ISAHLUKO 5

₁KWA ti, amakosi onke amaAmori, a ngapesheya kweJordani, nga sentyonalanga, namakosi onke amaKenani, a nga selwandhle, e sezwa ukuba uJehova wa womisa amanzi a seJordani ngapambi kwabaka Israeli, ba za ba wela, izinhliziyo zawo za pela amandhla; kwa ku nga seko isibindi kuwo, ngenxa yabakwa Israeli.

₂Nga lesosikati uJehova wa ti kuJoshua, Yenza omese bamatye, u pinde u soke abantwana baka Israeli ngokwesibili.

₃Kona uJoshua wa benza omese bamatye, wa soka abantwana baka Israeli eMango-wamajwabu.

₄uJoshua wa soka ngokuba abantu bonke aba puma Egipite, aba isilisa, bonke aba ngamabuto ba fa ehlane, endhleleni, se be pumile Egipite.

₅Ba be sokiwe abantu bonke aba puma Egipite, kepa abantu bonke aba zalwa ehlane, endhleleni, ekumukeni kwabo Egipite, ka ba ba sokanga.

₆AbakaIsraeli ba hamba iminyaka emashumi amane ehlane, ba za ba pela abantu bonke; abantu aba be ngamabuto, aba pumayo Egipite, ngokuba be nga lalelanga izwi lika Jehova, a funga kubo uJehova, ngokuti, ka yi kubabonisa izwe, a funga ngalo uJehova koyise, e ti, u ya kusinika lona, izwe eli vama ubisi nezinyosi.

₇Abantwana babo, a ba vusayo endaweni yabo, laba uJoshua wa ba soka, ngokuba ka ba ba sokanga endhleleni.

₈Kwa ti, se be qedile ukusoka abantu bonke, ba hlala ezindaweni zabo ekamu, ba za ba pola.

₉uJehova wa ti kuJoshua, Namhla ngi letulile ihlazo la sEgipite. Ngako igama la leyondawo la tiwa iGilgali kwa za kwa ba namhla.

₁₀AbakaIsraeli ba ngenisa eGilgali, ba gcina ipasika kusihlwa, ngosuku lweshumi nane lwenyanga, emfundeni ya seJeriko.

₁₁Ba dhla izitelo zezwe nga ngomso emva kwepasika, isinkwa esi nga vutyelwe, nezikwebu ezosiweyo, nga lolosuku.

₁₂Imana la nqamuka nga ngomso, se be dhlile izitelo zezwe; abantwana baka Israeli a ba pindanga ba be nalo imana; ba dhla izitelo zezwe la seKenani nga lowomnyaka.

₁₃Kwa ti, uJoshua e nga seJeriko, wa lulamisa amehlo, wa kangela, bheka, kwa ku mi umuntu pambi kwake, inkemba yake i kityiwe, i sesandhleni sake; uJoshua wa ya kuye, wa ti kuye U vuna ubani, tina nezita zetu na?

₁₄Wa ti, Qa, kodwa ngi ze kaloku, ngi induna yempi ka Jehova, uJoshua wa kotama pansi ngobuso bake, wa m dumisa, wa ti kuye, I tini inkosi yami, encekwini yayo?

₁₅Induna yempi ka Jehova ya ti kuJoshua, kumula isicatulo sako onyaweni lwako, ngokuba indawo o mi kuyo i ingcwele; wenza njalo uJoshua.