IGENESIS 49

Zihlanganiseni, ndinixelele okuya kunihlela ngemihla yokugqibela.

₂Qukanani, niphulaphule, nyana bakaYakobi,

Niphulaphule uSirayeli uyihlo.

₃Rubhen, wena mazibulo am, mandla am, ngqalo yokuqina kwam,

Ncamisa yokuphakama, ncamisa yegunya,

₄Uxhaphazelayo njengamanzi, akusayi kuba ncamisa kunje;

Kuba wenyukayo waya esililini sikayihlo,

Wangcolisa oko, wenyuka waya emandlalweni wam.

₅USimon noLevi ngabazalwana;

Ziintonga zokugonyamela izikhali zabo.

₆Egquguleni labo úze ungangeni umphefumlo wam,

Nesikhungu sabo lungazibandakanyi uzuko lwam;

Kuba ngomsindo wabo babulala amadoda,

Ngokuzithandela kwabo bazinqumla imisipha iinkomo.

₇Uqalekisiwe umsindo wabo, ngokuba unobungcwangu:

Ukuphuphuma kwabo umsindo, ngokuba unzima.

Ndiya kubachithachitha kwaYakobi,

Ndibaphangalalise kwaSirayeli.

₈Yuda, abazalwana bakho baya kukudumisa,

Isandla sakho sibe sentanyeni yeentshaba zakho;

Baya kuqubuda kuwe oonyana bakayihlo.

₉Lithole lengonyama uYuda;

Ùsuké ekuqwengeni, nyana wam,

Waguqa, wabuthuma njengengonyama,

Njengengonyamakazi; ngubani na oya kumvusa?

₁₀Intonga ayayi kumka kuYuda,

Intonga yommisi-mthetho ayayi kumka phakathi kweenyawo zakhe,

Ade afike uShilo,

Zimlulamele izizwe.

₁₁NguKhuleka emdiliyeni imazi yakhe ye-esile,

UKhuleka kowohlobo inkonyana yakhe ye-esile;

UHlamba ngewayini isambatho sakhe,

Ngegazi lediliya ingubo yakhe;

₁₂UMehlo abomvu yiwayini,

UMazinyo amhlophe ngamasi.

₁₃UZebhulon uya kuma ngasezibukweni lolwandle,

₁₄Ewe, ngasezibukweni leenqanawa,

Icala lakhe lisingise eTsidon.

UIsakare yinyathi ye-esile,

Ulala phakathi kweentlanti.

₁₅Wakúbona ukuphumla ukuba kulungile,

Nelizwe ukuba limnandi;

Igxalaba lakhe walithobela ukuthwala,

Waba ngumsébenzi ofakwa uviko.

₁₆UDan uya kugweba phakathi kwabantu bakowabo,

Njengezinye izizwe zakwaSirayeli.

₁₇UDan makabe yinyoka ngasendleleni,

Irhamba ngasemendweni,

Eliluma izithende zehashe,

Awe ngomva olikhweleyo.

₁₈Usindiso lwakho, Yehova, ndiluthembile.

₁₉UGadi ungenelwa ngamatutu,

Ke yena uwangenela ezithendeni

₂₀KuAshere kuphuma amafutha, isonka sakhe eso;

Yena unika izinto eziyolisa ookumkani.

₂₁UNafetali yimazi yexhama ekhululweyo,

Ukhupha amazwi amahle.

₂₂NguGatya lomthi oqhamayo uYosefu,

UGatya lomthi oqhamayo ngasemthonjeni,

Omasebe aqabele eludongeni.

₂₃UBamcubunga bamtola,

Bamchasa abatoli;

₂₄USihlala sithe nkqi isaphetha sakhe,

UMikhono yezandla zakhe inokusityeda,

Ngezandla zembalasane kaYakobi,

Khona apho akhoyo umalusi, ilitye likaSirayeli;

₂₅NgoThixo wooyihlo — akuncede,

NgoSomandla — akusikelele,

Ibe ziintsikelelo zamazulu ezivela phezulu,

Iintsikelelo zamanzi enzonzobila alele ezantsi,

Iintsikelelo zamabele, nezesizalo.

₂₆Iintsikelelo zikayihlo

Zizigqithile iintsikelelo zomawokhulu,

Zasa nasemdeni weentaba zanini;

Mazibe sentloko kuYosefu,

Ebuchotsheni bobalulweyo kubazalwana bakhe!

₂₇UBhenjamin yingcuka eqwengayo;

Kusasa úya kudla okuphangiweyo,

Ngokuhlwa úya kwaba okuthinjiweyo.