ISAHLUKO 19

₁UJEHOVA wa tyo kuMosi, wa ti,

₂Yityo kuso sonke isizwe sabaka Israeli, u ti kubo, A ni be ngcwele ngokuba ngi ngcwele mina Jehova uTixo wenu.

₃Hlonipani ku be ilowo unina, noyise, ni gcine amasabata ami; ngi nguJehova uTixo wenu.

₄Ni nga pendukeli kuzo izitombe, ni nga zenzeli otixo abapekiweyo; ngi nguJehova uTixo wenu.

₅Nxa ni hlaba umhlatyelo wokutula kuJehova, a no u hlabela uJehova ukuba namkelwe.

₆Ka u dhliwe ngosuku eni u hlaba ngalo, na ngangomso, kepa okuseleyo ku ze ku fike usuku lwesitatu ko tyiswa ngomlilo.

₇Uma ku dhliwa neze lawo ngosuku lwesitatu, ku ya kunengeka, a ku yi kwamkelwa.

₈Ngako o ku dhlayo u ya kuba necala, ngokuba e kweisa okungcwele kuka Jehova; wo nqunywa kwabakubo.

₉Nxa ni vuna amabele enu, u nga vuni u qede ukuvuna emagunjini ensimu yako, u nga kotozi ensimini yako.

₁₀U nga kotozi esivinini sako, u nga buti izinhlamvu zesivini sako ezi sele ngazinye; wo zi shiyela abampofu nabezizwe; ngi nguJehova uTixo wenu.

₁₁Ni ngebi, ni nga kohlisani ni nga qambelani amanga.

₁₂Ni nga fungeli igama lami amanga; u nga tuki igama lika Tixo wako; ngi nguJehova.

₁₃U nga dhli owakelene nawe u nga m pangi; imali yesisebenzi a i nga hlali kuwe ubusuku ku ze ku se.

₁₄U nga tuki isitulu, u nga beki isikubekiso pambi kwempumpute; yesaba uTixo wako; ngi nguJehova.

₁₅Ni ngoni nxa ni teta amacala; u nga bheki ompofu; u nga meli omkulu; kepa u tete icala lowakelene nawe ngokulunga.

₁₆U nga hambahambi u qamba amanga ebantwini bakini; u nga meli igazi lowakelene nawe ukuba u m lahle; ngi nguJehova.

₁₇U nga m zondi umfo wenu ngenhliziyo yako; wo luleka owakelene nawe, u nga bi nasono ngaye.

₁₈U nga pindisi, u nga hlali u tukutelele abantwana babantu bakini, wo tanda owakelene nawe njengokuzitanda kwako; ngi nguJehova.

₁₉Gcinani izimiso zami. U ngenzi izilwane zako zi zekwe ezolunye uhlobo; u nga hlwanyeli ensimini yako imbeu e xubene nenye; u ngambati ingubo yendwangu e xutyanisiweyo.

₂₀Nxa umuntu e lala nowesifazana e isigqili, e ingodusi, e nga hlengiwe, e nga kululiwe ngesihle, ka ba tyaywe, ba nga bulawa, ngokuba e nga kululekile.

₂₁Ka lete umnikelo wake wecala kuJehova, emnyango wetabanekele lokuhlangana, inqama i be umnikelo wecala.

₂₂Umpristi ka m hlaulele ngenqama yomnikelo wecala pambi kuka Jehova ngesono a sonileyo, a tetelelwe isono sake a sonileyo.

₂₃Nxa ni fikile ezweni, ni tyalile imiti yonke edhliwayo, a no ti izitelo zayo ezokungasoki; iminyaka emitatu a zi be ezokungasoki kini; zi nga dhliwa.

₂₄Kepa ngomnyaka wesine izitelo zonke zayo zo ba ngcwele zokubonga uJehova.

₂₅Ngomnyaka wesine ni nga zi dhla izitelo zayo, i ze i ni telele kakulu; ngi nguJehova.

₂₆Ni nga dhli into negazi layo; ni nga buli, ni nga bheki imihlola.

₂₇Ni nga gundi amakanda enu emacaleni ni wa zungeze, u ngoni isilevu sako emacaleni.

₂₈Ni nga zisiki imizimba yenu ngenxa yabafileyo, ni nga zilobi amabala; ngi nguJehova.

₂₉U ngoni indodakazi yako ngokuyenza isifebe, ukuba izwe li ngenzi ubufebe, izwe li gcwele ukona.

₃₀Gcinani amasabata ami, ni hlonipe indawo yami engcwele; ngi nguJehova.

₃₁Ni nga bheki izanusi, ni nga funi izinyanga, ni ze ni ngcoliswe izo; ngi nguJehova.

₃₂Suk ume pambi kwempunga, u hlonipe ubuso bomuntu omdala, u m esabe uTixo wako; ngi nguJehova.

₃₃Uma owezizwe e hlala nawe ezweni lakini, ni nga m hlupi.

₃₄Owezizwe o hlala kini ka be njengowakini, wo m tanda njengokuzitanda kwako; ngokuba be ni ngabezizwe ezweni la sEgipite; ngi nguJehova uTixo wenu.

₃₅A ni ngoni ngokwahlula, na ngokulinganisa ubukulu bento, na ngokulinganisa ubunzima bento, na ngokulinganisa okubanzi.

₃₆No ba nezikalo ezilungileyo, nezilinganiso ezilungileyo, neefa elilungileyo, nehini elilungileyo; ngi nguJehova uTixo wenu, owa ni kipa ezweni la sEgipite.

₃₇Ngako gcinani imiteto yami, nemiyalo yami, ni yenze; ngi nguJehova.