ISAHLUKO 12

₁NGA lesosikati uJesu wa dabula emasimini ngesabata; abafundi bake ba lamba, ba qala ukuka izikwebu, ba zi dhla.

₂AbaFarisi be bona, ba ti kuye, Bheka, abafundi bako ba yenza okungafanele ukwenziwa ngesabata.

₃Wa ti kubo, A ni fundanga ini okwenziwa uDavida msukwana e lambile, yena nabo aba be naye?

₄Ukuti, wa ngena endhlini ka Tixo, wa dhla izinkwa zokubekwa, ezi nga fanele ukudhliwa uye, nabo aba be naye, kupela abapristi?

₅A ni fundanga ini emtetweni ukuti, ngesabata abapristi ba lapula isabata etempelini, be nge nacala?

₆Ngi ti kini, U kona lapa omkulu ku netempeli.

₇Kepa uma na be ni kwazile ukuba ku ini loku, ukuti, Ngi tanda umusa, ngi nga tandi umhlatyelo, nga ni nga ba lahlanga aba nge nacala.

₈iNdodana yomuntu i iNkosi yesabata.

₉Wesuka lapo, wa ya wa ngena endhlini yokusonta yabo.

₁₀Kwa ku kona umuntu o nesandhla esishwabeneyo. Ba m buza ba ti, Ku fanele ukupilisa ngesabata na? Ba tyo ukuba ba m tolise icala.

₁₁Wa ti kubo, U mupi umuntu wa kini o nemvu, uma i wele emgodini ngesabata, o nga yi kuibamba, a i kupule na?

₁₂Umuntu u dhlula imvu kangakanani na? Njalo ku fanele ukwenza okuhle ngesabata.

₁₃Kona wa ti ku lomuntu, Yelula isandhla sako. Wa selula, sa piliswa sa ba njengesinye.

₁₄Kepa abaFarisi ba puma, benza icebo lokumbulala.

₁₅uJesu e kwazi, wemuka lapo; ba m landela abantu abaningi, wa ba pilisa bonke.

₁₆Wa ba yala ukuba ba nga m zwakalisi;

₁₇Ukuze ku gcwaliseke okwa shunyayelwa uIsaya umprofeti ukuti,

₁₈Bheka inceku yami, engi i ketileyo, otandiweyo wami, o kolwa uye umpefumlo wami. Ngo beka umoya wami pezu kwake, a shumayele umteto kwabezizwe.

₁₉A ka yi kuxabana namuntu, a bange umsindo, a ku yi kuzwiwa umuntu izwi lake endhleleni.

₂₀Uhlanga olufecekileyo a ka yi kulwapula; impokwe yesibani etunqayo a ka yi kuicima, e nga ka vezi umteto, u nqobe.

₂₁Abezizwe ba ya kwetemba igama lake.

₂₂Kona kwa letwa kuye umuntu o nedemone, o impumpute nesitulu; wa m pilisa, kwa ti o impumpute nesitulu wa kuluma wa bona.

₂₃Abantu bonke ba mangala, ba ti, Lo a siyo indodana ka Davida na?

₂₄Kepa abaFarisi be ku zwa, ba ti, Yena ka kipi amademone, kupela u wa kipa ngoBelzebule, inkosi yamademone.

₂₅uJesu e kwazi ukuzindhla kwabo, wa ti kubo, Ilowo umbuso o wa hlukene wodwa, u ya citeka; nomuzi nokuba indhlu eyahlukene yodwa i ngeme.

₂₆Uma uSatani e kipa uSatani, wahlukene yedwa; umbuso wake u ngema kanjani na?

₂₇Uma ngi kipa amademone ngoBelzebule, abantwana benu ba wa kipa ngobani na? Njalo bo ba abahluli benu.

₂₈Uma ngi kipa amademone ngoMoya ka Tixo, umbuso ka Tixo se u fikile kini.

