AMahubo 54

₁Nkulunkulu, ngisindise ngegama lakho,

ngamandla akho ungehlulele.

₂Yizwa umkhuleko wami, Nkulunkulu,

ubeke indlebe emazwini omlomo wami.

₃Abafokazi bangivukele,

izidlova zizingela impilo yami.

Azimgqizi qakala uNkulunkulu. Sela

₄Bheka, uNkulunkulu ungumsizi wami.

INkosi igcina umphefumulo wami.

₅Iyokuphindisela okubi

okwenziwe yizitha zami;

zibhubhise ngeqiniso lakho.

₆Ngizonikela kuwe ngenkululeko,

ngibonge igama lakho Simakade,

ngokuba lihle.

₇Igama lakho lingikhulule

kuzo zonke izinkathazo,

iso lami lizibonile

izitha zami zinqotshwa.