IINDUMISO 15

₁Yehova, ngubani na owophambukela ententeni yakho?

Ngubani na owohlala entabeni yakho engcwele?

₂Ngohamba ngokugqibeleleyo, esenza ubulungisa,

Othetha inyaniso ngentliziyo yakhe.

₃Ngongàhlebiyo ngolwimi lwakhe,

Ongamenziyo into embi uwabo,

Ongamngcikiviyo ummelwane wakhe;

₄Odelekileyo, ecekiseka, kwawakhe amehlo,

Obazukisayo ke bona abamoyikayo uYehova;

Ofunga, angajiki, nokuba kubi kuye,

₅Ongayinikeliyo imali yakhe ukuba adle abantu ngayo,

Ongenakugaqelwa ngaye omsulwa.

Okwenzayo oko akayi kuza ashukunyiswe naphakade.