UJona 2

“Ngakhala kuSimakade

ngisengozini, ngicindezelekile,

Yena wangiphendula.

Ngisezinzulwini kwelabafileyo,

ngakhala ngicela usizo,

Wena walizwa izwi lami.

₃Wena wangiphonsa

ezinzulwini zolwandle,

amagagasi angizungeza nxazonke,

amadlambi akho namagagasi akho

angisibekela.

₄Ngase ngithi:

‘Ngixoshiwe ebusweni bakho,

nokho ngiyobuye ngilibone

ithempeli lakho elingcwele.’

₅Amanzi angihaqa,

ukujula kolwandle

kwangizungeza nxazonke,

izintandela zathandela ekhanda lami.

₆Ngazika ngafinyelela

ezisekelweni zezintaba,

endaweni yabafileyo.

Izinsika zomhlaba

zangivalela phakade;

kepha Wena,

Simakade Nkulunkulu wami,

wayophula impilo yami emgodini.

₇“Lapho ngiphelelwa ngamandla

ngamkhumbula uSimakade,

umkhuleko wami wafinyelela kuwe,

ethempelini lakho elingcwele.

₈Labo abakhonza izithombe eziyize,

bamfulathele uNkulunkulu othembekileyo.

₉Kepha mina

ngiyakuletha umhlatshelo,

ngihuba amahubo okudumisa,

ngiyakufeza izithembiso zami,

ngokuba insindiso

ivela kuSimakade.”