ISAHLUKO 51

₁U TYO uJehova u ti, Bheka, ngi ya kuvusela iBabulona, nabakileyo pakati kwabangivukeleyo, umoya obubisayo.

₂Ngi ya kutuma eBabulona abelayo, aba za kulela ba tulule izwe lalo, ngokuba ba ya kulipahla ngosuku lokubi.

₃Owomcibityolo ka m gobele lowo ogobayo na lowo ozipakamisayo embete ibantyi lokulwa, ni nga zi haukeli izinsizwa; qedani impi yonke yalo.

₄Ababuleweyo ba ya kuwa ezweni lamaKaldea, nabagwaziweyo ezitalatini zalo.

₅Ngokuba uIsraeli noJuda ka ba delwa uTixo wabo, uJehova wemikosi; kepa izwe labo li gcwele ukona kuJehova.

₆Balekani eBabulona, ku be ilowo a zisindise; ni nga bujiswa ngokona kwabo; ngokuba ku isikati sokupindisa sika Jehova, u ya kupindisa kulo.

₇iBabulona la li isitya segolide esandhleni sika Jehova, esa dakisa izwe lonke; izizwe zi puzile iwaini lalo, ngako izizwe zi ya hlanya.

₈Ngesikatyana iBabulona li wile, la bidhlika; li kaleleni, ni li tabatele ibalsamu ngobuhlungu balo; mhlaumbe li nga sindiswa.

₉Si li sindisile iBabulona, kepa a li sindiswanga; li yekeni, si muke si ye, ku be ilowo a ye ezweni lakiti; ngokuba ukwahlulwa kwalo ku finyelele ezulwini, kwenyukele na semafwini.

₁₀uJehova u vezile ukulunga kwetu; wozani, a si landise eZioni umsebenzi ka Jehova, uTixo wetu.

₁₁Lolani imicibityolo, ni gcwalise izinhlangu; uJehova u vusile inhliziyo yamakosi ya seMedia; ngokuba u cebile ngeBabulona ukuba a li qede, ngokuba ku ukupindisa kuka Jehova ukupindisa kwetempeli lake.

₁₂Misani iziboniso ezindongeni zeBabulona, ni qinise ukulinda, ni mise abalindi, beka abalaleli; ngokuba uJehova u cebile, wenza, konke a ku tyiloyo ngabaseBabulona.

₁₃E, wena o hlala ngasemanzini amakulu, u vame imfuyo, se ku fikile ukupela kwako, isilinganiso sokupanga kwako.

₁₄uJehova wemikosi u zifungile, wa ti, Impela ngi ya kukugcwalisa ngabantu, ku nga ti isikonyane, ba ya halalisa pezu kwako.

₁₅Wenza umhlaba ngamandhla ake, wa misa izwe ngokuhlakanipa kwake, weneka izulu ngokuqonda kwake.

₁₆Ngokuduma kwezwi lake ku kona amanzi amaningi ezulwini; u ya kupula inkungu emikaulweni yomhlaba; u yenza unyazi nemvula; u ya kipa umoya ezibekelweni zake.

₁₇Abantu bonke ba izipukupuku, be nge nakwazi; bonke ababumbayo izitombe ba jabile; ngokuba izitombe zabo zi ngamanga, a ku ko umoya kuzo.

₁₈Zi ize, umsebenzi wenkohliso; ngesikati sokuhanjelwa kwazo zi ya kupela.

₁₉O isabelo sika Jakobe a ka njengazo, ngokuba yena u ngumenzi wezinto zonke, uIsraeli u uhlanga lwefa lake; uJehova wemikosi igama lake.

₂₀Wena u iwisa lami, izikali zokulwa; ngi ya coboza izizwe ngawe, ngi ya qeda imibuso ngawe.

₂₁Ngi ya coboza ihashi nomkweli walo ngawe, ngi ya coboza inqola nomtyayeli wayo ngawe,

₂₂Ngi ya coboza abesilisa nabesifazana ngawe, ngi ya coboza ngawe abadala nabatya, ngi ya coboza izinsizwa nezintombi ngawe,

₂₃Ngi ya coboza umalusi nomhlambi wake ngawe, ngi ya coboza umlimi nezinkabi zake ngawe, ngi ya coboza amakosi nababusi ngawe,

₂₄Ngi ya pindisa eBabulona na kubantu bonke ba seKaldea okubi konke aba kwenzileyo eZioni pambi kwamehlo enu, u tyo uJehova.

