AMAHUBO 130

₁Ngikhala kuwe-Jehova

ngisotweni phansi.

₂Nkosi, yizwa izwi lami;

izindlebe zakho mazilalele izwi lokuncenga kwami.

₃Uma wena-Jehova uqaphela iziphambeko,

Nkosi, ngubani ongema na?

₄Kepha ukuthethelela kukuwe,

ukuze wesatshwe.

₅Ngiyalindela uJehova, umphefumulo wami uyalinda;

ngiyalethemba izwi lakhe.

₆Umphefumulo wami uyalindela iNkosi

kunabalindi belindela ukusa.

₇UIsrayeli makamethembe uJehova,

ngokuba umusa ukuJehova,

nokukhulula okuningi kukuye.

₈Uyakumhlenga uIsrayeli

eziphambekweni zakhe zonke.