INUMERI 33

₁Zizo ezi iimfuduka zoonyana bakaSirayeli, abaphumáyo ezweni laseYiputa ngokwemikhosi yabo, ngesandla sikaMoses noAron. ₂UMoses wakubhala ukuphuma kwabo ngokweemfuduka zabo, ngokomlomo kaYehova. Zizo ke ezi iimfuduka zabo ngokuphuma kwabo:

₃Banduluka eRameses ngenyanga yokuqala, ngosuku lweshumi elinesihlanu lwenyanga yokuqala; ngengomso emva kwepasika, baphuma oonyana bakaSirayeli ngesandla esiphakamileyo, emehlweni amaYiputa onke. ₄AmaYiputa ayengcwaba abo wababethayo uYehova kuwo, bonke abamazibulo; nasezithixweni zabo uYehova wenza izigwebo. ₅Banduluka oonyana bakaSirayeli eRameses, bamisa iintente eSukoti. ₆Banduluka eSukoti, bamisa e-Etam, esesiphelweni sentlango. ₇Banduluka e-Etam, babuyela ngasePihahiroti, ephambi kweBhahalitsefon, bamisa phambi kweMigidoli. ₈Banduluka phambi kweHahiroti, baluwela ulwandle, baya entlango; bahamba uhambo lweemini ezintathu entlango ye-Etam, bamisa eMara. ₉Banduluka eMara, bafika e-Elim; kwakukho e-Elim apho imithombo yamanzi elishumi elinamibini, nemithi yesundu engamashumi asixhenxe, bamisa khona. ₁₀Banduluka e-Elim, bamisa ngaseLwandle oluBomvu.• ₁₁Banduluka eLwandle oluBomvu, bamisa entlango yeSin. ₁₂Banduluka entlango yeSin, bamisa eDofeka. ₁₃Banduluka eDofeka, bamisa eAlushe. ₁₄Banduluka eAlushe, bamisa eRefidim, apho kwakungekho manzi okuba abantu basele. ₁₅Banduluka eRefidim, bamisa entlango yeSinayi. ₁₆Banduluka entlango yeSinayi, bamisa eKibroti-hatahava. ₁₇Banduluka eKibroti-hatahava, bamisa eHatseroti. ₁₈Banduluka eHatseroti, bamisa eRitema. ₁₉Banduluka eRitema, bamisa eRimon-peretse. ₂₀Banduluka eRimon-peretse, bamisa eLibhena. ₂₁Banduluka eLibhena, bamisa eRisa. ₂₂Banduluka eRisa, bamisa eKehelata. ₂₃Banduluka eKehelata, bamisa entabeni yeShefere. ₂₄Banduluka entabeni yeShefere, bamisa eHarada. ₂₅Banduluka eHarada, bamisa eMakeloti. ₂₆Banduluka eMakeloti, bamisa eTahati. ₂₇Banduluka eTahati, bamisa eTara. ₂₈Banduluka eTara, bamisa eMiteka. ₂₉Banduluka eMiteka, bamisa eHashemona. ₃₀Banduluka eHashemona, bamisa eMoseroti. ₃₁Banduluka eMoseroti, bamisa eBhene-yahakan. ₃₂Banduluka eBhene-yahakan, bamisa emqolombeni waseGidegadi. ₃₃Banduluka emqolombeni waseGidegadi, bamisa eYotebhata. ₃₄Banduluka eYotebhata, bamisa eAbrona. ₃₅Banduluka eAbrona, bamisa e-Etsiyon-gebhere. ₃₆Banduluka e-Etsiyon-gebhere, bamisa entlango yeTsin eyiKadeshe. ₃₇Banduluka eKadeshe, bamisa entabeni yeHore, esiphelweni selizwe lwakwaEdom.

₃₈Wenyuka uAron, umbingeleli, waya entabeni yeHore ngokomlomo kaYehova, wafela khona ngomnyaka wamashumi amané wokuphuma koonyana bakaSirayeli ezweni lamaYiputa, ngenyanga yesihlanu, ngolokuqala enyangeni leyo. ₃₉UAron wayeminyaka ilikhulu linamanci mabini anamithathu ezelwe, ekufeni kwakhe entabeni yeHore.

₄₀Weva umKanan, ukumkani waseAradi, owayehleli kwelisezantsi ezweni lakwaKanan ukuba bafikile oonyana bakaSirayeli.

₄₁Banduluka entabeni yeHore, bamisa eTsalimona. ₄₂Banduluka eTsalimona, bamisa ePunon. ₄₃Banduluka ePunon, bamisa eObhoti. ₄₄Banduluka eObhoti, bamisa eIye-abharim, emdeni wakwaMowabhi. ₄₅Banduluka eIyim, bamisa eDibhon yakwaGadi. ₄₆Banduluka eDibhon yakwaGadi, bamisa eAlimon-diblatayim. ₄₇Banduluka eAlimon-diblatayim, bamisa ezintabeni zeAbharim phambi kweNebho. ₄₈Banduluka ezintabeni zeAbharim, bamisa ezinkqantosini zakwaMowabhi, ngaseYordan malunga neYeriko, ₄₉Bamisa ngaseYordan, bethabathela kwiBhete-yeshimoti, besa kwiAbhele-shitim ezinkqantosini zakwaMowabhi.

₅₀Wathetha uYehova kuMoses ezinkqantosini zakwaMowabhi, ngaseYordan malunga neYeriko, esithi, ₅₁Thetha koonyana bakaSirayeli, uthi kubo, Xa nithe nayiwela iYordan, nangena ezweni lakwaKanan, ₅₂nobagqogqa bonke abemi belo zwe phambi kwenu, niwachithe onke amatye angumfanekiso, nemifanekiso yabo yonke etyhidiweyo niyichithe, nazo zonke iziganga zabo nizitshabalalise; nilihluthe ilizwe, nihlale kulo; ₅₃kuba ndininikile ilizwe eli, ukuba nime kulo. ₅₄Nize nilabe ilizwe ngamaqashiso ngokwemizalwane yenu. Omninzi nolenza lininzi ilifa lawo, omncinane nilenze lincinane ilifa lawo; ingulowo ube sendaweni elothi liwe kuyo iqashiso lawo. ₅₅Nolidla ilifa ngokwezizwe zooyihlo. Ukuba anithanga nibagqogqe abemi belizwe phambi kwenu, kothi abo nibasalisileyo babe ngameva emehlweni enu, neemviko emacaleni enu, banibandezele ezweni enihleli kulo. ₅₆Kothi, njengoko ndagqibayo ukwenza kubo, ndenze ngako nakuni.