UYOBHI 35

₂Ùba oku kusesikweni na,

Ukuthi, ubulungisa bakho bungaphezu kobukaThixo;

₃Ukuba uthi nje, Bundinceda ntoni na,

Bundinyusa ngantoni na phezu kokundinyusa kwesono sam?

₄Ndiya kukuphendula mna ngokuthetha,

Nabahlobo bakho abanawe.

₅Bheka ezulwini ubone;

Ukhangele isibhakabhaka, siphezulu kuwe.

₆Ukuba ùthi wone, usebenza ntoni na ngakuye?

Khona zakuba zininzi izikreqo zakho, umenzé ntoni na?

₇Ukuba ùthe walungisa wena, umpha ntoni na ngaloo nto?

Wámkela ntoni na yena esandleni sakho?

₈Kuyinto kwindoda enjengawe ukungabi ndawo kwakho;

Buyinto kuwe, nyana womntu, ubulungisa bakho.

₉Ngenxa yobuninzi bokucudisa, bayakhala abantu;

Bayazibika ngenxa yengalo yabakhulu.

₁₀Ke àbatsho ukuthi, Uphi na uThixo uMenzi wam,

Osinika ingoma ebusuku,

₁₁Osifundisa ngaphezu kweenkomo zehlabathi,

Asiphe ubulumko ngaphezu kweentaka zezulu?

₁₂Bandula bakhale, angaphenduli,

Ngenxa yekratshi labanobubi.

₁₃Hayi, yona into ekhohlakeleyo akayiva uThixo,

USomandla akayikhathalele.

₁₄Noko ùtshoyo ukuthi akumkhathalele,

Ityala liphambi kwakhe, lindela kuye ke!

₁₅Ke ngoko xa ungekaveleli umsindo wakhe,

Akazani na kunene nesikhukhumali?

₁₆Ke uYobhi ufumana awuvule umlomo wakhe,

Akwandise ukuthetha engenakwazi.