UNUMERI 7

₁Kwathi ngosuku uMose aqeda ngalo ukumisa itabernakele*, waligcoba, walingcwelisa kanye nayo yonke impahla yalo, nealtare, nazo zonke izitsha zalo, wazigcoba, wazingcwelisa,

₂izikhulu zakwaIsrayeli, izinhloko zezindlu zawoyise zanikela; lezo zaziyizikhulu zezizwe, zazibekwé phezu kwababalwayo.

₃Zaletha iminikelo yazo phambi kukaJehova, izinqola eziyisithupha ezimboziwe, nezinkabi eziyishumi nambili, yilezozikhulu ezimbili zinenqola inye, yileso sinenkunzi; zazethula phambi kwetabernakele*.

₄UJehova wakhuluma kuMose, wathi:

₅Zamukele kuzo, ukuze zenze inkonzo yetende lokuhlangana, uzinike amaLevi, kube-yilowo nalowomuntu ngokomsebenzi wakhe.

₆UMose wathatha izinqola nezinkabi, wazinika amaLevi.

₇Izinqola ezimbili nezinkabi ezine wazinika amadodana kaGereshoni ngomsebenzi wawo,

₈nezinqola ezine nezinkabi eziyisishiyagalombili wazinika amadodana kaMerari ngomsebenzi wawo phansi kwesandla sikaItamari indodana ka-Aroni umpristi.

₉Kepha amadodana kaKohati akawanikanga-lutho, ngokuba inkonzo yendlu engcwele yayiyiwo eyawo; ayithwala emahlombe awo.

₁₀Izikhulu zanikelela ukwahlukaniselwa kwealtare ngosuku lokugcotshwa kwalo, izikhulu zanikela ngomnikelo wazo phambi kwealtare.

₁₁UJehova wathi kuMose: Izikhulu ziyakunikela ngomnikelo wazo, yileso naleso ngosuku lwaso, ube-ngowahlukaniselwa kwealtare.

₁₂Owanikela ngomnikelo wakhe ngosuku lokuqala nguNaheshoni indodana ka-Aminadaba, owesizwe sakwaJuda.

₁₃Umnikelo wakhe wawuluqwembe lwesiliva, isisindo salo singamashekeli* ayikhulu namashumi amathathu, nokhamba lwesiliva olungamashekeli angamashumi ayisikhombisa ngokweshekeli lendlu engcwele, zombili zigcwele impuphu ecolekileyo exovwé namafutha, kubengumnikelo wempuphu,

₁₄nenkezo yegolide engamashekeli* ayishumi egcwele impepho,

₁₅neduna libe-linye, nenqama ibenye, nemvu yeduna enomnyaka munye, kubengumnikelo wokushiswa,

₁₆nempongo ibenye, ibe-ngumnikelo wesono;

₁₇okomhlatshelo kweminikelo yokuthula nakhu: izinkabi ezimbili, nezinqama eziyisihlanu, nezimpongo eziyisihlanu, nezimvu eziyisihlanu zamaduna ezinomnyaka munye; lokho kwakungumnikelo kaNaheshoni indodana ka-Aminadaba.

₁₈Ngosuku lwesibili kwanikela uNethaneli indodana kaSuwari, isikhulu sakwaIsakare.

₁₉Wanikela kwaba-ngumnikelo wakhe uqwembe lwesiliva, isisindo salo singamashekeli* ayikhulu namashumi amathathu, nokhamba olungamashekeli angamashumi ayisikhombisa ngokweshekeli lendlu engcwele, zombili zigcwele impuphu ecolekileyo exovwé namafutha, kube-ngumnikelo wempuphu,

₂₀nenkezo yegolide engamashekeli* ayishumi egcwele impepho,

₂₁neduna libe-linye, nenqama ibenye, nemvu yeduna enomnyaka munye, kube-ngumnikelo wokushiswa,

₂₂nempongo ibenye, ibe-ngumnikelo wesono;

₂₃okomhlatshelo weminikelo yokuthula nakhu: izinkabi ezimbili, nezinqama eziyisihlanu, nezimpongo eziyisihlanu, nezimvu eziyisihlanu zamaduna ezinomnyaka munye; lokho kwakungumnikelo kaNethaneli indodana kaSuwari.

