AMahubo 113

₁Haleluya!

Mdumiseni uSimakade zinceku zakhe,

dumisani igama likaSimakade.

₂Malibongwe igama likaSimakade,

kusukela manje, kuze kube phakade.

₃Malidunyiswe igama likaSimakade,

kusukela ekuphumeni kwelanga, lize liyoshona.

₄USimakade uphakeme phezu kwezizwe zonke,

inkazimulo yakhe iphezu kwamazulu.

₅Ngubani onjengoSimakade uNkulunkulu wethu,

ohleli phezulu,

₆ozithobayo, abone ezulwini nasemhlabeni na?

₇Uvusa ontulayo othulini,

amphakamise ompofu ezaleni,

₈amhlalise nezikhulu, iziphathimandla zabantu bakhe.

₉Inyumba uyayipha ukuphatha umuzi,

ibe ngunina othokozayo wabantwana.

Haleluya!