AMahubo 75

₁Siyakubonga Nkulunkulu, siyabonga;

igama lakho liseduze,

balanda ngezimangaliso zakho.

₂Wena uthi:

“Uma ngiqoka isikhathi esimisiweyo,

yiMina engehlulela ngokulunga.

₃Umhlaba uyancibilika

nabo bonke abakhe kuwo;

Mina ngizimisile izinsika zawo.” Sela

₄Ngithe kwabazidlayo:

“Ningazidli,”

nakwababi:

“Ningaziphakamisi.

₅Ningazikhukhumezi;

ningakhulumi ngokwedelela nokuqhosha.”

₆Ngokuba ukuphakanyiswa

akuveli empumalanga, entshonalanga

nasehlane ezintabeni,

₇kodwa uNkulunkulu ungumehluleli;

omunye uyamehlisa,

omunye amphakamise.

₈Esandleni seNkosi kukhona isitsha,

iwayini liyakhephuzela,

sigcwele iwayini eliqungiweyo;

yiyona elithunga ngaso.

Bonke ababi abasemhlabeni

impela boyimunca inhlese yalo, bayiphuze.

₉Kepha mina ngiyakumemezela ngakho

kuze kube phakade,

ngidumise uNkulunkulu kaJakobe.

₁₀Wonke amandla ezikhohlakali ngiyowaqeda nya,

kodwa ngiwandise awabalungileyo.