₂₄Ngosuku lwesithathu nguEliyabe indodana kaHeloni, isikhulu sabantwana bakwaZebuloni:

₂₅umnikelo wakhe wawuluqwembe lwesiliva, isisindo salo singamashekeli* ayikhulu namashumi amathathu, nokhamba lwesiliva olungamashekeli angamashumi ayisikhombisa ngokweshekeli lendlu engcwele, zombili zigcwele impuphu ecolekileyo exovwé namafutha, kubengumnikelo wempuphu,

₂₆nenkezo yegolide engamashekeli* ayishumi egcwele impepho,

₂₇neduna libe-linye, nenqama ibenye, nemvu yeduna enomnyaka munye, kube-ngumnikelo wokushiswa,

₂₈nempongo ibenye, ibe-ngumnikelo wesono;

₂₉okomhlatshelo weminikelo yokuthula nakhu: izinkabi ezimbili, nezinqama eziyisihlanu, nezimpongo eziyisihlanu, nezimvu eziyisihlanu zamaduna ezinomnyaka munye; lokho kwakungumnikelo kaEliyabe indodana kaHeloni.

₃₀Ngosuku lwesine nguElisuri indodana kaShedewuri, isikhulu sabantwana bakwaRubeni:

₃₁umnikelo wakhe wawuluqwembe lwesiliva, isisindo salo singamashekeli* ayikhulu namashumi amathathu nokhamba lwesiliva olungamashekeli angamashumi ayisikhombisa ngokweshekeli lendlu engcwele, zombili zigcwele impuphu ecolekileyo exovwé namafutha, kubengumnikelo wempuphu,

₃₂nenkezo yegolide engamashekeli* ayishumi egcwele impepho,

₃₃neduna libe-linye, nenqama ibenye, nemvu yeduna enomnyaka munye, kube-ngumnikelo wokushiswa,

₃₄nempongo ibenye, ibe-ngumnikelo wesono;

₃₅okomhlatshelo weminikelo yokuthula nakhu: izinkabi ezimbili, nezinqama eziyisihlanu, nezimpongo eziyisihlanu, nezimvu eziyisihlanu zamaduna ezinomnyaka munye; lokho kwakungumnikelo kaElisuri indodana kaShedewuri.

₃₆Ngosuku lwesihlanu nguShelumiyeli indodana kaSurishadayi, isikhulu sabantwana bakwaSimeyoni:

₃₇umnikelo wakhe wawuluqwembe lwesiliva, isisindo salo singamashekeli* ayikhulu namashumi amathathu, nokhamba lwesiliva olungamashekeli angamashumi ayisikhombisa ngokweshekeli lendlu engcwele, zombili zigcwele impuphu ecolekileyo exovwé namafutha, kubengumnikelo wempuphu,

₃₈nenkezo yegolide engamashekeli* ayishumi egcwele impepho,

₃₉neduna libe-linye, nenqama ibenye, nemvu yeduna enomnyaka munye, kubengumnikelo wokushiswa,

₄₀nempongo ibenye, ibe-ngumnikelo wesono;

₄₁okomhlatshelo weminikelo yokuthula nakhu: izinkabi ezimbili, nezinqama eziyisihlanu, nezimpongo eziyisihlanu, nezimvu eziyisihlanu zamaduna ezinomnyaka munye; lokho kwakungumnikelo kaShelumiyeli indodana kaSurishadayi.

₄₂Ngosuku lwesithupha nguEliyasafa indodana kaDehuweli, isikhulu sabantwana bakwaGadi:

₄₃umnikelo wakhe wawuluqwembe lwesiliva, isisindo salo singamashekeli* ayikhulu namashumi amathathu, nokhamba lwesiliva olungamashekeli angamashumi ayisikhombisa ngokweshekeli lendlu engcwele, zombili zigcwele impuphu ecolekileyo exovwé namafutha, kube-ngumnikelo wempuphu,

₄₄nenkezo yegolide engamashekeli* ayishumi egcwele impepho,

₄₅neduna libe-linye, nenqama ibenye, nemvu yeduna enomnyaka munye, kube-ngumnikelo wokushiswa,

₄₆nempongo ibenye, ibe-ngumnikelo wesono;

₄₇okomhlatshelo weminikelo yokuthula nakhu: izinkabi ezimbili, nezinqama eziyisihlanu, nezimpongo eziyisihlanu, nezimvu eziyisihlanu zamaduna ezinomnyaka munye; lokho kwakungumnikelo kaEliyasafa indodana kaDehuweli.

