazala uAlemete, noAzemavete, noZimri, waza uZimri wazala uMoza, ₄₃uMoza wazala uBhineya, uBhineya wazala uRefaya, uRefaya wazala uElasa, uElasa wazala uAzele. ₄₄UAzele ebenoonyana abathandathu. Amagama abo nguAzerikam, uBhokeru, uIshmayeli, uShariya, uObhadiya, noHanan.

₁Aqubisana amaFilistiya namaSirayeli, aswantsuliswa amaSirayeli, kwawa inkitha yawo kuloo ntaba iGilibhowa. ₂AmaFilistiya awasukela, athana mbende noSawule kunye noonyana bakhe, aza ababulala bobathathu oonyana bakaSawule, uJonatan, noAbhinadabhi, kunye noMalkishuwa. ₃Laba shushu idabi kufuphi noSawule, abatoli bamchana, bamngxwelerha.

₄Kweso sithuba uSawule ubhekise kumfana owayephatha izikhali zakhe, wenjenje: “Rhola ikrele, undigwaze. Andifuni kuvuyelelwa zeziya ntlanga zingalukanga.”

Loo mfana kambe akazange avume kuyenza loo nto, kuba wayesoyika. USawule ke urhole ikrele lakhe, waza waziphosa kulo. ₅Wathi akubona uSawule efile, naye loo mfana waziphosa kwelakhe ikrele. ₆Kwanjalo ke ukufa kukaSawule, noonyana bakhe bobathathu, kunye nendlu yakhe iphela.

₇AmaSirayeli onke angaphesheya kwentili athi akubona ukuba umkhosi uswantsulisiwe, nokuba uSawule kunye noonyana bakhe bawile, ashiya iidolopu zawo, abhaca. Afika amaFilistiya, ahlala kwezo dolophu zawo.

₈Ngengomso xa amaFilistiya aya kuphanga impahla yâbo babewe edabini, afika izidumbu zooSawule noonyana bakhe ziqungquluze apho kuloo ntaba iGilibhowa. ₉Amkhulula izixhobo zakhe zemfazwe uSawule, athatha intloko yakhe nezixhobo zakhe, athumela izigidimi kulo lonke elamaFilistiya, ukuba ziye kuvakalisa iindaba zoloyiso *koothixo bawo nakubantu bawo. ₁₀Izikrweqe zikaSawule azibeka endlwini yothixo wawo, intloko yakhe ayixhoma endlwini yothixo wawo uDagoni.

₁₁Zathi zakuvakala kubemi bonke baseJabheshe eGiliyadi iindaba zento yonke eyenziwe kuSawule ngamaFilistiya, ₁₂kwanduluka onke amagorha alapho, azithatha izidumbu zooSawule noonyana bakhe, azisa eJabheshe. Emva koko bawathatha amathambo abo, baya kuwangcwaba ngaphantsi komthi omkhulu eJabheshe, baza bazila iintsuku ezisixhenxe.

₁₃USawule lo ke wafa kuba esuke akathembeka *kuNdikhoyo. Akazange alithobele ilizwi likaNdikhoyo, wada waya kubuzisa nakoosiyazi, efuna isikhokelo, ₁₄endaweni yokubuzisa kuNdikhoyo. Ngoko ke uNdikhoyo wambulala, waza umbuso lowo wawunikezela kuDavide unyana kaJese.