ISAHLUKO 16

₁IZWE ababelwa lona abaka Josefa, la suka eJordani nga seJeriko, emanzini a seJeriko, nga sempumalanga, la ya ehlane elenyuka eJeriko ukuya entabeni ya seBeteli,

₂La suka eBeteli, la ya eLuzi, la dhlulela emkaulweni wamaArki eAtarote,

₃Lehlela nga sentyonalanga emkaulweni wamaJafleti, la za la fika emkaulweni wa seBetihoroni la senzansi, na seGazeri; ukugcina kwalo kwa ku selwandhle.

₄Kwa njalo abantwana baka Josefa, uManasa noEfraimi, ba lamkela izwe labo.

₅Umkaulo wabaka Efraimi wa u ngenzalo yabo; umkaulo wezwe labo nga sempumalanga wa u iHatarotadari, la za la fika eBetihoroni, la senhla.

₆Umkaulo wa pumela nga selwandhle eMikmeta eceleni nga seningizimu; umkaulo wa penduka wa ya nga sempumalanga eTanatshilo, wa li dhlula nga sempumalanga wa ya eJanoha;

₇Wehla eJanoha wa ya eAtarote, na seNarati, wa fika eJeriko, wa pumela eJordani.

₈Umkaulo wa suka eTapua wa ya nga sempumalanga emfuleni wa seKana; ukugcina kwawo kwa ku selwandhle, leli li izwe lesizwe sabaka Efraimi ngenzalo yabo;

₉Nayo imizi eya ketelwa abaka Efraimi pakati kwezwe labaka Manasa, imizi yonke nemizana yayo.

₁₀Kodwa a ba xotyanga amaKenani a akile eGezeri; amaKenani akile pakati kwamaEfraimi na namhla, a konza ngokusebenza.