WEEK 4 – Constantly in the Bible
55Ewe, Ndikhoyo, ndilibizile igama lakho ndisezantsi emhadini.
56Undivile ndikubongoza ndisithi:
“Musa ukuyivingca indlebe yakho xa ndibhenela kuwe ndicela uncedo.”
57Usondele ndakukubiza,
wathi: “Musa ukoyika.”
1Kubhala mna Pawulos, umbanjwa ngenxa kaYesu Krestu, ndikunye noTimoti umlingane wam. Ndibhalela wena mhlobo nogxa wam, Filmon, 2kunye nebandla elihlangana endlwini yakho, nodade uApiya, ngokunjalo nogxa wam uArkipo. 3Wanga uThixo uBawo wethu kunye neNkosi uYesu Krestu anganibabala, aniphe uxolo.
4Maxa onke ndithandaza, ndiyambulela uThixo ngenxa yakho. 5Ndiyivile kaloku indlela obathanda ngayo abantu bakaThixo, ngokunjalo nokholo onalo kwiNkosi uYesu. 6Umthandazo wam kukuba ubudlelane bethu enkolweni bunga bungakwenza uziqonde ngcono iintsikelelo esinazo thina bamanywe noKrestu. 7Ewe kambe, ndithathekile ndaye ndinemihlali ngenxa yothando onalo, mfondini; kaloku abantu bakaThixo bayahlaziyeka bakuhlangana nawe.
