UEZRA 2

₁Ngabo ke aba oonyana belizwe lakwaYuda abenyukayo, kwababethinjwe basemfudusweni, awabafudusela eBhabheli uNebhukadenetsare, ukumkani waseBhabheli, ababuyela eYerusalem nakwaYuda, elowo wabuyela emzini wakowabo; ₂abeza noZerubhabheli, noYeshuwa, noNehemiya, noSeraya, noRehelaya, noMordekayi, noBhileshan, noMispare, noBhigwayi, noRehum, noBhahana. Inani lamadoda abantu bakwaSirayeli: ₃oonyana bakaParoshe ibingamawaka amabini, anekhulu elinamanci asixhenxe anababini. ₄Oonyana bakaShefatiya ibingamakhulu amathathu, ₅anamanci asixhenxe anababini. Oonyana baka-Ara ibingamakhulu asixhenxe, anamanci asixhenxe anabahlanu. ₆Oonyana bakaPahati wakwaMowabhi, koonyana bakaYeshuwa noYowabhi, ibingamawaka amabini anamakhulu asibhozo, aneshumi elinye elinababini. ₇Oonyana bakaElam ibiliwaka elinamakhulu amabini, anamanci mahlanu anabané. ₈Oonyana bakaZatu ibingamakhulu asithoba, anamanci mané anabahlanu. ₉Oonyana bakaZakayi ibingamakhulu asixhenxe, anamancimathandathu. ₁₀Oonyana bakaBhani ibingamakhulu amathandathu, anamanci mané anababini. ₁₁Oonyana bakaBhebhayi ibingamakhulu amathandathu, anamanci mabini anabathathu. ₁₂Oonyana baka-Azegadi ibiliwaka elinamakhulu amabini, anamanci mabini anababini. ₁₃Oonyana baka-Adonikam ibingamakhulu amathandathu, anamanci mathandathu anabathandathu. ₁₄Oonyana bakaBhigwayi ibingamawaka amabini, anamanci mahlanu anabathandathu. ₁₅Oonyana baka-Adin ibingamakhulu amané, anamanci mahlanu anabané. ₁₆Oonyana baka-Atere kaHezekiya ibingamashumi asithoba anesibhozo. ₁₇Oonyana bakaBhetsayi ibingamakhulu amathathu, anamanci mabini anabathathu. ₁₈Oonyana bakaYora ibilikhulu elineshumi elinababini. ₁₉Oonyana bakaHashum ibingamakhulu amabini, anamanci mabini anabathathu. ₂₀Oonyana baseGibhare ibingamashumi asithoba anabahlanu. ₂₁Oonyana baseBhetelehem ibilikhulu, elinamanci mabini anabathathu. ₂₂Amadoda aseNetofa ibingamashumi amahlanu anamathandathu. ₂₃Amadoda aseAnatoti ibilikhulu, elinamanci mabini anesibhozo. ₂₄Oonyana baseAzemavete ibingamashumi amané anababini. ₂₅Oonyana baseKiriyati-yeharim neKefira neBheroti, ibingamakhulu asixhenxe, anamanci amané anabathathu. ₂₆Oonyana baseRama neGabha ibingamakhulu amathandathu, anamanci mabini anamnye. ₂₇Amadoda aseMikimase ibilikhulu, elinamanci mabini anamabini. ₂₈Amadoda aseBheteli neAyi ibingamakhulu amabini, anamanci mabini anamathathu. ₂₉Oonyana baseNebho ibingamashumi amahlanu anababini. ₃₀Oonyana bakaMagebhishe ibilikhulu, elinamanci mahlanu anabathandathu. ₃₁Oonyana bomnye uElam ibiliwaka, elinamakhulu amabini, anamanci amahlanu anabané. ₃₂Oonyana bakaHarim ibingamakhulu amathathu, anamanci mabini. ₃₃Oonyana baseLodi neHadide neOno ibingamakhulu asixhenxe, anamanci mabini anabahlanu. ₃₄Oonyana baseYeriko ibingamakhulu amathathu, anamanci mané anabahlanu. ₃₅Oonyana baseSenaha ibingamawaka amathathu, anamakhulu amathandathu, anamanci mathathu.

₃₆Ababingeleli: oonyana bakaYedaya bendlu kaYeshuwa ibingamakhulu asithoba, anamanci asixhenxe anabathathu. ₃₇Oonyana bakaImere ibiliwaka, elinamanci mahlanu anababini. ₃₈Oonyana bakaPashure ibiliwaka elinamakhulu amabini, anamanci mané anesixhenxe. ₃₉Oonyana bakaHarim ibiliwaka, elineshumi elinesixhenxe.

₄₀AbaLevi: oonyana bakaYeshuwa noKademiyeli, koonyana bakaHodaviya, ibingamashumi asixhenxe anabané.

