IINDUMISO 14

₁Sithi isidenge entliziyweni yaso, Akukho Thixo.

Bonákalisile, balisikizi ngeentlondi zabo;

Akukho wenza okulungileyo.

₂UYehova esemazulwini uqondele koonyana babantu,

Ukubona ukuba ukho na oqiqayo,

Oquqela kuThixo.

₃Bonke batyekile, bayimbozisa bephelele;

Akukho wenza okulungileyo,

Akukho nokuba abe mnye.

₄Àbanakwazi na bonke abasebenzi bobutshinga,

Àbathi, bebadla abantu bam, bathi badla isonka,

Bangamnquli uYehova?

₅Apho bankwantya benkwantyile;

Ngokuba uThixo usesizukulwaneni samalungisa.

₆Icebo losizana ningálidanisa,

Kodwa uYehova ulihlathi lalo.

₇Akwaba bekuvela eZiyon ukusindiswa kwamaSirayeli!

Ekubabuyiseni kukaYehova abantu bakhe ekuthinjweni,

Wogcoba uYakobi, avuye uSirayeli.