To The Word – Day 137

₁UAdam wazala uSeti, uSeti wazala uEnoshe, ₂uEnoshe wazala uKenan, uKenan wazala uMahalaleli, uMahalaleli wazala uJerede, ₃uJerede wazala uInoki, uInoki wazala uMethusela, uMethusela wazala uLameki, uLameki wazala uNowa. ₄Ke uNowa wazala uShem noHam noYafete.

₅Oonyana bakaYafete nguGomere, noMagogi, noMadayi, noJavan, noTubhali, noMesheki, noTirasi. ₆Oonyana bakaGomere nguAshekenazi, noRifati, noTogarma. ₇Oonyana bakaJavan: nguElisha, noTashishe, namaKiti, namaRoda.

₈Naba oonyana bakaHam: nguKushe, noMizerayim, noPuti, noKanana. ₉Oonyana bakaKushe nguSebha, noHavila, noSabheta, noRama, noSabheteka. Oonyana bakaRama nguShebha noDedan. ₁₀Ke uKushe wazala uNimrodi owaba ligorha lokuqala emhlabeni. ₁₁Nasi isizukulwana sikaMizerayim: ngamaLudi, nama-Anam, namaLehabhi, namaNafetuyi, ₁₂namaPatrusi, namaKaseluyi (apho kwaphuma khona amaFilistiya), namaKafto. ₁₃UKanana wazala uSidon owamazibulo, noHeti, ₁₄kunye namaJebhusi, nama-Amori, namaGirgashi, ₁₅namaHivi, nama-Areki, namaSini, ₁₆nama-Arvadi, namaZemari, namaHamati.

₁₇Oonyana bakaShem nguElam, noAsuri, noArpakishadi, noLudi, noAram, noUzu, noHuli, noGetere, noMesheki. ₁₈UArpakishadi wazala uShela, uShela wazala uHebhere. ₁₉UHebhere wayenoonyana ababini. Inkulu yabizwa ngokuba nguPelege, ngokuba ngemihla yakhe bahluka-hlukana abemi bomhlaba. Yona inci yayinguJoketan. ₂₀Oonyana bakaJoketan nguAlemodadi, noShelefe, noHazare-mavete, noJera, ₂₁noHadoram, noUzali, noDikela, ₂₂noEbhali, noAbhimayeli, noShebha, ₂₃no-Ofire, noHavila, noJobhabhi. Yonke le ke yinzala kaJoketan.

₂₄Nanku umlibo kaShem: UShem wazala uArpakishadi, uArpakishadi wazala uShela, ₂₅uShela wazala uHebhere, uHebhere wazala uPelege, uPelege wazala uRewu, ₂₆uRewu wazala uSerugi, uSerugi wazala uNahore, uNahore wazala uTera, ₂₇uTera wazala uAbram, lo ukwabizwa ngokuba nguAbraham.

₂₈Oonyana baka-Abraham nguIsake noIshmayeli. ₂₉Nantsi inzala yabo: owamazibulo kuIshmayeli nguNebhayoti, ibe nguKedare, noAdebhele, noMibhesam, ₃₀noMishma, noDuma, noMasa, noHadadi, noTema, ₃₁noJeture, noNafishi, noKedema. Yinzala kaIshmayeli ke leyo. ₃₂UAbraham wayeneqadi uKetura owazala oonyana abanguZimran, noYokeshan, noMedan, noMidiyan, noIshbhaki, noShuwa. Oonyana bakaYokeshan nguShebha noDedan. ₃₃Oonyana bakaMidiyan nguHefa, noEfere, noHanoki, noAbhida, noElda. Bonke abo ngoonyana bakaKetura.

₃₄UAbraham wazala uIsake. Oonyana bakaIsake nguEsawu noSirayeli. ₃₅Oonyana bakaEsawu nguElifazi, noRuweli, noJewushe, noJalam, noKora. ₃₆Oonyana bakaElifazi nguTeman, no-Oma, noZefi, noGatam, noKenazi, noTimna, noAmaleki. ₃₇Oonyana bakaRuweli nguNahati, noZera, noShama, noMiza.

