U-Izaya 12

“Ngiyakubonga, Simakade,

ngokuba ubungithukuthelele,

kodwa intukuthelo yakho uyinqandile, wangiduduza.

₂UNkulunkulu uyinsindiso yami;

ngiyakumethemba, angiyukwesaba,

ngokuba uSimakade, Yena ungamandla ami

nezikhwepha zami;

uyinsindiso yami.”

₃Niyokukha amanzi ngokujabula emithonjeni yensindiso.

₄Ngalolo lusuku niyothi:

“Bongani uSimakade,

nibize igama lakhe,

nazise phakathi kwezizwe izenzo zakhe,

nimemezele ukuthi igama lakhe liphakeme.

₅Hlabelelani izindumiso kuSimakade,

ngokuba wenze izinto ezinkulu;

lokhu makwaziwe emhlabeni wonke.

₆Kikizani, nijabule zakhamuzi zaseZiyoni,

ngokuba mkhulu oNgcwele ka-Israyeli

phakathi kwenu.”