ISAHLUKO 4

₁KU ya kuti ngezinsuku ezilandelayo intaba yendhlu ka Jehova i ya kuqiniswa esihlokweni sezintaba, Yona i zo pakama ku nezintaba; ko ti ba hambele kuyo abantu.

₂Futi izizwe eziningi zi ya kuza, zi tyo ukuti, Zanini si kupukele entabeni ka Jehova, kuyo indhlu ka Tixo ka Jakobe: Yena wo si fundisa ngezindhlela zake, tina si ya kuhamba emikondweni yake: ngokuba umteto wo puma kulo iZioni, nezwi lika Jehova kulo iJerusalema.

₃Ko ti a bahlule abantu abaningi, a lungise izizwe ezi namandhla ezi kude; ku ya kuti ba kande izinkemba zabo zi be amageja, nemikonto yabo i be imimese yokugenca: isizwe a si yi ku pakamisela isizwe inkemba, ba nge be be sa funda ukulwa futi.

₄Kepa ba ya kuhlala ilomuntu pansi kwevini lake, na pansi komkiwane wake; ku ngeko otusayo, ngokuba umlomo ka Jehova wamabandhla u ku kulumile.

₅Ngokuba abantu bonke ba ya kuhamba ilomuntu ngegama lesitixo sake; kepa tina so hamba ngegama lika Jehova uTixo wetu ku ze ku be pakade napakade.

₆Nga lolosuku u tyo uJehova ngo m buta oqukayo, ngi hlanganise yena oxotyiweyo, naye e ngi m hlupileyo.

₇Futi ngo beka yena oqukayo a be insalo, naye o lahlelwe kude a be isizwe esi namandhla; ko ti uJehova a buse pezu kwabo entabeni iZioni kwa kaloku ku ze ku be pakade.

₈Kepa wena, Nqaba yomhlambi, ukalo lwendodakazi ya seZioni ko fika kuwe, yebo ukubusa kokuqala ku ya kuza, ku ti umbuso kuyo indodakazi ya seJerusalema.

₉Kaloku u kalelani ngokumemeza na? a yiko inkosi kuwe? umyali wako u bubile na? ngokuba ubuhlungu bu ku bambile njengobeletayo.

₁₀Yiba nobuhlungu, u pumule Ndodakazi ya seZioni, njengobeletayo; ngokuba kaloku wo puma emzini, u hlale endhle, wo ya pela eBabulona; lapo wo sindiswa; lapo uJehova wo ku hlaulela esandhleni sabazondi bako.

₁₁Kalokuke izizwe eziningi zi hlanganiswe nga kuwe, e zi ti, Ma i ngcoliswe, amehlo etu a beke, pezu kweZioni.

₁₂Kepa zona a zi yazi imicabango ka Jehova, a zi qondi amacebo ake: ngokuba wo zi buta njengezinyanda esibuyeni.

₁₃Vuka u bule, Ndodakazi ya seZioni: ngokuba ngo beka upondo lwako lu be insimbi, nezinselo zako ngo zi beka zi be itusi; wena wo fohloza izizwe eziningi: ngo hlukanisela uJehova ukupangwa kwabo, nengcebo yabo kuyo iNkosi yomhlaba wonke.