₃₈Oonyana bakaSeyire nguLotan, noShobhali, noZibheyon, noAna, noDishon, noEzere, noDishan. ₃₉Oonyana bakaLotan nguHori noHomam. Udade boLotan nguTimna. ₄₀Oonyana bakaShobhali nguAliyana, noManahati, noEbhali, noShefi, no-Onam. Oonyana bakaZibheyon nguAya noAna. ₄₁Unyana ka-Ana nguDishon. Oonyana bakaDishon nguHamran, noEshbhan, noItran, noKeran. ₄₂Oonyana bakaEzere nguBhilehan, noZavan, noYakane. Oonyana bakaDishan ngu-Uze noAran.

₄₃Naba ookumkani ababelawula ezweni lakwaEdom phambi kokuba kwaSirayeli kubekho ukumkani olawulayo: NguBhela unyana kaBhehore, okomkhulu laliyiDinabha. ₄₄Akufa uBhela kwangena esikhundleni sakhe uJobhabhi unyana kaZera waseBhozera. ₄₅Akufa uJobhabhi kwangena esikhundleni sakhe uHusham wakummandla wakwaTeman. ₄₆Akufa uHusham kwangena esikhundleni sakhe uHadadi unyana kaBhedadi, owawachitha edabini amaMidiyan kwelamaMowabhi, okomkhulu laliyiHaviti. ₄₇Akufa uHadadi kwangena esikhundleni sakhe uSamla waseMasereka. ₄₈Akufa uSamla kwangena esikhundleni sakhe uShawule waseRehobhoti phezu komlambo iEfrati. ₄₉Akufa uShawule kwangena esikhundleni sakhe uBhali-hanani unyana ka-Akibho. ₅₀Akufa uBhali-hanani kwangena esikhundleni sakhe uHadadi okomkhulu laliyiPawu, omkakhe wayenguMetabheli intombi kaMatredi intombi kaMezabhi.

₅₁Akufa uHadadi yaba zezi izikhulu zakwaEdom: uTimna, uAleva, uYetete, ₅₂uHolibhama, uEla, uPinon, ₅₃uKenazi, uTeman, uMibheza, ₅₄uMagediyeli, noIram. Zizo ezo izikhulu zakwaEdom.

₁Naba oonyana bakaSirayeli: nguRubhen, uSimon, uLevi, uJuda, uIsakare, uZebhulon, ₂uDan, uJosefu, uBhenjamin, uNafetali, uGadi, noAshere.

₃Oonyana bakaJuda nguEre, no-Onan, noShela, oonyana abathathu abazelwe ngumKananakazi uBhashuwa. Ke uEre, amazibulo kaJuda, zange amkholise *uNdikhoyo, waza wambulala. ₄UTamare, umolokazana kaJuda, wamzalela uPerezi noZera. Bebonke ke oonyana bakhe babebahlanu.

₅Oonyana bakaPerezi nguHezeron noHamuli. ₆Oonyana bakaZera nguZimri, noEtan, noHeman, noKalkoli, noDara. Bebonke babebahlanu. ₇Unyana kaKarmi nguAkana, lowo wawahlisela inkathazo amaSirayeli, wenza ubuqhophololo ngokuwathathela kuye amaxhoba awayefanele ukutshatyalaliswa.

₈Unyana kaEtan nguAzariya.

₉Oonyana bakaHezeron nguJerameli, noRam, noKelubhayi. ₁₀URam wazala uAminadabhi, uAminadabhi wazala uNashon, inkulu yamaJuda. ₁₁UNashon wazala uSalma, uSalma wazala uBhowazi, ₁₂uBhowazi wazala uObhede, uObhede wazala uJese.

₁₃Naba oonyana abasixhenxe bakaJese ngokuzana kwabo: uEliyabhi, uAbhinadabhi, uShimeha, ₁₄uNataniyeli, uRadayi, ₁₅uOzem, noDavide. ₁₆Oodade babo yayinguZeruya noAbhigeli. UZeruya wayenoonyana abathathu: uAbhishayi, uJowabhi, noAsayeli. ₁₇UAbhigeli wazala uAmasa; uyise ka-Amasa nguYetere umIshmayeli.

