Incwadi ka‐Paulusi ku‐Titusi 2

₁WENA kodwa teta ezonto zifaneleyo ufundiso olunobomi: ₂ukuba amaxego abe zinca̔tu, enokuzibeka, enobutelekelelo, epilile elukolweni, elutandweni, emondeni: ₃ukuba ngokunjalo amaxegokazi ati ekumileni abe njengokufanele ubungcwele, engengabancetezi, engengamakonza kwiveyine eninzi, engabafundisi bokulungileyo; ₄ukuze aluleke abafazi abatsha batande amadoda abo, batande abantwana babo, ₅babe nobutelekelelo, babe becokisekile, babe ngabahlala endlwini, babe belungile, babe belulamela kwawabo amadoda, ukuze ilizwi likatixo lingagxekwa.

₆Ngokunjalo amadoda amatsha wayale ukuba enze ngokutelekelela: ₇uzibonakalisa ngokwako nje ngento zonke ukuba ngumlinganiselo wemisebenzi elungileyo; ubonakalisa ekufundiseni kwako okungonakaliswayo, ukuzibeka, ₈ukuteta okunobomi okungenakugwetywa, ukuze oca̔sayo enzelwe intloni, engenanto embi yokuteta ngani.

₉Amakonza wayale ukuba alulamele kwezawo inkosi, abe ezintweni zonke ekolekile kuzo, engapiki, ₁₀engashinti, koko ebonakalisa yonke inyaniseko elungileyo; ukuze aluhombe ufundiso lwomsindisi wetu utixo ezintweni zonke.

₁₁Ngokuba lubonakele ufefe lukatixo oluzisa usindiso kubo bonke abantu, ₁₂lusifundisa ukuba siti, sikanyele nje ukungabedeshi nenkanuko zasemhlabeni, sihlale ngobutelekelelo nangobulungisa nangobubedesho kwelilizwe lakaloku nje; ₁₃silinda itemba elibutamsanqa nokubonakala kwobungcwalisa bake utixo omkulu nomsindisi wetu u‐Yesu Kristu, ₁₄owazinikela tina, ukuze asikulule kuko konke ukukohlakala, azihlambululele abantu abangabake kanye, bezondelele imisebenzi elungileyo. ₁₅Teta ezizinto, uyale, wohlwaye ngamandla onke. Makungabiko mntu okudelayo.