₄₈Ngosuku lwesikhombisa nguElishama indodana ka-Amihudi, isikhulu sabantwana bakwaEfrayimi:

₄₉umnikelo wakhe wawuluqwembe lwesiliva, isisindo salo singamashekeli* ayikhulu namashumi amathathu, nokhamba lwesiliva olungamashekeli angamashumi ayisikhombisa ngokweshekeli lendlu engcwele, zombili zigcwele impuphu ecolekileyo exovwé namafutha, kubengumnikelo wempuphu,

₅₀nenkezo yegolide engamashekeli* ayishumi egcwele impepho,

₅₁neduna libe-linye, nenqama ibenye, nemvu yeduna enomnyaka munye, kubengumnikelo wokushiswa,

₅₂nempongo ibenye, ibe-ngumnikelo wesono;

₅₃okomhlatshelo weminikelo yokuthula nakhu: izinkabi ezimbili, nezinqama eziyisihlanu, nezimpongo eziyisihlanu, nezimvu eziyisihlanu zamaduna ezinomnyaka munye; lokho kwakungumnikelo kaElishama indodana ka-Amihudi.

₅₄Ngosuku lwesishiyagalombili nguGamaliyeli indodana kaPedasuri, isikhulu sabantwana bakwaManase:

₅₅umnikelo wakhe wawuluqwembe lwesiliva, isisindo salo singamashekeli* ayikhulu namashumi amathathu, nokhamba lwesiliva olungamashekeli angamashumi ayisikhombisa ngokweshekeli lendlu engcwele, zombili zigcwele impuphu ecolekileyo exovwé namafutha, kube-ngumnikelo wempuphu,

₅₆nenkezo yegolide engamashekeli* ayishumi egcwele impepho,

₅₇neduna libe-linye, nenqama ibenye, nemvu yeduna enomnyaka munye, kube-ngumnikelo wokushiswa,

₅₈nempongo ibenye, ibe-ngumnikelo wesono;

₅₉okomhlatshelo weminikelo yokuthula nakhu: izinkabi ezimbili, nezinqama eziyisihlanu, nezimpongo eziyisihlanu, nezimvu eziyisihlanu zamaduna ezinomnyaka munye; lokho kwakungumnikelo kaGamaliyeli indodana kaPedasuri.

₆₀Ngosuku lwesishiyagalolunye nguAbidani indodana kaGideyoni, isikhulu sabantwana bakwaBenjamini:

₆₁umnikelo wakhe wawuluqwembe lwesiliva, isisindo salo singamashekeli* ayikhulu namashumi amathathu, nokhamba lwesiliva olungamashekeli angamashumi ayisikhombisa ngokweshekeli lendlu engcwele, zombili zigcwele impuphu ecolekileyo exovwé namafutha, kubengumnikelo wempuphu,

₆₂nenkezo yegolide engamashekeli* ayishumi egcwele impepho,

₆₃neduna libe-linye, nenqama ibenye, nemvu yeduna enomnyaka munye, kube-ngumnikelo wokushiswa,

₆₄nempongo ibenye, ibe-ngumnikelo wesono;

₆₅okomhlatshelo weminikelo yokuthula nakhu: izinkabi ezimbili, nezinqama eziyisihlanu, nezimpongo eziyisihlanu, nezimvu eziyisihlanu zamaduna ezinomnyaka munye; lokho kwakungumnikelo ka-Abidani indodana kaGideyoni.

₆₆Ngosuku lweshumi nguAhiyezeri indodana ka-Amishadayi, isikhulu sabantwana bakwaDani:

₆₇umnikelo wakhe wawuluqwembe lwesiliva, isisindo salo singamashekeli* ayikhulu namashumi amathathu, nokhamba lwesiliva olungamashekeli angamashumi ayisikhombisa ngokweshekeli lendlu engcwele, zombili zigcwele impuphu ecolekileyo exovwé namafutha, kubengumnikelo wempuphu,

₆₈nenkezo yegolide engamashekeli* ayishumi egcwele impepho,

₆₉neduna libe-linye, nenqama ibenye, nemvu yeduna enomnyaka munye, kubengumnikelo wokushiswa,

₇₀nempongo ibenye, ibe-ngumnikelo wesono;

₇₁okomhlatshelo weminikelo yokuthula nakhu: izinkabi ezimbili, nezinqama eziyisihlanu, nezimpongo eziyisihlanu, nezimvu eziyisihlanu zamaduna ezinomnyaka munye; lokho kwakungumnikelo ka-Ahiyezeri indodana ka-Amishadayi.