₁₈Unyana kaHezeron uKalebhi wazalelwa intombi enguJerihoti ngumkakhe uAzubha, waza wazala oonyana abanguYeshere, noShobhabhi, noArdon. ₁₉Akusweleka uAzubha uKalebhi wathatha uEfrati owazala uYuri. ₂₀UYuri wazala u-Uri, u-Uri wazala uBhezaleli.

₂₁Emva koko, xa uHezeron wayeminyaka imashumi mathandathu, wathatha intombi kaMakire uyise kaGiliyadi, eyamzalela uSegubhi. ₂₂USegubhi wazala uJayire owayenemizi engamashumi amabini anantathu ezweni laseGiliyadi. ₂₃Ke uGeshuri noAram bathimba iHavoti-yayire kunye neKenati namaphandle azo, iilali ezingamashumi amathandathu zizonke. Bonke aba bantu babeyinzala kaMakire uyise kaGiliyadi.

₂₄Emva kokusweleka kukaHezeron eKalebhi yase-Efrata, umka-Hezeron uAbhiya wamzalela uAshure ukhokho weTekowa.

₂₅Oonyana bakaJerameli, amazibulo kaHezeron, nguRam owamazibulo, noBhuna, no-Oren, no-Ozem, noAhiya. ₂₆UJerameli ebenomnye umfazi ogama linguAtara, owayengunina kaOnam. ₂₇Oonyana bakaRam, amazibulo kaJerameli, nguMazi, noTamin, noEkere. ₂₈Oonyana bakaOnam nguShamayi noYada. Oonyana bakaShamayi nguNadabhi noAbhishure.

₂₉Umka-Abhishure nguAbhihayili owazala uAbhan noMolidi. ₃₀Oonyana bakaNadabhi nguSelede noApayim. USelede wafa engenamntwana. ₃₁Unyana ka-Apayim nguIshi, uyise kaSheshan owazala uAlayi.

₃₂Oonyana bakaYada, umntakwabo-Shamayi, nguYetere noJonatan. UYetere wafa engenamntwana. ₃₃Oonyana bakaJonatan nguPelete noZaza. Bonke aba ke yinzala kaJerameli. ₃₄USheshan ebengenanyana; ibiziintombi zodwa. Ebenesicaka esingumJiputa esigama linguYar-ha. ₃₅Ke uSheshan wendisela intombi yakhe kwisicaka sakhe uYar-ha yaza yazala uAtayi. ₃₆UAtayi wazala uNatan, uNatan wazala uZabhadi, ₃₇uZabhadi wazala uEflali, uEflali wazala uObhedi, ₃₈uObhedi wazala uYehu, uYehu wazala uAzariya, ₃₉uAzariya wazala uHeleze, uHeleze wazala uElasa, ₄₀uElasa wazala uSisamayi, uSisamayi wazala uShalum, ₄₁uShalum wazala uYekamiya, uYekamiya wazala uElishama.

₄₂Amazibulo kaKalebhi, umntakwabo-Jerameli, nguMesa. UMesa wazala uZifi, uZifi wazala uMaresha, ukhokho weHebron. ₄₃Oonyana bakaHebron nguKora, noTapuwa, noRekem, noShema. ₄₄UShema wazala uRaham, uyise kaYokeham. URekem yena wazala uShamayi. ₄₅UShamayi wazala uMahon, ukhokho weBhete-zure.

₄₆UKalebhi wayeneqadi elinguHefa elazala uHaran, noMoza, noGazeze. UHaran wazala uGazeze.

( ₄₇Oonyana bakaYadayi nguRegem, noJotam, noGeshan, noPelete, noHefa, noShahafe.)

₄₈UKalebhi wayenelinye iqadi elinguMahaka elazala uShebhere noTirana. ₄₉Liphinde lazala uShahafe, ukhokho weMademana, noSheva, ukhokho weMakebhena neGibheya. Intombi kaKalebhi nguAkesa.

₅₀Naba balandelayo bakwayinzala kaKalebhi:

Oonyana bakaYuri, amazibulo kaEfrata, nguShobhali ukhokho weKiriyati-yarim. ₅₁Ubuye wazala uSalma ukhokho weBhetelehem, waza wazala noHarete ukhokho weBhete-gadere.