₂₅Bheka, ngi ze kuwe, wena ntaba ebulalayo, u tyo uJehova, e bulala izwe lonke; ngi ya kwelula isandhla sami pezu kwako, ngi ku ginqe ematyeni, ngi kwenze u be intaba etyisiweyo.

₂₆A ku yi kutatyatwa kuwe itye legumbi, netye lokusekela, kepa u ya kuhlala u citekile ku ze ku be pakade, u tyo uJehova.

₂₇Misani ibaneli ezweni, ni tyaye itilongo ezizweni, ni lungise izizwe zi lwe nalo; ni li bizele imibuso ya seArarati, neMini neAshkenazi; ni mise induna yokulwa nalo, ni kupule amahashi njegesikonyane si vusile uboyo.

₂₈Lungisani izizwe zi lwe nalo, amakosi a seMedia nezinduna zalo, nababusi bonke balo nezwe lonke lombusi wabo.

₂₉Kona umhlaba u ya kuzamazama, u tutumele, ngokuba amacebo ka Jehova a ya kuma eBabulona, li ze li citeke li ngakiwa muntu.

₃₀Amaqawe a seBabulona a yekile, a hlezi ezinqabeni zawo; amandhla awo a pelile, a ngabafazi, ku tyisiwe izindhlu zalo, kwapulwe imivalo yalo.

₃₁Isigijimi si ya hlangana nesigijimi, nesitunywa si ya hlangana nesitunywa, zi ya kubika enkosini ya seBabulona ukuti umuzi wayo u nqotyiwe impela,

₃₂Amazibuko a vinjiwe, umhlanga u tyisiwe, amabuto a novalo.

₃₃Ngokuba u tyo uJehova wemikosi, uTixo ka Israeli, u ti, Indodakazi ya seBabulona i fana nesibuya; se ku isikati sokunyatelwa kwayo, ku se isikatyana ku za kufika kuyo isikati sokuvuna.

₃₄uNebukadrezari inkosi ya seBabulona u ngi dhlile, wa ngi qeda, u ngi bekile ngi njengesitya esi ize, wa ngi gwinya njengengwenya, wa gcwalisa isisu sake ngokumnandi kwami, wa ngi xotya.

₃₅Ukuhlutywa kwami nenyama yami a ku be pezu kweBabulona, u tyo owesifazana wa seZioni; igazi lami a li be pezu kwabaseKaldea, li tyo iJerusalema.

₃₆Ngako u tyo uJehova, u ti, Bheka, Ngi ya kukumela, ngi ku pindisele ngomise ulwandhle lwalo, ngi tyise umtombo walo.

₃₇iBabulona li ya kuciteka, li be indawo yamankentyane, lesabeke, li hlatyelwe amakwelo, li ngakiwa muntu.

₃₈Ba ya kukonyisa okwezingonyama kanyekanye, ba kalise okwamaundhlu ezingonyama.

₃₉Ekufudumaleni kwabo ngi ya kubenzela izidhlo, ngi ba dakise, ukuba ba lale ubutongo obupakade, ba nga vuki, u tyo uJehova.

₄₀Ngi ya kubehlisa njengamaundhlu ekuhlatyweni, njengezinqama nezimpongo.

₄₁Yeka, iSheshaki li nqotyiwe; udumo lwezwe lonke lwahlulwa; yeka, iBabulona li isimangaliso eziziweni.

₄₂Ulwandhle lu kupukele eBabulona; li gutyuzelwe amandhlambi alo amaningi.

₄₃Imizi yalo i citekile, li izwe elomileyo, li ihlane, li izwe eli ngakiwa muntu, nendodana yomuntu ka i dhluli kulo.

₄₄Ngi ya kuhambela kuBeli eBabulona, ngi kipe emlonyeni wake a ku gwinyileyo; izizwe a zi sa yi kubuya zi butane kuye; impela udonga lweBabulona lu wile.

