ISAHLUKO 1

₁IZWI lika Jehova e la li kuHosea indodana ka Beri, ngezinsuku zika Uzia noJotamu, noAhazi, noHezekia, amakosi a seJuda, na sezinsukwini zika Jeroboamu indodana ka Joashi inkosi ya seIsraeli.

₂Ukuqala kwezwi lika Jehova ngoHosea. Kwa ti uJehova wa tyo kuHosea ukuti, Hamba u tabate kuwe umfazi opingayo nabantwana bokupingwa: ngokuba izwe li pingile nokupinga, li nga m landeli uJehova.

₃Lapo wa ya wa m tabata uGomeri, indodakazi ka Diblaimi; o wa mita, wa m zalela indodana.

₄uJehova wa se e ti kuye, Biza igama layo uJezreli; ngokuba ku se kona umzuzwana, ngo pindisela igazi la seJezreli pezu kwendhlu ka Jehu, ngi qede umbuso wendhlu ya seIsraeli.

₅Ko ti ngalomhla ngi wapule umcibityelo wa seIsraeli esigodini sa seJezreli.

₆Wa ti wa mita futi, wa zala indodakazi. Lapo wa ti kuye, Biza igama layo uLo-ruhama; ngokuba a ngi sa yi ku pinda ngi haukele indhlu ya seIsraeli; ngokuba ngo ba susa impela.

₇Kepa ngo haukela indhlu ya seJuda, ngi ba sindise ngoJehova uTixo wabo; a ngi yi ku ba sindisa ngomcibityelo, na ngokulwa, na ngamahashi, na ngabakweli bamahashi.

₈Lapo se m lumulile uLo-ruhama, wa mita, wa zala indodana.

₉Yena wa ti, Biza igama layo uLoami: ngokuba a ni sibo abantu bami, mina a ngi yi ku ba uTixo kinina.

₁₀Kepa ukubalwa kwabantwana ba seIsraeli, ko ba njengezihlabati zolwandhle ezi nge linganiswe ne zi nge balwe; Ko ti endaweni lapo kwa tiwa kubo, A ni sibo abantu bami, kona ko tiwa kubona, Ni ngamadodana ka Tixo ohleziyo.

₁₁Lapo abantwana ba seJuda, nabantwana ba seIsraeli bo butwa, ba beke ku wona ikanda linye, ba kupuke ba shiye izwe; ngokuba umkulu umhla wa seJezreli.