IINDUMISO 122

₁Ndavuya bakuthi kum,

Masiye endlwini kaYehova.

₂Iinyawo zethu zifike zema

Emasangweni akho, Yerusalem;

₃Yerusalem, wena wakhiweyo

Ngokomzi ohlangeneyo wamnye;

₄Apho zinyuka ziye khona izizwe,

Izizwe zikaYehova;

Ibubungqina ke loo nto kwaSirayeli,

Ukuba kubúlelwe kwigama likaYehova.

₅Kuba khona apho kumiswe iitrone zokugweba,

Iitrone zendlu kaDavide.

₆Celelani iYerusalem uxolo;

Mababe nokuchulumacha abakuthandayo,

₇Malube luxolo eludongeni lwakho olurhaqileyo,

Nokuchulumacha ezingxandeni zakho ezinde.

₈Ngenxa yabazalwana bam nowethu,

Makhe ndithethe uxolo ngawe.

₉Ngenxa yendlu kaYehova, uThixo wethu,

Ndiya kufuna okukulungeleyo.