₄₅Pumani kulo, bantu bami, ku be ilowo a zisindise olakeni olukulu luka Jehova.

₄₆Inhliziyo yenu ma i nga peli amandhla, ni ngesabi ngodumo oluzwakalayo ezweni, ngokuba ku ya kuzwakala udumo ngomnyaka, lu buye lu zwakale ngomnyaka wa semva, ku be kona ukulwa ezweni, inkosi i vukele inkosi.

₄₇Ngako, bheka, ku yeza izinsuku engi ya kuhambela ngazo ezitombeni za seBabulona, izwe lonke lalo li ya kujaba, bonke ababuleweyo ba ya kuwa pakati kwalo.

₄₈Kona izulu nomhlaba nako konke oku kona ku ya kuhalalisa ngeBabulona, ngokuba ku ya kufika abapangi be vela enyakato, u tyo uJehova.

₄₉Njengaloku iBabulona lenza ukuba ba we ababuleweyo baka Israeli kanjalo ababuleweyo bezwe lonke ba ya kuwa eBabulona.

₅₀Nina eni sindileyo enkembeni, hambani, ni ngemi; kumbulani iJerusalema ni kude, iJerusalema a li ngene ezinhlizinyweni zenu.

₅₁Si jabile ngokuba si zwile ukutuka kwabo, ihlazo li ya mboza ubuso betu, ngokuba abezizwe ba ngenile ezindaweni ezingcwele zendhlu ka Jehova.

₅₂Ngako, bheka, ku yeza izinsuku, u tyo uJehova, engi ya kuhambela ngazo ezitombeni zalo; ababuleweyo ba ya kukala ezweni lonke lalo.

₅₃Noma iBabulona li kupukela ezulwini, noma li qinisa inqaba yalo epakemeyo, kepa abapangi ba ya kusuka kimi beze kuye, u tyo uJehova.

₅₄Umsindo wokukala u vela eBabulona, nowokuciteka okukulu ezweni lamaKaldea.

₅₅Ngokuba uJehova u ya panga iBabulona, u qede kulo umsindo omkulu; amadhlambi alo a ya duma njengamanzi amakulu; ku zwakele umsindo wokuhlokoma kwawo.

₅₆Ngokuba ku fikile kulo, kulo iBabulona, umpangi, amaqawe alo a banjiwe, imicibityolo yawo yapulwa; ngokuba uJehova u nguTixo wokupindisa; u ya kupindisa impela.

₅₇Ngi ya kudakisa izikulu zalo, nezazi zalo, nezinduna zalo, nababusi balo, namaqawe alo, ukuba ba lale ubutongo obupakade, ba nga be be sa vuka, i tyo iNkosi, uJehova wemikosi igama layo.

₅₈U tyo uJehova wemikosi, u ti Izindonga ezibanzi zeBabulona zi bidhliziwe impela, namasango alo amade a tyisiwe ngomlilo; abantu ba sebenzile ngeze, ba kutalele umlilo.

₅₉Izwi uJeremia umprofeti a m yala ngalo uSeraia indodana ka Neria, indodana ka Maseia; e sa hamba noZedekia inkosi ya kwaJuda ukuya eBabulona, ngomnyaka wesine wokubusa kwake.

₆₀uJeremia wa loba encwadini okubi konke oku za kwehlela iBabulona, lawamazwi onke a lotyiwe ngeBabulona.

₆₁uJeremia wa ti kuSeraia, Nxa u fika eBabulona, bheka, u funde lawamazwi onke;

₆₂U tyo u ti, E, Jehova, u kulumile ngalendawo ukuicita, ukuba ku nga hlali muntu kuyo, umuntu nesilwane, kepa i be ihlane ku ze ku be pakade.

₆₃Ku ya kuti, nxa u qedile ukufunda lencwadi, wo bopa itye kuyo, u i ponse eUfrate;

₆₄Yityo u ti, Kanjalo iBabulona li ya kucwila, li nga be li sa kupuka ngokubi engi ya ku kwehlisela kulo; ba ya kupela amandhla. Amazwi ka Jeremia a pela lapa.