ISAHLUKO 24

₁ULAKA luka Jehova lwa buya lwa vuta ngoIsraeli, wa vusa uDavida ukuba a ti kubo, hambani, ni bale uIsraeli noJuda.

₂Ngokuba inkosi ya ti kuJoabi induna yempi, e ya i naye, Hamba manje kuzo zonke izizwe za kwa Israeli, u suke eDani u ze u fike eBersheba, u bale abantu, ukuze ngi wazi umumo wabantu.

₃Wa ti uJoabi enkosini, uJehova inkosi yako andise abantu, nokuba ba be ngakanani noma amakulu, ukuze amehlo enkosi yami, inkosi, i ku bone kodwa ku ngani ukuba inkosi yami inkosi, i jabule ngalento na?

₄Izwi lenkosi la mahlula uJoabi nezinduna zempi. uJoabi nezinduna zempi wa puma enkosini uku bala abantu ba kwa Israeli.

₅Ba wela iJordani ba misa eAroeri, ngakwesokuponsa komuzi o ngapakati komfula wa seGadi, be bheka eJazeri.

₆Ba fika eGiladi, na sezweni la seTahtimhodshi; ba fika eDanjaani, na nga seZidoni.

₇Ba fika enqabeni ya seTire, na semizini yonke yamaHivi, ne yamaKenani; ba pumela ngasezansi kweJuda, eBersheba.

₈Se be hambile kulo lonke izwe, ba fika eJerusalema ekugcineni kwezinyanga ezi shiyagalolunye nezinsuku ezi ngamashumi amabili.

₉uJoabi wa i nika inkosi umumo wabantu bonke; kwa ba kona kwa ba kwaIsraeli amaqawe a izinkulungwane ezingamakulu a shiyagalombili aba be pata inkemba; na ba kwa Juda ba be amadoda a izinkulungwane ezi ngamakulu a isihlanu.

₁₀Inhliziyo ka Davida ya m tyaya emva kokubala kwake abantu, wa ti uDavida kuJehova ngonile kakulu ku loku engi kwenzileyo; manje, ngi ya kunxusa Jehova, susa ukona kwenceku yako; ngokuba ngenzile ngobuula.

₁₁Ekuvukeni kuka Davida kusasa, izwi lika Jehova la fika kuGadi umprofiti umqondisi ka Davida, li ti,

₁₂Hamba u ti kuDavida, u ti uJehova; Ngi kunika izinto ezintatu, keta enye kuzo ukuba ngi kwenzele yona.

₁₃uGadi wa fika kuDavida, wa m tyela, wa ti kuye, Ku nga fika kuwe iminyaka e isikombisa yendhlala ezweni lako na? Noma u balekele izita zako izinyanga ezintatu zi ku landela na? Noma ku fike isifo esesabekayo ngezinsuku ezintatu ezweni lako na? Qondake manje u bone impendulo e ngi za ku yi buyisela ko ngi tumileyo.

₁₄uDavida wa ti kuGadi, ngi cindezekile kakulu; Ma si wele esandhleni sika Jehova; ngokuba umusa wake umkulu; ma ngi nga weli esandhleni somuntu.

₁₅uJehova wa tuma isifo esesabekayo pezu kwaba kaIsraeli, kwa qala kusasa kwa ze kwa fika isikati esimisiweyo; kwa fa amadoda a izinkulungwane ezingamashumi a isikombisa, ku suka eDani kwa ze kwa gcina eBersheba.

₁₆Lapo ingelosi yelula isandhla sayo pezu kweJerusalema ukulibulala, uJehova wa penduka ebubini, wa ti kuyo ingelosi e bulele abantu, se kwanele; bamba isandhla sako. Ingelosi ka Jehova ya i ngasendaweni yokubula ka Arauna umJebusi.

₁₇uDavida wa kuluma kuJehova lapo e bona ingelosi e bulala abantu, wa ti, ngonile impela mina ngenzile okubi; kodwa lezizimvu, zenzeni na? Ngi ya nxusa, isandhla sako ma si be pezu kwami na pezu kwendhlu ka baba.

₁₈uGadi wa fika nga lolo 'suku kuDavida, wa ti kuye, Kupuka wakele uJehova ilati endaweni yokubula ka Arauna umJebusi.

₁₉uDavida njengokutyo kuka Gadi wa kupuka wenza njengokuyala kuka Jehova.

₂₀uArauna wa bheka, wa bona inkosi nezinceku zayo zi za kuye; uArauna wa puma, wa kotama ngobuso pansi ngapambi kwenkosi.

₂₁uArauna wa ti, Inkosi yami inkosi i fikeleni encekwini yayo na? Wa ti uDavida ukutenga indawo yokubula kuwe, ukwakela kona uJehova ilati ukuze lesi'sifo esesabekayo si pele kubantu.

₂₂Wa ti uArauna kuDavida, Inkosi yami inkosi ma i tate i nikele loko e ku bonayo; bheka nazi izinkabi zomnikelo, nezinto zokubula, nezinto ezinye zokusebenza izinkabi, zi be ezezinkuni.

₂₃Zonke lezi 'zinto uArauna ngobukosi bake wa zi nika inkosi, wa ti uArauna enkosini, uJehova uTixo wako ma kwamkele.

₂₄Ya ti inkosi kuArauna, qa; kodwa impela ngi za kukutenga kuwe ngemali; a ngi yi kunikela izipo ezityisiweyo kuJehova uTixo wami, ku loko o ku nga ngi bizanga luto. Ngako uDavida wa i tenga indawo yokubula nezinkabi ngamashekeli esiliva a ngamashumi a isihlanu.

₂₅uDavida wakela kona uJehova ilati wa nikela izipo ezityisiweyo nezipo zomusa. Ngako uJehova wa nxuselwa izwe, isifo esesabekayo sa nqanyulwa eIsraeli.