AMahubo 121

₁Ngiphakamisela amehlo ami ezintabeni,

usizo lwami luyakuvelaphi na?

₂Usizo lwami luvela kuSimakade,

owenzile izulu nomhlaba.

₃Akayukuluvumela unyawo lwakho lushibilike;

okulondayo akozeli.

₄Impela olonda u-Israyeli akozeli,

futhi akalali.

₅USimakade ungumvikeli wakho,

uSimakade ungumthunzi wakho

ngasesandleni sakho sokunene.

₆Ilanga aliyukukushaya emini,

nenyanga ebusuku.

₇USimakade uzokuvikela kukho konke okubi,

awugcine umphefumulo wakho.

₈USimakade uyolondoloza ukuphuma kwakho

nokungena kwakho,

kusukela manje kuze kube phakade.