IZIHLABELELO 49

₁YIZWANI loku nonke nina bantu; ni beke indhlebe nonke nina eni hleziyo emhlabeni.

₂Nina madodana abantu, nani madodana amakosi, ocebileyo kanye nompofu.

₃Umlomo wami wo kuluma ukuhlakanipa; ko ti ukucabanga kwenhliziyo yami ku be amazwi a qondileyo.

₄Ngo nika indhlebe yami kuso isiga; ngo qala igama lami ngogubu.

₅Nga ngi saba ngani ezinsukwini ezimbi na? nxa ukonakala kwabangiqamelayo ku ngi haqa na?

₆Bona a betemba kuyo imfuyo yabo; be zigabise ngengcebo yabo,

₇Amuko umuntu kubo o nga hlaula ngokuhlaulela umfo wabo; amuko o nga nika kuTixo isikululo sake.

₈(Kanti isihlaulelo sompefumlo wabo sikulu; a si be si sa bako ku ze ku be pakade.)

₉Ukuba a pile ku be pakade, a nga ku boni ukubola.

₁₀Ngokuba u ya bona ukuba abahlakanipileyo ba ya fa; isiula nesipukupuku zi ya buba kanye, zi ba shiyele abasemuva kwabo, imfuyo yabo.

₁₁Ku umzindhlo wabo ukuba izindhlu zabo zi ya kuba kona ku ze ku be pakade; nezindhlu zabo zo ba kona kuzo izizukulwane nezizukulwane; ba ya yi ta imihlabati yabo ngamagama abo.

₁₂Kodwa umuntu o dumileyo a ka yi kuhlala; u ya fana nezilwane ezibubayo.

₁₃Lendhlela yabo i ubuula babo, kepa abasemuva kwabo ba ya kolwa ngomlomo wabo. Sela.

₁₄Njengezimvu ba ya bekwa esheoli; ukufa ko ba dhla; abaqoto bo nyatela pezu kwabo ekuseni; ko ti isimo sabo si bole esheoli si nga be si sa bako ezindhlini zabo.

₁₅Kanti uTixo wo hlaulela umpefumlo wami esandhleni sesheoli, ngokuba yena wo ngamkela. Sela.

₁₆U nge sabi uma umuntu e cebile, uma udumo lwendhlu yake lwandile;

₁₇Ngokuba ekufeni kwake a ka yi kupata luto; udumo lwake a lu yi kwehla emva kwake.

₁₈Noma ekupileni kwake wa bonga umpefumlo wake; (ko ti ba ku bonge uma u z'enzele okuhle.)

₁₉Wo ya esizukulwaneni sa oyise, a ba yi ku bona ukukanya ku ze ku be pakade.

₂₀Umuntu odumileyo, e nga qondi, u ya fana nezilwane ezibubayo.