₂₉Umuntu a nga ngena kanjani endhlini yesiqwaga, a pange impahla yaso, e nga qale wa bopa isiqwaga, andu kupanga indhlu yaso?

₃₀O nge nami, u pambene nami, no nga buti nami, u ya cita.

₃₁Ngaloko ngi ti kini, Abantu ba ya kutetelelwa ukona nokutuka konke; kodwa ukutuka uMoya abantu ba nge ku tetelelwe.

₃₂Lowo o kuluma izwi elibi ngeNdodana yomuntu, a nga tetelelwa; kodwa o kuluma ngoMoya o ingcwele, a nge tetelelwe, na ku lelizwe, na ku lelo elizayo.

₃₃Yenzani umuti u be muhle, nezitelo zawo zi be zihle; noma nenze umuti u be mubi, nezitelo zawo zi be zimbi; ngokuba umuti waziwa ngezitelo zawo.

₃₄Nzalo yezinyoka, ni nga shumayela okulungileyo kanjani, loku ni babi na? ngokuba umlomo u shumayela ngokuvama kwenhliziyo.

₃₅Umuntu o lungileyo u veza okulungileyo emfuyweni elungileyo yenhliziyo; kepa umuntu omubi u veza okubi emfuyweni embi.

₃₆Ngi ti kini, Amazwi onke a ize, aba wa shumayelayo abantu, ba ya kuwapendula ngosuku lokwahlula.

₃₇Ngamazwi ako u ya kutetelelwa, na ngamazwi ako u ya kulahlwa.

₃₈Kona abatile kubabali nabaFarisi ba pendula ba ti, Mfundisi, si tanda ukubona isibonakaliso e senziwe uwe.

₃₉Wa pendula wa ti kubo, isizukulwane esibi nesipingayo si funa isibonakaliso, kepa a si yi kupiwa isibonakaliso, kupela isibonakaliso sika Jona umprofeti.

₄₀NjengoJona wa be e sesiswini somkomo izinsuku ezintatu, nobusuku obutatu, njalo iNdodana yomuntu i ya kuba enhliziyweni yomhlaba izinsuku ezintatu, nobusuku obutatu.

₄₁Abantu ba seNineva ba ya kusuka beme ekwahluleni kanye na lesizukulwane, ba si lahle, ngokuba ba penduka ngokushumayela kuka Jona; Bhekani, nangu omkulu ku noJona.

₄₂Inkosikazi ya seningizimu i ya kusuka i me ekwahluleni kanye na lesisizukulwane, i si lahle, ngokuba yeza i vela ekupeleni komhlaba ukuzwa ukuhlakanipa kuka Solomona; bhekani, nangu omkulu ku noSolomona.

₄₃Nxa umoya omubi e pume kumuntu, u ya dabula izindawo ezomileyo, a fune ukupumula, e nga ku fumani;

₄₄Andu ku ti, Ngo buyela endhlini yami, enga puma kuyo. Se e fikile a i fumane i nge namuntu, i tyaneliwe, i hlotyisiwe.

₄₅Kona a hambe a tabate abanye omoya aba isikombisa ababi ku naye, ba ngene, ba hlale kona; ku ti ukupela kwa lomuntu kubi ku nokuqala. Ko ba njalo ku lesisizukulwane esibi.

₄₆E sa shumayela kubantu, unina nabafo wabo ba be mi ngapandhle, be funa ukukuluma naye.

₄₇Wa ti umuntu kuye, Nangu unyoko nabafo wenu bemi ngapandhle, ba funa ukukuluma nawe.

₄₈Wa pendula wa ti komtyelileyo, Umame ubani, nabafo wetu obani na?

₄₉Wa selula isandhla sake nga kubafundi bake, wa ti, Bhekani, nangu umame nabafo wetu.

₅₀O yenza intando ka Baba o sezulwini, uyena umfo wetu, nodade wetu, nomame.