₇₂Ngosuku lweshumi nanye nguPagiyeli indodana kaOkirani, isikhulu sabantwana bakwa-Asheri:

₇₃umnikelo wakhe wawuluqwembe lwesiliva, isisindo salo singamashekeli* ayikhulu namashumi amathathu, nokhamba lwesiliva olungamashekeli angamashumi ayisikhombisa ngokweshekeli lendlu engcwele, zombili zigcwele impuphu ecolekileyo exovwé namafutha, kubengumnikelo wempuphu,

₇₄nenkezo yegolide engamashekeli* ayishumi egcwele impepho,

₇₅neduna libe-linye, nenqama ibenye, nemvu yeduna enomnyaka munye, kube-ngumnikelo wokushiswa,

₇₆nempongo ibenye, ibe-ngumnikelo wesono;

₇₇okomhlatshelo weminikelo yokuthula nakhu: izinkabi ezimbili, nezinqama eziyisihlanu, nezimpongo eziyisihlanu, nezimvu eziyisihlanu zamaduna ezinomnyaka munye; lokho kwakungumnikelo kaPagiyeli indodana kaOkirani.

₇₈Ngosuku lweshumi nambili nguAhira indodana kaEnani, isikhulu sabantwana bakwaNafetali:

₇₉umnikelo wakhe wawuluqwembe lwesiliva, isisindo salo singamashekeli* ayikhulu namashumi amathathu, nokhamba lwesiliva olungamashekeli ayisikhombisa ngokweshekeli lendlu engcwele, zombili zigcwele impuphu ecolekileyo exovwé namafutha, kube-ngumnikelo wempuphu,

₈₀nenkezo yegolide engamashekeli* ayishumi egcwele impepho,

₈₁neduna libe-linye, nenqama ibenye, nemvu yeduna enomnyaka munye, kubengumnikelo wokushiswa,

₈₂nempongo ibenye, ibe-ngumnikelo wesono;

₈₃okomhlatshelo weminikelo yokuthula nakhu: izinkabi ezimbili, nezinqama eziyisihlanu, nezimpongo eziyisihlanu, nezimvu eziyisihlanu zamaduna ezinomnyaka munye; lokho kwakungumnikelo ka-Ahira indodana kaEnani.

₈₄Lokho kwakungukwahlukaniselwa kwealtare ngosuku lokugcotshwa kwalo ngezandla zezikhulu zakwaIsrayeli: izingqwembe eziyishumi nambili zesiliva, nezinkamba eziyishumi nambili zesiliva, nezinkezo eziyishumi nambili zegolide,

₈₅yilolo naloloqwembe lwesiliva lungamashekeli* ayikhulu namashumi amathathu, yilolo nalolokhamba lungamashumi ayisikhombisa, lonke isiliva lezitsha libe-yizinkulungwane ezimbili namakhulu amane ngokweshekeli lendlu engcwele,

₈₆nezinkezo zegolide eziyishumi nambili ezigcwele impepho, yileyo naleyo ingamashekeli* ayishumi ngokweshekeli lendlu engcwele; lonke igolide lezinkezo lalingamashekeli ayikhulu namashumi amabili;

₈₇zonke izinkomo zomnikelo wokushiswa zaziyizinkunzi eziyishumi nambili, nezinqama eziyishumi nambili, nezimvu zamaduna ezinomnyaka munye eziyishumi nambili kanye nomnikelo wazo wempuphu, nezimpongo zomnikelo wesono eziyishumi nambili;

₈₈izinkomo zonke zomhlatshelo weminikelo yokuthula zaziyizinkunzi ezingamashumi amabili nane, nezinqama ezingamashumi ayisithupha, nezimpongo ezingamashumi ayisithupha, nezimvu zamaduna ezingamashumi ayisithupha. Lokho kwakungokwahlukaniselwa kwealtare; lapho lase ligcotshiwe.

₈₉Nanxa uMose engena etendeni lokuhlangana ukuba akhulume naye, wezwa izwi likhuluma kuye, livela ngaphezu kwesihlalo somusa esisemphongolweni wobufakazi ngaphakathi kwamakherubi* omabili; wayesekhuluma kuye.