IINDUMISO 47

₁Nonke zizwe, bethani izandla,

Dumani kuThixo ngezwi lokumemelela.

₂Ngokuba uYehova Osenyangweni uyoyikeka;

Ngukumkani omkhulu ehlabathini lonke.

₃Uzikhandanisela phantsi kwethu izizwe,

Izizwe phantsi kweenyawo zethu.

₄Usinyulela ilifa lethu,

Iqhayiya likaYakobi awamthandayo. (Phakamisani.)

₅UThixo unyukile, kudunywa;

Unyukile uYehova, kuhlokoma isigodlo.

₆Mbetheleni uhadi uThixo, mbetheleni,

Mbetheleni uhadi uKumkani wethu, mbetheleni!

₇Ngokuba uKumkani wehlabathi lonke nguThixo;

Mbetheleni ngeyokuqiqa.

₈UThixo nguKumkani weentlanga;

UThixo uhleli etroneni yakhe engcwele.

₉Amanene ezizwe ahlanganisene,

Abantu boThixo ka-Abraham;

Ngokuba iingweletshetshe zehlabathi zezikaThixo;

Unyusiwe kakhulu yena.