AMahubo 102

₁Simakade, yizwa umkhuleko wami,

ukukhala kwami makufiyinyelele kuwe.

₂Ungangifihleli ubuso bakho ngosuku losizi lwami;

beka indlebe yakho kimi,

ngosuku engikumemeza ngalo,

usheshe ungiphendule.

₃Izinsuku zami ziphele njengomusi,

namathambo asha njengezinkuni.

₄Umphefumulo wami udangele,

wabunisa okotshani,

inhliziyo yami imnyama,

ukudla akusangeni.

₅Ngenxa yokugqiha kwami, ngibubula,

amathambo ami asenamathele esikhumbeni.

₆Ngifana nomandukulu ehlane,

nginjengesikhova kwahlongasibi.

₇Abehli ubuthongo,

ngifana nenyoni ehleli yodwa

ophahleni lwendlu.

₈Izitha zami zingethuka usuku lonke,

abangihlambalazayo bayangiqalekisa.

₉Ngikhume umlotha njengesinkwa,

nengikuphuzayo ngakuxubanisa nezinyembezi,

₁₀ngenxa yentukuthelo nolaka lwakho,

ungiqukule wangilahla kude.

₁₁Izinsuku zami zifana nethunzi seliyoshona,

mina luqobo, ngibuna njengotshani.

₁₂Wena Simakade uyohlala kuze kube phakade,

nesikhumbuzo sakho, izizukulwane ngezizukulwane.

₁₃Uzovuka, uhawukele iZiyoni,

ngokuba sekuyisikhathi somusa wakho kulo,

isikhathi esinqunyiweyo sesifikile.

₁₄Ngokuba izinceku zakho ziyathokoza

ngamatshe alo,

ziyadabuka ngothuli lwalo.

₁₅Yikhona abezizwe bezolesaba igama likaSimakade,

namakhosi wonke omhlaba, inkazimulo yakho.

₁₆Ngokuba uSimakade ulakhile iZiyoni,

ubonakele enkazimulweni yakhe.

₁₇Wawunaka umkhuleko wabangenalutho,

akaze awedelela umthandazo wabo.

₁₈Lokhu makulotshelwe isizukulwane,

ukuze abantu abangakazalwa bamdumise uSimakade.

₁₉USimakade wabuka phansi, esekuphakameni ezulwini,

endaweni yakhe engcwele, wabuka emhlabeni

₂₀ukuba ezwe ukububula kweziboshwa,

akhulule labo abase beqonde ekufeni,

₂₁ukuze igama likaSimakade lishunyayelwe eZiyoni,

nodumo lwakhe, eJerusalema,

₂₂lapho izizwe zibuthana ndawonye nemibuso,

ukuzodumisa uSimakade.

₂₃Wanciphisa amandla ami endleleni,

wafinyeza izinsuku zami.

₂₄Ngithi:

“Nkulunkulu wami, uze ungangithathi ngisemncane,

Wena ominyaka yakho

ihlezi izizukulwane ngezizukulwane.

₂₅Izisekelo zomhlaba wazibeka kwasemandulo,

namazulu angumsebenzi wezandla zakho.

₂₆Kuyobhubha lokhu,

kodwa Wena uyokuma,

konke kuyoguga njengengubo,

njengesembatho, uyokuguqula kushabalale,

₂₇kepha Wena unguwe njalo,

iminyaka yakho ayinasiphetho.

₂₈Abantwana bezinceku zakho bayakuhlala,

izizukulwane zabo ziyovikeleka phambi kwakho.”