₄₁Iimvumi: oonyana baka-Asafu ibilikhulu, elinamanci mabini anesibhozo.

₄₂Oonyana babamasango: oonyana bakaShalum, oonyana baka-Atere, oonyana bakaTalemon, oonyana baka-Akubhi, oonyana bakaHatita, oonyana bakaShobhayi, bebonke ibilikhulu, elinamanci mathathu anesithoba.

₄₃Abakhonzi betempile: oonyana bakaTsiha, oonyana bakaHasufa, oonyana bakaTabhayoti, ₄₄oonyana bakaKerose, oonyana bakaSiyaha, oonyana bakaPadon, ₄₅oonyana bakaLebhana, oonyana bakaHagabha, oonyana baka-Akubhi, ₄₆oonyana bakaHagabhi, oonyana bakaShalemayi, oonyana bakaHanan, ₄₇oonyana bakaGidele, oonyana bakaGahare, oonyana bakaRehaya, ₄₈oonyana bakaRetsin, oonyana bakaNekoda, oonyana bakaGazam, ₄₉oonyana bakaUza, oonyana bakaPaseha, oonyana bakaBhesayi, ₅₀oonyana baka-Asna, oonyana bakaMehunim, oonyana bakaNefusim, ₅₁oonyana bakaBhakebhuki, oonyana bakaHakufa, oonyana bakaHar-hure, ₅₂oonyana bakaBhatseluti, oonyana bakaMehida, ₅₃oonyana bakaHarsha, oonyana bakaBharkose, oonyana bakaSisera, oonyana bakaTama, ₅₄oonyana bakaNetsiha, oonyana bakaHatifa.

₅₅Oonyana babakhonzi bakaSolomon: oonyana bakaSotayi, oonyana bakaSoferete, oonyana bakaPeruda, ₅₆oonyana bakaYahala, oonyana bakaDarkon, oonyana bakaGidele, ₅₇oonyana bakaShefatiya, oonyana bakaHatili, oonyana bakaPokerete-tsebhayim, oonyana baka-Ami.

₅₈Bonke abakhonzi betempile, noonyana babakhonzi bakaSolomon, ibingamakhulu amathathu, anamanci asithoba anababini.

₅₉Ngaba abenyuka, bevela eTele-mela, naseTele-harsha, naseKerubhi-adan-imere; ke ababanga nakuzixela izindlu zooyise, nembewu yabo, ukuba ngabakwaSirayeli na: ₆₀oonyana bakaDelaya, oonyana bakaTobhiya, oonyana bakaNekoda, babengamakhulu omathandathu anamanci mahlanu anababini.

₆₁Ke koonyana bababingeleli: oonyana bakaHabhaya, oonyana bakaHakotsi, oonyana bakaBharzilayi (owazeka umfazi ezintombini zikaBharzilayi waseGiliyadi, wabizwa ngegama lazo), ₆₂abo bakufuna ukubhalwa kwabo kwababhalelwe emilibeni yokuzalwa, abakufumana; bangcola ke, ababa sebubingelelini. ₆₃Irhuluneli yathi kubo, mabangadli nto kwezingcwele kanye, kude kuvele umbingeleli oneeUrim neeTumim.•

₆₄Lonke ibandla, lindawonye, ibe ingamawaka angamashumi amané anamabini, anamakhulu mathathu, anamanci mathandathu; ₆₅ngaphandle kwezicaka zabo ezi, nezicakakazi zabo ezi, zingamawaka asixhenxe, anamakhulu amathathu, anamanci mathathu anesixhenxe; zineemvumi neemvumikazi ezingamakhulu amabini.

₆₆Amahashe abo ibingamakhulu asixhenxe, anamanci mathathu anamathandathu; oondlebende babo ibingamakhulu amabini, anamanci mané anabahlanu; ₆₇iinkamela zabo ibingamakhulu amané, anamanci mathathu anantlanu; amaesile ibingamawaka amathandathu, anamakhulu asixhenxe, anamanci mabini.

₆₈Inxenye yeentloko zezindlu zooyise ekufikeni kwayo endlwini kaYehova eseYerusalem, yayizisela indlu kaThixo iminikelo yokuqhutywa yintliziyo, ukuba imiswe endaweni yayo. ₆₉Banikela ngoko konke ababenako ebuncwaneni bomsebenzi: igolide yangamawaka amashumi amathandathu, anawaka linye eedarike,• nesilivere yangamawaka amahlanu eemina,• nekhulu leengubo ezingaphantsi zababingeleli.

₇₀Bahlala ke ababingeleli, nabaLevi, nabantu inxenye, neemvumi, nabamasango, nabakonzi betempile, emizini yakowabo; amaSirayeli onke emizini yawo.