U-Amose 1

“USimakade uyabhonga eZiyoni,

azwakalise izwi lakhe eJerusalema.

Amadlelo abelusi ayagagadeka,

nesicongo seKharmeli siyabuna.”

“Ngenxa yeziphambeko ezintathu zabaseDamaseku,

impela, ngenxa yezine, angiyukuguquka,

ngokuba babhula iGiliyadi ngezinsingo zensimbi.

₄Ngakho-ke ngiyakuthumela umlilo

endlini kaHazayeli,

uyakungqongqisa izinqaba zikaBheni Hadadi.

₅Ngiyakwaphula imigoqo yamasango eDamaseku,

ngibhubhise izakhamuzi zasesigodini i-Aveni,

nophethe intonga yobukhosi eBhethi Edeni.

Abantu base-Aramu bayakuthunjelwa eKhiri,” kusho uSimakade.

“Ngenxa yeziphambeko ezintathu zabaseGaza,

impela, ngenxa yezine, angiyukuguquka,

ngokuba bathumba abantu ngothi lwabo

ukuba babakhaphele ku-Edomi.

₇Ngakho-ke ngiyakuthumela umlilo ogangeni eGaza,

uyakungqongqisa izinqaba zalo.

₈Ngiyakubhubhisa izakhamuzi e-Ashidodi,

nophethe intonga yobukhosi e-Ashikeloni.

Ngiyakushaya ngesandla sami i-Ekroni,

insali yamaFilisti iyakuphela nya,” kusho iNkosi uSimakade.

“Ngenxa yeziphambeko ezintathu zabaseThire,

impela, ngenxa yezine, angiyukuguquka,

ngokuba bathumba abantu ngothi lwabo

babakhaphela ku-Edomi,

bangasikhumbula isivumelwano sabafowabo.

₁₀Ngakho-ke ngiyakuthumela umlilo ogangeni eThire,

uyakungqongqisa izinqaba zalo.”

“Ngenxa yeziphambeko ezintathu zabakwa-Edomi,

impela, ngenxa yezine, angiyukuguquka,

ngokuba wamxosha umfowabo ngenkemba,

walahla isihe sakhe,

wabhebhethekisa ulaka lwakhe unomphelo,

waqhubeka njalo nentukuthelo yakhe.

₁₂Ngakho-ke ngiyakuthumela umlilo eThemani,

uyakungqongqisa izinqaba eBhozira.”

“Ngenxa yeziphambeko ezintathu zabantu bakwa-Amoni,

impela, ngenxa yezine, angiyukuguquka,

ngokuba baqaqe abesifazane

abakhulelweyo bakwaGiliyadi

ukuze bandise imingcele yabo.

₁₄Ngakho-ke ngiyakuthungela ngomlilo ugange eRabha,

uyakungqongqisa izinqaba zalo,

kuyozwakala ngeziqubulo nobumayemaye ngosuku lwempi,

nangesiphepho ngosuku lwesivunguvungu.

₁₅Inkosi yabo iyakuthunjwa,

yona kanye nezikhulu zayo,” kusho uSimakade.