IINDUMISO 138

₁Awu, ndibamba ngazibini, *Ndikhoyo.

Ewe, ndinongazenzisiyo umbulelo;

ndikuncoma ndikubonge naphi na.

₂Ndikhala ndijongise ngasendlwini yakho engcwele,

ndibonga ndincoma igama lakho,

ngenxa yezibele nokunyaniseka kwakho,

kuba uzicacisile ukuba wena,

ndawonye nezithembiso zakho, ubalasele.

₃Ndathi ndakukhala kuwe wandiphendula

kangangokuba ndatsho ndomelezeka.

₄Zonke izikumkani zehlabathi mazikudumise, Ndikhoyo,

kuba zizivile izithembiso zakho.

₅Ziya kumemelela, zibonga iindlela zikaNdikhoyo,

kuba kaloku sibalasele isidima sakhe.

₆Ewe, nakuba uMhlekazi enguSomaqhuzu nje,

ubanonophele abagqush' eluthulini;

ke bona abaqholosayo ubabukele.

₇Nokuba ndidavuza ezinkathazweni, wena uyandikhusela;

ulwa nazo iintshaba zam, undihlangule ngamandla akho.

₈UNdikhoyo uyalifezekisa icebo lakhe ngam.

Kambe ke, Ndikhoyo, izibele zakho zisisimakade;

ungabi sawushiya umsebenzi wezandla zakho.