Ukukhalela ukusindiswa ebudlwangudlwangwini babazingelayo
IMaskili* likaDavide esemhumeni; umkhuleko
1Ngiyakhala kuJehova ngezwi lami,
ngincenga uJehova ngezwi lami.
2Ngiyathulula ebusweni bakhe isikhalo sami,
ngibonakalisa kuye inhlupheko yami.
3Lapho umoya wami udangala phakathi kwami,
wena uyawazi umkhondo wami;
endleleni engihamba ngayo
bangifihlele ugibe.
4Bheka ngakwesokunene sami,
ubone ukuthi akakho onginakekelayo;
isiphephelo singiphuthele,
akakho okhathalela umphefumulo wami.
5Ngikhala kuwe-Jehova, ngithi:
Wena uyisiphephelo sami
nesabelo sami ezweni labaphilayo.
6Lalela ukukhala kwami,
ngokuba ngicindezelekile kakhulu;
ngikhulule kubo abangizingelayo,
ngokuba banamandla kunami.
7Khipha umphefumulo wami etilongweni
ukuba ngibonge igama lakho;
abalungileyo bayakungizungeza,
ngokuba uyakungiphatha kahle.