₅₂Inzala kaShobhali, ukhokho weKiriyati-yarim, ngabantu baseHarowe necandelo labantu baseManati, ₅₃kwakunye nezindlu zaseKiriyati-yarim ezingamaItri, amaPuti, amaShumati, namaMisherayi. Aphuma apha amaZorati namaEshtawoli.

₅₄Inzala kaSalma ngabantu baseBhetelehem, nabaseNetofa, nabaseAteroti-bhete-jowabhi, nelinye icandelo labantu baseManati amaZori. ₅₅Ukwangukhokho wezindlu zababhali ababehlala eYabheze: amaTira, amaShimeya, namaSuka. La ngamaKeni ayinzala kaHamati ukhokho weBhete-rekabhi.

₁Naba oonyana abathandathu bakaDavide abazalelwa eHebron ngokuzana kwabo: uAmnon onina inguAhinowam waseYizereli; uDaniyeli onina inguAbhigeli waseKarmele; ₂uAbhasalom ozalwa nguMahaka, intombi kaTalmayi ukumkani waseGeshuri; uAdoniya ozalwa nguHagiti; ₃uShefatiya onina inguAbhitali; noItram onina inguEgla. ₄Bobathandathu aba bazalelwa eHebron, apho uDavide wayelawula khona iminyaka esixhenxe eneenyanga ezintandathu.

Emva koko uDavide waba neminyaka emashumi mathathu anantathu elawula eJerusalem ₅apho wazala oonyana abaninzi khona. Umkakhe uBhashebha intombi ka-Amiyeli wazala uShimeya, noShobhabhi, noNatan, noSolomon. ₆Abanye nguIbhare, uElishuwa, uElifelete, ₇uNoga, uNifege, uYafiya, ₈uElishama, uEliyada, noElifelete, belithoba bebonke. ₉Aba ke ngoonyana bakaDavide, ngaphandle kwabo bamaqadi. Udade wabo nguTamare.

₁₀Unyana kaSolomon nguRewobhowam; unyana kaRewobhowam nguAbhiya; unyana ka-Abhiya nguAsa; unyana ka-Asa nguYoshafati; ₁₁unyana kaYoshafati nguYoram; unyana kaYoram nguAhaziya; unyana ka-Ahaziya nguYowashe; ₁₂unyana kaYowashe nguAmaziya; unyana ka-Amaziya nguAzariya; unyana ka-Azariya nguYotam; ₁₃unyana kaYotam nguAhazi; unyana ka-Ahazi nguHezekiya; unyana kaHezekiya nguManase; ₁₄unyana kaManase nguAmon; unyana ka-Amon nguYosiya. ₁₅Oonyana abane bakaYosiya ngokuzana kwabo nguYohanan, uJoyakim, uZedekiya, noShalum. ₁₆Abangene ezihlangwini zikaJoyakim ngunyana wakhe uJoyakin yaza yaba nguZedekiya.

₁₇Nantsi inzala kaJoyakin owathinjwayo: Oonyana bakaJoyakin nguShelatiyeli, ₁₈noMalkiram, noPedaya, noShenazare, noYekamiya, noHoshama, noNedabhiya. ₁₉Oonyana bakaPedaya nguZerubhabheli noShimeyi. Oonyana bakaZerubhabheli ngooMeshulam, noHananiya, benodade wabo uShelomiti, ₂₀kwakunye nesinye isihlanu soonyana: uHashubha, uOheli, uBherekiya, uHasadiya, noYushabhi-rhesedi. ₂₁Oonyana bakaHananiya nguPelatiya noJesaya; ewe, noonyana bakaRefaya, nabaka-Arnana, nabakaObhadiya, nabakaShekaniya. ₂₂Oonyana bakaShekaniya nguShemaya noonyana bakhe: uHatushe, uIgali, uBhariya, uNeyariya, noShafati, bebathandathu bebonke. ₂₃Oonyana bakaNeyariya bathathu: nguEliyohenayi, uHezekiya, noAzerikam. ₂₄UEliyohenayi yena wayenoonyana abasixhenxe: uHodaviya, uEliyashibhi, uPelaya, uAkubhi, uYohanan, uDelaya, noAnani.

