IZIHLABELELO 61

₁YIZWA, Tixo, ukukala kwami, u lalele kuko ukukuleka kwami.

₂Ngo kala kuwe ngi sekupeleni komhlaba, uma inhliziyo i nesiyezi; ma u ngi holele edwaleni elipakeme kunami.

₃Ngokuba u yisipepelo sami, inqaba enamandhla ebusweni bezita.

₄Ngo hlala etenteni lako ku ze ku be pakade; ngo temba ekugubuzeleni kwamapiko ako. Sela.

₅Ngokuba wena, Tixo, u zwile izifungo zami; u ngi nikile inzuzo yabo aba lesabayo igama lako.

₆Wo kweleka izinsuku kuzo izinsuku zenkosi; neminyaka yayo njengezizukulwane nezizukulwane.

₇Yo hlala pambi kuka Tixo ku ze ku be pakade; yenzela umusa neqiniso, ko yi gcina.

₈Njalo ngo hlabelela igama lako ku ze ku be pakade; ngi hlaule izifungo zami ngemihla.