ISAHLUKO 25

₁KWA ti uFestu, e se fikile ku lelilizwe, ngasemva kwezinsuku ezintatu, wa puma eKesaria, wa kupukela eJerusalema.

₂Kona umpristi omkulu nezikulu zabaJuda, ba mangalela uPaule kuye, ba m ncenga,

₃Ba cela into ngaye, yokuba a m bize, eze eJerusalema, be m linda ukuba ba m bulale endhleleni.

₄uFestu wa pendula wa ti, ka gcinwe uPaule eKesaria, e ti, u za kupuma, a ye kona masinyane.

₅Wa ti, Abanamandhla pakati kwenu ma beuke nami, ba cebe lomuntu, uma li kona icala kuye.

₆Wa hlala nabo izinsuku ezi dhlula ishumi, kona wehlela eKesaria; ngangomso wa hlala esihlalweni sokwahlula, wa ti a letwe uPaule.

₇Se e fikile yena, abaJuda abehlile eJerusalema, bema kona, ba m twesa uPaule amacala amaningi anzima, aba nge nakuwaqinisa.

₈Wa pendula yena wa ti, A ngonanga luto, na semtetweni, na setempelini, na kuKesari.

₉Kepa uFestu, e tanda ukubongwa abaJuda, wa pendula kuPaule, wa ti, U ya tanda ukukupukela eJerusalema, u buzwe kona pambi kwami nga lezizinto na?

₁₀Wa ti uPaule, Ngi semi pambi kwesihlalo sika Kesari, lapa ku fanele ngi buzwe kona: a ngonanga luto kubaJuda, njengaloku u yazi kahle nawe.

₁₁Uma ngonile, ngenza uto olu fanele ukufa, a ngi nqabi ukufa; kodwa uma i nge ko into ezintweni, aba ngi ceba ngazo, a ku ko muntu o nga ngi nikela kubo. Ngi ya kuya kuKesari.

₁₂Kona uFestu, e se kulumile nompakati, wa pendula wa ti, U ti, u ya kuya kuKesari; ngi ya vuma, u ya kuya kuKesari.

₁₃Se ku dhlule izinsuku ezitile, uAgripa inkosi noBernike ba fika eKesaria, beza kubingelela uFestu.

₁₄Se be hlezi kona izinsuku eziningi, uFestu wa i tyela inkosi indaba ka Paule, wa ti, U kona umuntu owa shiywa uFelise, e botyiwe.

₁₅Kwa ti, ngi seJerusalema, abapristi abakulu namalunga abaJuda ba m mangalela, be nxusa ukuba a lahlwe.

₁₆Nga pendula kubo, nga ti, A siko ukwenza kwamaRoma ukunikela umuntu ekufeni, o mangalelwayo e nga ka bi nabammangaleleyo pambi kwake, a vunyelwe ukuzipendulela ngendaba a mangalelwe ngayo.

₁₇Ngako se be fikile lapa, a ngi libalanga, ngangomso nga hlala esihlalweni sokwahlula, nga ti a letwe lomuntu.

₁₈Se be suke be ma abammangalelayo, a ba ze ba tyo icala la lezizinto, e be ngi zi bhekile:

₁₉Kodwa ba m ceba ngemibuzo etile yenkonzo yakubo, na ngoJesu, owa be file, a ti uPaule, u kona.

₂₀Loku ngahluleka ukubuza okunje, nga buza uma e tanda ukuya eJerusalema, a buzwe nga lezizindaba.

₂₁Kepa loku uPaule e be tyo e ti a gcinwe, ukuze icala li tetwe uAgustu, nga yala ukuba a gcinwe, ngi ze ngi m tumele kuKesari.

₂₂Wa ti uAgripa kuFestu, Ngi ya tanda nami ukuzwa lomuntu. Wa ti, Ngangomso u ya kumuzwa.

₂₃Kwa ti ngangomso, se be fikile uAgripa noBernike, be ze nemikosi emikulu, lapo be ngenile enkantolo kanye nezinduna ezinkulu nabantu abakulu ba lomuzi, wa ngeniswa uPaule ngezwi lika Festu.

₂₄Wa ti uFestu, Nkosi Agripa, nani nonke madoda a lapa nati, ni ya bona lomuntu engi nxuswe ngaye ibandhla, lonke labaJuda, na seJerusalema, na lapa, ba memeza, be ti, ka sa fanele a be e sa pila.

₂₅Kepa loku ngi m fumene e ngenzanga uto olu fanele ukufa, naye e nxuse ukuya kuKesari, ngi ti ngi ya kumtuma.

₂₆Kepa a ngi naqiniso lokuloba ngaye enkosini. Ngako ngi m letile pambi kwenu, na pambi kwako, uqobo, Nkosi Agripa, ukuze ku ti, se ku buzisiwe ngi be nendaba yokuloba.

₂₇Ngokuba ngi ti, a ku qondeki ukutuma isibotywa, ngi nga biki amacala aso.