ISAHLUKO 13

₁UMTWALO weBabulona o wa bonwa uIsaya indodana ka Amozi.

₂Pakamisani indwangu yesibonakaliso entabeni enkulu, ni ba pakamisele izwi, ni nikine izandhla, ukuze ba ngene emasangweni ezikulu.

₃Ngi ba yalile abaingcwele bami, ngi ba bizile futi abakulu bami ngenxa yolaka lwami, bona abajabula ngobukulu bami.

₄Umsindo wesixuku ezintabeni, kwangati abantu abaningi; umsindo omkulu wemibuso yezizwe zi butene; uJehova wamabandhla u ya buta ibandhla lokulwa.

₅Ba vela ezweni elikude, ekugcineni kwezulu, uJehova, nezikali zokutukutela kwake, ukubulala izwe lonke.

₆Bubulani; ngokuba usuku luka Jehova lu fikile, lu ya kufika njengesibubiso sika Simakade.

₇Ngako zonke izandhla zi ya kudangala, nezinhliziyo zonke zabantu zi ya kuncibilika:

₈Ba ya kwesaba, ba fikelwe ubuhlungu nohlupo, ba be nobuhlungu obu njengobesifazana si beleta; ba bekane ngokumangala; ubuso babo bu be njengamalangabi.

₉Bheka, usuku luka Jehova lu yeza, lu nonya ngokutukutela okukulu, ukulicita izwe; u ya kubulala izoni kulona.

₁₀Ngokuba izinkanyezi zezulu nokukanya kwazo, a zi i kubakanyisa bona; ilanga li ya ku ba mnyama ekuhambeni kwalo, nenyanga a i yi ku kipa ukukanya kwayo.

₁₁Ngi ya kuwutyaya umhlaba ngenxa yobubi bawo, nababi ngenxa yobubi babo; ngenze ubuhle babazidhlayo bu pele, ngi wise pansi ukuziqenya kwabesabekayo.

₁₂Ngenze umuntu a be igugu ku negolide elihle, umuntu ku ngolide eli igugu la seOfire.

₁₃Ngako ngi ya kulizamazamisa izulu, nomhlaba u ya kusuka endaweni yawo, olakeni luka Jehova wamabandhla, na ngosuku lokutukutela okukulu kwake.

₁₄Ku ya kuba njengenyamazane e xotyiweyo, na njengemvu e nga xotywa muntu; ilowo u ya kubuyela kubantu bake, ba balekele bonke ezweni labo.

₁₅O tolwayo u ya kugwazwa; naye o hlangene nabo u ya kuwa ngenkemba.

₁₆Abantwana babo futi ba sakazwe ngapambi kwamehlo abo; izindhlu zabo zi ya kucitwa, nabafazi babo boniwe.

₁₇Bheka, ngi ya kuvusa amaMidia nga kubona, aba nga yi kulinaka isiliva; negolide a ba i kujabula ngalo.

₁₈Imicibityelo yabo i ya kuzisakaza izinsizwa, ba nga i dabukeli nenzalo yabo; iso labo a li i kusindisa abantwana.

₁₉NeBabulona, udumo lwemibuso, ubuhle benkazimulo yamaKaldi, ku ya kuba njenga lapo uTixo wa wisa pansi iSodoma neGomora.

₂₀A li yi kwakiwa nakanye, a ku yi kuhlaliwa kona na sezizukulwaneni, ngezukulwane; neArabia a li yi kumisa kona; nabalusi bezimvu a ba yi kusibiya isibaya kona.

₂₁Kodwa izilwane za sendhle zi ya kulala kona; nezindhlu zazo zi ya kugcwala okwesabekayo; ku ya kuhlala izikova kona, nezinunu zi sine kona.

₂₂Nezilwane zeziqingi zi kale ezindhlini zazo ezicitekileyo, ku hlale izinyoka ezindhlini zazo ezinhle; nesikati salo se si seduze: nezinsuku zalo a zi yi kwandiswa.