ISAHLUKO 33

₁KWA ti kwa ba kona izwi likaJehova kimi, lokuti.

₂Ndodana yomuntu, kuluma kumadodana abantu bako, u tyo kubo, Uma ngi zisa inkemba pezu kwalo izwe; noma abantu bezwe ba tabate umuntu wa semikaulweni yabo, ba m beke a be umlindi ku bona.

₃Noma se e bona inkemba i za pezu kwezwe, a kalise itilongo, a xwayise abantu;

₄Noma yena o zwayo u yezwa ukukala kwetilongo, kodwa e nga xwayi; uma i fika inkemba, i m suse; igazi lake li ya kuba ekanda lake.

₅Wezwa ukukala kwetilongo, a xwayanga, igazi lake li ya kuba kuye. Kanti yena o xwayayo wo sindisa umpefumlo wake.

₆Ku ti umlindi uma e bona inkemba i za, e nga kalisi itilongo, be nga xwayiswa abantu, i fike inkemba i suse umuntu ku bona, umpefumlo lowo u ya suswa ekupambekweni kwawo, kepa igazi lawo ngo li biza esandhleni somlindi.

₇Njalo wena Ndodana yomuntu ngi ku bekile u be umlindi kuyo indhlu ya seIsraeli, wo ti u zwe izwi emlonyeni wami, u ba xwayisele mina.

₈Lapo ngi tyo komubi, ukuti, Mubi wo fa ngokufa; kepa u nga kulumi wena ukuxwayisa omubi a shiye indhlela yake; lowomubi wo fa ekupambekeni kwake, kepa igazi lake ngo li biza esandhleni sako.

₉Kanti wena uma u xwayisile omubi ukuba a penduke endhlelni yake; kodwa, uma e nga penduki ekuhambeni kwake, yena wo fa ekupambekeni kwake, kepa wena u sindisile umpefumlo wako.

₁₀Futi, wena Ndodana yomuntu kuluma kuyo indhlu ya seIsraeli; Njalo ni ya tyo, ukuti, Uma ukupambeka kwetu, nezono zetu zi be pezu kwetu, tina si zace ku zona, si ya kupila kanjani po na?

₁₁Yityo ku bona, ukuti, Kupila kwami, i tyo iNkosi uJehova a ngi tokozi ekufeni komubi; kodwa ekubuyeni komubi endhleleni yake a pile; pendukani ni penduke ezindhleleni zenu ezimbi, ngokuba ni ya kufa ngani, Ndhlu ya seIsraeli?

₁₂Futi, wena Ndodana yomuntu, yityo kumadodana abantu bako, Ukulunga kolungileyo a ku yi ku m sindisa ngosuku lokupambeka kwake: futi okubi komubi a ka yi ku wiswa pansi iko ngosuku lokubuya kwake ebubini bake; futi olungileyo a ka yi ku ba namandhla ukupila ngako ukulunga ngosuku lokona kwake.

₁₃Lapo ngi tyo kolungileyo, ukuti, yena wo pila ngokupila; uma e temba yena kuko ukulunga kwake, enze okubi, ukulunga konke kwake, a ku yi ku kunjulwa: kepa wo fa ebubini a benzileyo, wo fa kubo.

₁₄Na lapo ngi tyo komubi, Wena wo fa ngokufa; uma e buya esonweni sake enze ukwahlulela nokulunga.

₁₅Uma omubi e buyise isibambiso, e koka okwamukiweyo, e hambe emitetweni yokupila, e ngenzi okubi; wo pila ngokupila, a ka yi ku fa.

₁₆A ku yi ku kunjulwa nga kuye nesi sodwa sezono zake a zenzileyo; wenzile ukwahlulela nokulunga; wo pila ngokupila.

₁₇Kepa amadodana abantu bako a tyo, ukuti, Indhlela yeNkosi a i lingani, kodwa bena izindhlela zabo a zi lingani.

₁₈Ekubuyeni kolungileyo ekulungeni kwake enze okubi, wo fa kuko.

₁₉Kanti ekubuyeni komubi ebubini bake, enze ukwahlulela nokulunga, wo pila ngako.

₂₀Kepa ni tyo ukuti, A i lingani indhlela yeNkosi. Ndhlu ya seIsraeli, ngo nahlula ilomuntu njengezindhlela zake.

₂₁Kwa tike ngomnyaka weshumi nambili, ngenyanga yeshumi ngosuku lwesihlanu lokutunjwa kwetu, weza kimi umuntu o sindileyo eJerusalema, wa ti, Umuzi se u tyayiwe.

₂₂Kwa ti isandhla sika Jehova sa ba pezu kwami kusihlwa, ngapambi kokufika kosindileyo; sa vula umlomo wami, wa ze wa fika ekuseni; wa se u vulekile umlomo wami nga ngi nga tuli futi.

₂₃Kwa ti kwa ba kona kimi izwi lika Jehova, lokuti.

₂₄Ndodana yomuntu, bona a ba hlezi ezincitakalweni lezo zomhlabati wa seIsraeli ba kuluma, be ti, uAbahama wa e munye, wa ba nezwe; kepa tina si ngabaningi; izwe li piwe ki tina li be ifa.

₂₅Ngako yityo kubo, Njalo i tyo iNkosi uJehova, Ni ya dhla negazi, ni pakamisela ezitombeni amehlo enu, ni palaze igazi; no ba nezwe nina na?

₂₆Ni yema pezu kwenkemba yenu, nenze okunengekayo, ni ngcolise ilomuntu umka mgane wake; no ba nezwe nina na?

₂₇Wo kuluma njalo ku bona, Njalo i tyo iNkosi uJehova; Kupila kwami, impela bona a ba sezincitakalweni ba za ku wa ngenkemba, naye o sebusweni bomhlabati ngo m nika kuzo izilo zi m dhle, nabo ba sezinqabeni, na semagedengwini ba ya kufa ngokufa.

₂₈Ngo ti ngenze izwe li be ihlane incitakalo, ku pele ubukosi bamandhla alo; izintaba za seIsraeli zona zo ba ihlane, ku nga biko odabulayo.

₂₉Ba ya kwazi ukuba ngi nguJehova, lapo ngi bekile izwe li be ihlane, incitakalo, ngako ukunengeka konke a ba kwenzileyo.

₃₀Ku ti, wena Ndodana yomuntu, abantwana babantu bako ba kuluma ngawe ngasezindongeni, na ngaseminyango yezindhlu: bona ba kuluma omunye komunye ilomuntu kumfo wabo, be ti, Wozani manje, ni zwe ukuba li yini izwi e li pume kuye uJehova.

₃₁Ba ti ba ye za kuwe ngokokuza kwabantu, ba hlale pambi kwako njengabantu bami, be zwe amazwi ako, kanti a ba yi kwenza wona; ngokuba bona benza ngomlomo wabo okutandekayo, kodwa inhliziyo yabo i landela inzuzo embi.

₃₂Bhekake, wena u ku bona njengesihlabelelo esitandekileyo somunye o nezwi elihle, nolungile ukubeta ogubwini: ngokuba ba ye zwa amazwi ako, kanti a benzi wona.

₃₃Kepa lapo ku fikile loku, (bheka ku ye za!) lapo ba ya kwazi ukuba umazisi u be pakati kwabo.