IINDUMISO 120

₁Ndazibika *kuNdikhoyo ndixhwalekile;

yena wandiva, wasabela.

₂Ndathi: “Mhlekazi, ndihlangule

kumaxoki nakubakhohlisi.”

₃Nithi makenze ntoni ngani uThixo?

Nisalindele ntoni eyenye, maxokindini,

₄ngaphandle kotolo lwemfazwe olubukhali,

ngokunjalo neziko elimalahle avuthayo!

₅Athi ke mna, mnt' ubhacele kwaMesheki,

mna mntu uxhwarhe phakathi kwamaKedare!

₆Kunini ndihlalele ukungcuchalaza

phakathi koompayipheli.

₇Phi ke, ndisithi nje ndakuthetha,

basuke bahlab' umkhosi.