₁Oonyana bakaJuda nguPerezi noHezeron, noKarmi, noYuri, noShobhali. ₂URaya, unyana kaShobhali, wazala uYahati, uYahati wazala uAhumayi noLahadi. Zizo ezo ke izindlu zamaZora.

₃Oonyana bakaEtam nguYizereli, noIshma, noIdebhashe. Igama lodade wabo nguHazeleleponi. ₄UPenuweli, ukhokho weGedore, kunye noEzere, ukhokho weHusha, babeyinzala kaYuri, owayengamazibulo kamka-Kalebi uEfrata, ukhokho weBhetelehem.

₅UAskure, ukhokho weTekowa, wayenabafazi ababini, uHela noNahara. ₆UNahara wazala uAhuzam, noHefere, noTemani, noHashatari. ₇Oonyana bakaHela nguZerete, noZohare, noEtenan, ₈noKozi owazala uAnubhi, noZobhebha, nendlu ka-Aharele unyana kaHarum.

₉UYabheze wayedumile kunabantakwabo. Unina wamthiya eli gama linguYabheze esithi: “Kaloku ndimzele ngokubulaleka yintlungu yenimba.” ₁₀UYabeze lo wazibika kuThixo wakwaSirayeli, wathi: “Ngamana wandithamsanqelisa, wawandisa umhlaba wam. Nceda ube nam, undikhusele ebubini, ukuze ndingafi yintlungu.” Ke uThixo wamenzela loo nto ayicelileyo.

₁₁UKelubhi, umntakwabo-Shuwa, wazala uMeyire, uyise kaEshton. ₁₂UEshton wazala uBhete-rafa, noPaseha, noTehina, ukhokho weIre-nahashe. Yinzala yala madoda ke emi eReka.

₁₃Oonyana bakaKenazi nguOteniyeli noSeraya. UOteniyeli wazala uHatati [noMeyonotayi], ₁₄uMeyonotayi wazala uOfra. Ke uSeraya wazala uJowabhi, ukhokho weGeharashim, eyabizwa ngeli gama kuba abantu balapho babeziingcibi.

₁₅Oonyana bakaKalebhi, unyana kaYefune, nguIru, noEla, noNaham. Unyana kaEla nguKenazi.

₁₆Naba oonyana bakaYehaleleli: nguZifi, uZifa, uTiriya, noAsareli.

_17-18Oonyana bakaEzera nguYetere, noMerede, noEfere, noYalon. UMerede wathatha uBhitiya, intombi yokumkani waseJiputa, baza bazala intombi enguMiriyam noonyana abanguShamayi noIshbha. UIshba lo ngukhokho weZanowa. UMerede wathatha iqadi kwindlu yakwaJuda, lazala uJerede ukhokho weGedore, noHebhere ukhokho weSoko, noYekutiyeli ukhokho weZanowa.

₁₉UHodiya wathatha udade boNaham, ukhokho weKehila. Oonyana bakhe nguGarmi noEshtemowa waseMahaka.

₂₀Naba oonyana bakaShimon: nguAmnon, uRina, uBhen-rhanana, noTilon. Oonyana bakaIshi ngooZoyeti noBhen-zoyeti.

₂₁Oonyana bakaShela, unyana kaJuda, nguEre ukhokho weLeka, noLada ukhokho weMaresha, nezindlu zabasebenza ilineni eBhete-ashbheya, ₂₂noYokim, nabemi baseKozebha, noYowashe, noSarafe, ababeziziphathamandla eMowabhi naseYashubhi-lehem. Ke ezi zizinto zakudala. ₂₃Babengababumbi bezinto zomdongwe. Babehlala nokumkani eNetayim naseGedera, bemsebenzela.

