ISAHLUKO 3

₁UJEHORAMU indodana ka Ahabi wa ba inkosi yabaIsraeli eSamaria ngomnyaka weshumi nesishiyagalombili ka Jehoshafati inkosi yabaJuda, wa busa iminyaka e ishumi nambili.

₂Wenza okubi emehlweni ka Jehova; kepa kwa ku nge njengoyise na njengonina; wa susa umfanekiso ka Bali a be wenzile uyise.

₃Kepa wa namatela ezonweni zika Jeroboamu indodana ka Nebati owonisa abaIsraeli; a ka pendukanga.

₄uMesha inkosi yabaMoabi wa e fuyile izimvu eziningi, wa tela enkosini yabaIsraeli izimvana ezi izinkulungwane ezi ikulu, nezinqama ezi izinkulungwane ezi ikulu zi noboya bazo.

₅Kwa ti e se file uAhabi, inkosi yabaMoabi ya hlubuka enkosini yabaIsraeli.

₆Nga lesosikati inkosi uJehoramu wa puma eSamaria, wa ba bala bonke abaIsraeli.

₇Wa ya wa tuma kuJehoshafati inkosi yabaJuda, wa ti, Inkosi yabaMoabi i hlubukile kimi; wena u ya kuhamba nami na, ukuba si hlasele kubaMoabi na? Wa ti, Ngi ya kwenyuka; mina ngi njengawe, abantu bami ba njengabako, amahashi ami a njenga wako.

₈Wa ti, Si ya kwenyuka nga yipi indhlela? Wa ti, Ngendhlela yehlane la seEdomi.

₉Njalo inkosi yabaIsraeli ya hamba, nenkosi yabaJuda, nenkosi ya seEdomi; ba zekelela ngendhlela izinsuku za zi isikombisa; a be nge ko amanzi ukupuzisa impi, nokupuzisa izinkomo, ezibalandelayo.

₁₀Inkosi yabaIsraeli ya ti, Maye! uJehova u bizile lamakosi amatatu, ukuwanikela esandhleni sabaMoabi!

₁₁Wa ti uJehoshafati, A muko lapa umprofeti ka Jehova na, ukuba u buze ngaye kuJehova? Enye inceku yenkosi yabaIsraeli ya pendula, ya ti, Ku kona uElisha indodana ka Shafati, owa tela amanzi ezandhleni zika Elija.

₁₂uJehoshafati wa ti, Li kuye izwi lika Jehova. Ngako inkosi yabaIsraeli, naye uJehoshafati, nenkosi ya seEdomi behlela, ba ya kuye.

₁₃uElisha wa ti enkosini yabaIsraeli, Mina ngi namsebenzi muni nawe na? Hamba u ye kubaprofeti baka yihlo, nabaprofeti baka nyoko. Inkosi yabaIsraeli ya ti kuye, Ai, ngokuba uJehova u bizile lawa amakosi amatatu, ukuwanikela esandhleni sabaMoabi.

₁₄Wa ti uElisha, U hlezi uJehova wamabandhla engi mi pambi kwake, iqiniso, uma ngi be ngi nga boni ubuso buka Jehoshafati inkosi yabaJuda, ngi nge ze ngi ku bheke, ngi nge ze ngi ku qapele.

₁₅Kepa wo ngi bizela umbeti wogubu. Kwa ti umbeti e sa beta, se za isandhla sika Jehova kuye.

₁₆Wa ti, U ti uJehova, Yenza lemfunda i be nemigodi ngemigodi.

₁₇Ngokuba u ti uJehova, A ni yi kubona umoya, a ni yi kubona nemvula; kepa noko lemfunda i ya kugcwala amanzi, ni ya kupuza nina, nezinkomo zenu, nezilwane zenu.

₁₈Loko ku lula emehlweni ka Jehova; u ya kunikela abaMoabi esandhleni senu futi.

₁₉Ni ya kucita imizi yonke e biyiwe udonga, nemizi yonke emihle, ni ya kuwisa imiti yonke emihle, ni vimbe yonke imitombo yamanzi, ni zone izindawo zonke ezinhle ngamatye.

₂₀Kwa ti kusasa, ku sa nikelwa umnikelo, bheka, kwa vela amanzi ngendhlela ya seEdomi, izwe la be li gcwele amanzi.

₂₁Be zwa abaMoabi bonke, ku tiwa amakosi enyukile ukulwa nabo, ba bizela bonke abantu abahloma izikali, abancinyane nabakulu, be ma emkaulweni.

₂₂Ba vuka ekuseni, ilanga la kanya emanzini, abaMoabi ba bona amanzi pambi kwabo abomvu njengegazi.

₂₃Ba ti, Loku ku igazi; impela amakosi a citeka nokuciteka, a bulelene; kaloku ekupangeni baMoabi!

₂₄Se be fike empini yabaIsraeli, abaIsraeli ba suka, ba tyaya abaMoabi, ba baleka pambi kwabo; ba ngena ezweni labo, be tyaya abaMoabi.

₂₅Ba cita imizi, na sezindaweni zonke ezinhle ba ponsa bonke ku ngulowo itye lake na lowo itye lake ba zi gcwalise; ba vimba imitombo yamanzi yonke, ba gaula yonke imiti emihle, ba za ba shiya amatye eKirharesete. Kepa abaponsi bamatye ba li zungeza, ba li kanda.

₂₆Inkosi yabaMoabi i si bonile ukuba ukulwa kwa ku namandhla, ya tata nayo abantu aba ngamakulu a isikombisa aba hlomayo izikali, ba ya nayo, ukufohla ukuze ba fike enkosini ya seEdomi; kodwa bahluleka.

₂₇Kona ya tata indodana yayo enkulu, eya i za kubusa esikundhleni sayo, ya i nikela i be umnikelo wokutya kona pezu kodonga. Kwa ku kona umsindo omkulu kubaIsraeli; ba suka kuyo inkosi ba buyela ezweni lakubo.