ISAHLUKO 8

₁UJEHOVA wa ti kuMosi, Hamba u ye kuFaro, u ti kuye, U tyo uJehova, u ti, Ba vumele abantu bami, ba ye, ba ngi konze.

₂Uma u nqaba ukuba ba hambe, bheka, ngi ya kubulala izwe lako lonke ngezingxangxa.

₃Umfula u ya kuvama izingxangxa, zi ya kwenyuka, zi ngene endhlini yako, na sendhlini yako yokulala, na pezu kombede wako, na sezindhlini zezinceku zako, na pezu kwabantu bako, na semaziko ako, na sezityeni zako zezinkwa.

₄Izingxangxa zi ya kwenyukela pezu kwako, na pezu kwabantu bako, na pezu kwezinceku zako zonke.

₅uJehova wa ti kuMosi, Yityo kuAroni, u ti, Yelula isandhla sako nenduku yako pezu kwemifulana, na pezu kwemifula, na pezu kweziziba, wenyusele izingxangxa ezweni la sEgipite.

₆uAroni welula isandhla sake pezu kwamanzi a sEgipite, zenyuka izingxangxa za qeda izwe la sEgipite.

₇Izinyanga zenze njalo ngokubula kwazo, zenyusela izingxangxa ezweni la sEgipite.

₈Kona uFaro wa biza uMosi noAroni, wa ti, Kulekani kuJehova, ukuba a suse izingxangxa kimi na kubantu bami, ngi ya kubavumela abantu ba hambe, ba m hlabele uJehova.

₉Wa ti uMosi kuFaro, Ngi tyele, ukuba ngi ku kulekele nini wena, nezinceku zako, nabantu bako, ukuba ku nqamuke izingxangxa kuwe na sezindhlini zako, zi sale emfuleni kodwa.

₁₀Wa ti, Ngomuso. Wa ti, A ku be njengokutyo kwako, ukuba wazi ukuti amuko o ngangaye uJehova, uTixo wetu.

₁₁Izingxangxa zi ya kusuka kuwe na sezindhlini zako, na sezincekwini zako, na sebantwini bako, zi sale emfuleni kodwa.

₁₂oMosi noAroni ba puma kuFaro, uMosi wa kala kuJehova ngenxa yezingxanxa a be zi letile kuFaro.

₁₃uJehova wenza njengokutyo, kuka Mosi; izingxangxa za fa ezindhlini, na semagcekeni, na semasimini.

₁₄Ba si butela izinqwaba; izwe la nuka.

₁₅uFaro se e bonile ukuti se ku nqamukile, wa yenza inhliziyo yake ya ba lukuni, ka ba lalelanga, njengokutyo kuka Jehova.

₁₆uJehova wa ti kuMosi, Yityo kuAroni, u ti Yelula induku yako, u tyaye utuli lomhlabati, lu penduke izinsensane ezweni lonke la sEgipite.

₁₇Benza njalo; uAroni welula isandhla sake nenduku yake, wa tyaya utuli lomhlabati; lwa penduka izinsensane kubantu na sezinkomeni; utuli lwezwe lonke lwa penduka izinsensane ezweni lonke la sEgipite.

₁₈Izinyanga zenza njalo ngokubula kwazo, ukuba zi veze izinsensane, kepa zahluleka; izinsensane za zi kona ebantwini na sezinkomeni.

₁₉Izinyanga za ti kuFaro, Loku ku umunwe ka Tixo; kepa inhliziyo ka Faro ya ba lukuni; ka ba lalelanga, njengokutyo kuka Jehova.

₂₀uJehova wa ti kuMosi, Vuka ekuseni, u ye u me pambi kuka Faro; bheka, u ya kuya emanzini; u ti kuye, U tyo uJehova, u ti, Ba vumele abantu bami ba hambe, ba ngi konze.

₂₁Uma u nqaba ukuba ba hambe, bheka, ngi ya kutuma izibau kuwe, na sezincekwini zako, na sebantwini bako, na sezindhlini zako; Izindhlu zabasEgipite zi ya kugcwala izibau, nomhlabati ezi kuwo.

₂₂Nga lolosuku ngi ya kwahlukanisa izwe la seGosheni, elakiwe abantu bami, ukuba ku nga biko izibau kona; ukuba wazi ukuti ngi nguJehova pakati kwezwe.

₂₃Ngi ya kwahlukanisa abantu bami nabantu bako; lesosibonakaliso si ya kuvela ngomuso.

₂₄Wenza njalo uJehova; kwa fika izibau ezisabekayo endhlini ka Faro, na sezindhlini zezinceku zake, na sezweni lonke la sEgipite; lonakala izwe ngenxa yezibau.

₂₅uFaro wa biza uMosi noAroni, wa ti, Hambani, ni ye, ni hlabele uTixo ku lelizwe.

₂₆Wa ti uMosi, A ku fanele ukwenza njalo, si hlabele uJehova, uTixo wetu loku okunengeka kubo abasEgipite; bheka, uma si hlaba okunengeka kubo abasEgipite emehlweni abo, a ba yi kusikanda ngamatye na?

₂₇Si ya kuhamba si ye ehlane ibanga lezinsuku ezintatu, si hlabele uJehova, uTixo wetu, njengaloku a ya kutyo kiti.

₂₈uFaro wa ti, Ngi ya kunivumela ni ye, ni hlabele uJehova uTixo wenu ehlane; kepa ni nga yi kude; ngi kulekeleni.

₂₉uMosi wa ti, Bheka, ngi ya puma kuwe, ngi ya kukuleka kuJehova, ukuba izibau zi muke kuFaro, na sezincekwini zake, na sebantwini bake, ngomuso; kodwa uFaro ka nga buyi a kohlise ngokunqaba ukuba abantu ba hambe ba hlabele uJehova.

₃₀uMosi wa puma kuFaro, wa kuleka kuJehova.

₃₁uJehova wenza njengokutyo kuka Mosi; wa susa izibau kuFaro, na sezincekwini zake, na sebantwini bake; a kwa sala nasinye.

₃₂uFaro wa pinda wa yenza inhliziyo yake ya ba lukuni; ka ba vumela abantu ba hambe.