₂₄Naba oonyana bakaSimon: nguNemuweli, noJamin, noYaribhi, noZera, noShawule. ₂₅UShawule wazala uShalum, uShalum wazala uMibhesam, uMibhesam wazala uMishma. ₂₆Ke uMishma wazala uHamuweli, uHamuweli wazala uZakure, uZakure wazala uShimeyi. ₂₇UShimeyi wayenoonyana abalishumi elinantandathu neentombi ezintandathu, kodwa abantakwabo-Shimeyi ababanga nabantwana abaninzi. Ke ngoko indlu yakwaSimon ayandanga njengendlu yakwaJuda. ₂₈Babehlala eBheshebha, naseMolada, naseHazare-shuwali, ₂₉naseBhileha, nase-Ezem, naseToladi, ₃₀naseBhetuweli, naseHoma, naseZikelage, ₃₁naseBhete-markabhoti, naseHazare-susim, naseBhete-bhiri, naseSharayim. Zizo ezo ke iilali apho yayihlala khona indlu yakwaSimon de uDavide waba ngukumkani. ₃₂Babehlala nakwezinye iindawo ezintlanu: e-Etam, eAyin, eRimon, eToken, naseAshan, ₃₃kwanasezilalini eziphahle ezo ndawo, kude kuye kutsho kwaBhali. Zizo ezo ke iindawo ababehlala kuzo, begcina imilibo yokuzalwa.

₃₄Nazi ke iintloko zezindlu: UMeshobhabhi; noYamleki; noYosha, unyana ka-Amaziya; ₃₅noYoweli; noYehu, unyana kaYoshibhiya kaSeraya ka-Asiyeli; ₃₆noEliyohenayi; noYakobha; noYeshohaya; noAsaya; noAdiyeli; noJesimiyeli; noBhenaya; ₃₇noZiza, unyana kaShifi ka-Alon kaYedaya kaShimri kaShemaya.

₃₈Ke izindlu zabo zanaba kunene, ₃₉bada baya ngasemacaleni eGedore, beyifunela amadlelo impahla yabo empumalanga entilini yalapho. ₄₀Bafumana amadlelo atyebileyo amahle, ethe thabalala. Elo lizwe lalizolile, lonwabile. Kudala kwakumi amaHam apho. ₄₁Ngemihla kakumkani uHezekiya wakwaJuda la madoda akhankanyiweyo afika awahlasela amaHam ezindlwini zawo, kwakunye namaMehun awayelapho, aza awatshabalalisa kwaphela, njengoko kusenjalo nangoku. Ahlala ezikhundleni zawo ke, kuba amadlelo alapho ebeyifanele impahla yawo. ₄₂Kuwo la maSimon kwaphuma amadoda angamakhulu amahlanu, aya kuhlasela eleentaba lase-Edom. Ayephantsi koPelatiya, noNehariya, noRefaya, noUziyeli, oonyana bakaIshi. ₄₃Baxabela amasalela ama-Amaleki awayesindile, baza bahlala khona unanamhla.

₁Naba oonyana bakaRubhen, amazibulo kaSirayeli. (Ke wahluthwa ubuzibulo bakhe kuba wasixabhela isilili sikayise, baza ubuzibulo bakhe banikwa oonyana bakaJosefu unyana kaSirayeli. Emilibeni yokuzalwa akasabalwa ke ukuba ungowamazibulo. ₂Ke ngoko, nangona uJuda athe wabalasela kunabantakwabo kangangokuba kwada kwaphuma ukumkani kuye, bona ubuzibulo banikwa uJosefu.) ₃Naba ke oonyana bakaRubhen, amazibulo kaSirayeli: nguHanoki, uPalu, uHezeron, noKarmi.

₄Nantsi inzala kaYoweli. UYoweli wazala uShemaya, uShemaya wazala uGogi, uGogi wazala uShimeyi, ₅uShimeyi wazala uMika, uMika wazala uRaya, uRaya wazala uBhali, ₆uBhali wazala uBheyera owafuduswa nguTigelate-pilezere ukumkani waseAsiriya. UBheyera lo ebesisikhulu samaRubhen.

