AMahubo 13

₁Simakade, kuyoze kube nini

ungikhohliwe unomphela na?

Kuyoze kube nini

ungifihlela ubuso bakho na?

₂Kuyoze kube nini

ngithwele ubuhlungu emphefumulweni wami,

nosizi enhliziyweni yami, usuku lonke na?

Kuyoze kube nini isitha singiqonela na?

₃Ngibheke, ungiphendule, Simakade,

Nkulunkulu wami.

Letha injabulo emehlweni ami,

ngingaze ngilale ubuthongo bokufa;

₄funa isitha sami, sithi:

“Ngimehlule.”

Nabamelene nami bajabule

ngokuba nginqotshiwe.

₅Kepha mina ngethembele emseni wakho,

inhliziyo yami mayethabe ngensindiso yakho.

₆Ngizohlabelela kuSimakade ngokuba ungenzele okuhle.