IINDUMISO 61

₁Kuve, Thixo, ukuhlahlamba kwam;

Wubazele indlebe umthandazo wam.

₂Ndidanduluka kuwe ndisesiphelweni sehlabathi, ekutyhafeni kwentliziyo yam;

Ndíkhaphele eweni elisemalengalengeni kum.

₃Ngokuba ulihlathi lam,

Uyinqaba ende eliqele phambi kotshaba.

₄Ndiya kuphambukela ententeni yakho ngonaphade,

Ndiya kuzímela ngesithe lamaphiko akho. (Phakamisani.)

₅Ngokuba wena, Thixo, uzivile izibhambathiso zam;

Ubaniké ilifa abaloyikayo igama lakho.

₆Ùya kongeza imihla emihleni yokumkani;

Iminyaka yakhe iya kuba njengezizukulwana ngezizukulwana;

₇Úya kuhlala ngonaphakade phambi koThixo;

Mmisele inceba nenyaniso, ukuba zimlondoloze.

₈Kukhona ndiya kulibethela uhadi igama lakho ngonaphakade,

Ndizizalise izibhambathiso zam imihla ngemihla.