₇Nazi iintloko zendlu yakwaRubhen ngokokulandwa komlibo wokuzalwa: nguYehiyeli, noZekariya, ₈noBhela unyana ka-Azazi kaShema kaYoweli. Aba babemi eArohere kuye eNebho naseBhali-meyon. ₉Imfuyo yabo yanda ezweni laseGiliyadi, baza banabela empumalanga, baya kuma emacaleni entlango ethabathela emlanjeni iEfrati.

₁₀Ngemihla kaSawule amaRubhen aqhwaya imfazwe, alwa namaHagri, aza awoyisa. Ayithimba ke imizi yamaHagri kuwo wonke umhlaba ongakwimpuma yeGiliyadi.

₁₁Oonyana bakaGadi babemelene nabakaRubhen ezweni laseBhashan ukuya kutsho eSaleka. ₁₂Indlu enkulu yayiyekaJoweli eBhashan, kulandele ekaShafam, ekaJanayi nekaShafati. ₁₃Ezinye izindlu yayizezi: ekaMikayeli, ekaMeshulam, ekaShebha, ekaJorayi, ekaYakan, ekaZiya, nekaHebhere, zisixhenxe zizonke. ₁₄Babeyinzala ka-Abhihayili, unyana kaYuriyi, kaYarowa, kaGiliyadi, kaMikayeli, kaYeshishayi, kaYado, kaBhuzi. ₁₅UAhi, unyana ka-Abhediyeli kaGuni, wayeyintloko yezi zindlu. ₁₆AmaGadi la ayemi eGiliyadi naseBhashan nasezilalini zalapho nasemadlelweni aseSharon onke. ₁₇Bonke aba babalwa emilibeni yokuzalwa ngemihla kaYotam ukumkani wakwaJuda nangemihla kaJerobhowam ukumkani wakwaSirayeli.

₁₈AmaRubhen namaGadi nesiqingatha sesizwe sakwaManase ayenamadoda angamashumi amane anesine amawaka, anamakhulu asixhenxe, anamashumi amathandathu, akufaneleyo ukuphuma umkhosi. La madoda ayengamakroti aqeqeshelwe umkhosi, ekuqhelile ukusebenzisa ikhaka nekrele nokudubula ngeentolo. ₁₉Lo mkhosi waya emfazweni walwa nezizwe zamaHagri ezingamaJeture, namaNafishi, namaNodabhi. ₂₀Umkhosi lo wawukholose ngoThixo, waza wathandazela ukuncedwa nguye ekulweni. Wawuva ke uThixo umthandazo wawo, wawuncedisa emfazweni, oyiswa amaHagri nabo bonke ababekunye nawo. ₂₁Yathinjwa ke impahla yamaHagri: iinkamela ezingamawaka amashumi mahlanu, iigusha ezimawaka amakhulu mabini anamashumi mahlanu, needonki ezingamawaka amabini. Ngaphezu koko bathimba nabantu abalikhulu lamawaka. ₂₂Kwabulawa amaHagri amaninzi, kuba loo mfazwe yayiphuma kuThixo. AmaRubhen namaGadi nesiqingatha sesizwe sakwaManase ahlala ezikhundleni zamaHagri ada athinjwa.

₂₃Isiqingatha sesizwe sakwaManase sande saba ngabantu abaninzi. Imida yabo ibithabathele eBhashan, ise eBhali-hermon, naseSenire, nasentabeni yeHermon. ₂₄Nazi iintloko zezindlu: nguHefere, uIshi, uEliyeli, uAzeriyeli, uJeremiya, uHodaviya, noYadiyeli. Babengamagorha anobukroti, amadoda anegama, eziintloko zezindlu zakumawawo.

₂₅Kambe ke amaRubhen namaGadi, nesiqingatha sesizwe sakwaManase zange athembeke kuThixo wooyise, koko amlahla akhonza *oothixo bezizwe zelo zwe, ezo uThixo wazitshabalalisayo ukuze angene endaweni yazo. ₂₆Ke ngoko uThixo kaSirayeli wawuxhokonxa umoya kaPuli ukumkani waseAsiriya (lo ukwabizwa ngokuba nguTigelate-pilezere) wazifudusa ezi zizwe, wazisa eHala, naseHabhore, naseHara, nasemlanjeni iGozan, apho zisekhona unanamhla.