ISAHLUKO 9

₁UJEHOVA wa ti kuMosi, Hamba u ye kuFaro, u ti kuye, U tyo uJehova, uTixo wamaHeberu, u ti, Ba vumele abantu bami, ba ye ba ngi konze.

₂Uma u nqaba ukuba ba hambe, u sa ba bambile,

₃Bheka, isandhla sika Jehova si ya kuba pezu kwezinkomo zako ezi sendhle, na pezu kwamahashi, na pezu kwezimbongolo, na pezu kwamakamelo, na pezu kwezinkabi, na pezu kwezimvu; ko ba kona ukufa okunzima.

₄uJehova u ya kwahlukanisa izinkomo za kwaIsraeli nezinkomo za sEgipite, ku nga fi luto kuko konke okwa baka Israeli.

₅uJehova wa nquma isikati, wa ti, Ngomuso uJehova u ya kwenza loku ezweni.

₆uJehova wa kwenza loko ngangomso; izinkomo zonke za sEgipite za fa; kodwa a kwa fa nanye ezinkomeni zabaka Israeli.

₇uFaro wa tuma ukuba ku hlolwe, bheka, ya i nga file neyodwa ezinkomeni zabaIsraeli. Inhliziyo ka Faro ya i lukuni; ka ba vumela abantu ba hambe.

₈uJehova wa ti kuMosi na kuAroni, Capunani umlota wa seziko ngezandhla, zi gcwale; uMosi a u sakazele ngapezulu pambi kwamehlo ka Faro.

₉U ya kuba utuli ezweni lonke lasEgipite, lu penduke amatumba, ku mile izilonda kubantu, na sezinkomeni, ezweni lonke la sEgipite.

₁₀Ba tabata umlota wa seziko, bema pambi kuka Faro, uMosi wa u sakazela ngapezulu; wa penduka amatumba, kwa mila izilonda kubantu, na sezinkomeni.

₁₁Izinyanga za zi nge nakuma pambi kuka Mosi ngenxa yamatumba, ngokuba amatumba a e milile ezinyangeni, na kuwo onke abasEgipite.

₁₂uJehova wa yenza inhliziyo ka Faro, ya ba lukuni, ka ba lalelanga, njengokutyo kuka Jehova kuMosi.

₁₃uJehova wa ti kuMosi, Vuka ekuseni, u ye u me pambi kuka Faro, u ti kuye, U tyo uJehova, uTixo wamaHeberu, u ti, Ba vumele abantu bami, ba ye ba ngi konze.

₁₄Ngokuba manje ngi ya kutuma zonke izifo zami enhliziyweni yako, na sezincekwini zako, na sebantwini bako, ukuba wazi ukuti amuko o ngangami ezweni lonke.

₁₅Ngokuba kaloku nga ngi selulile isandhla sami, ngi ku tyaye, wena nabantu bako ngokufa, wo bujiswa wena, u pela emhlabeni;

₁₆Kodwa nga loku ngi ku misile, ukuba ngi ku bonise amandhla ami, nokuba igama lami laziwe emhlabeni wonke.

₁₇U sa zikukumeza pezu kwabantu bami ngokungabavumeli ba hambe.

₁₈Bheka, ngomuso nga lesikati, ngi ya kunisa isicoto esi nzima kakulu, esi nga bonanga si be kona Egipite esingaka, iloku lakiwa ku ze ku be manje.

₁₉Tumake, u buyise izinkomo zako, nako konke o nako endhle; abantu bonke, nezinkomo zonke, ezi ya kufunyanwa endhle, zi nga goduswa, zi ya kutyaywa isicoto, zi fe.

₂₀Lezozinceku zika Faro eza lesaba izwi lika Jehova za tyetya za ngenisa izinceku zazo nezinkomo zazo ezindhlini.

₂₁Kodwa lezo ezi nga lalelanga izwi lika Jehova, za shiya izinceku zazo nezinkomo zazo endhle.

₂₂uJehova wa ti kuMosi, Yelulela isandhla sako ngasezulweni ukuba li ne isicoto ezweni lonke la sEgipite, pezu kwabantu, na pezu kwezinkomo, na pezu kwemiti yonke ya sendhle, ezweni lonke la sEgipite.

₂₃uMosi welulela induku yake nasezulwini; uJehova wa tuma ukuduma nesicoto; unyazi lwehlela emhlabeni; uJehova wa nisa isicoto ezweni la sEgipite.

₂₄Kwa ku kona isicoto, nonyazi olunganqamukiyo kanye nesicoto, kwa ku nzima kakulu; kwa ku nga bonanga ku be kona ezweni la sEgipite oku ngako, iloku la ba isizwe.

₂₅Isicoto sa tyaya konke okwa ku sendhle, abantu nezinkomo, ezweni lonke la sEgipite; isicoto sa tyaya utyani bonke ba sendhle, sapula imiti yonke ya sendhle.

₂₆Kodwa ezweni la seGosheni, lapo ba be kona abaka Israeli, kwa ku nge ko isicoto.

₂₇uFaro wa tuma, wa biza oMosi noAroni, wa ti kubo, Se ngonile; uJehova u lungile, mina nabantu bami si izoni.

₂₈Kulekani kuJehova ngokuba ku nzima kakulu ukuba ku be kona ukuduma okungaka, nesicoto; se ngi ya kunivumela ni hambe; a ni sa yi kulibala.

₂₉uMosi wa ti kuye, Nxa ngi puma emzini ngi ya kwelula izandhla zami kuJehova; ukuduma ku ya kunqamuka, si nga be si sa ba ko isicoto; ukuba wazi ukuti, umhlaba u ngoka Jehova.

₃₀Kepa wena nezinceku zako ngi yazi ukuti, a ni ka m esabi uJehova uTixo.

₃₁Kwa tyaywa iflaksi nebarle; ngokuba ibarle la li nemiyani, iflaksi la li kahlele.

₃₂Kepa a ku tyaywanga ukolweni nespelta, ngokuba loku kwa ku nga kuli.

₃₃uMosi wa puma emzini kuFaro, welulela izandhla zake kuJehova; kwa nqamuka ukuduma nesicoto, a la be li sa na emhlabeni.

₃₄uFaro se e bonile ukuti, ku nqamukile imvula, nesicoto, nokuduma, wa buya wona; wa yenza inhliziyo yake ya ba lukuni, yena nezinceku zake.

₃₅Inhliziyo ka Faro ya i lukuni; ka ba vumanga abantwana baka Israeli ba hambe, njengokutyo kuka Jehova ngaye uMosi.