Ingoma ka‐Solomone 7

₁Hai ukuba ntle kwenyawo zako ezihlangwini, ntombi edumileyo! Izazinge zamatanga ako zinjengezambalo, umsebenzi wezandla zencibi. ₂Inkaba yako injengendebe eyinqukuva, engasweli iveyine epitikeziweyo; isisu sako sinjengomlu wenqolowa, obiyelweyo ngenyibiba. ₃Amabele ako omabini anjengamatole mabini engamawele ebadikazi. ₄Intamo yako injengenqaba yopondo lwendlovu; amehlo ako anjengamacibi e‐Heshebone, ngasesangweni le‐Bate‐rabime; impumlo yako injengenqaba yase‐Lebanone, ebeka ngase‐Damakusi. ₅Intloko yako pezu kwako injenge‐Karamele, nenwele zentloko yako zinjengesibomvumnyama; ukumkani uyabanjwa ngezihlita. ₆Hai ukuba mhle nokuba mnandi kwako, sitandwakazi, ngeziyoliso! ₇Obu ubude bako buyafana nomti wepalime, namabele ako ayafana nezipa zawo. ₈Ndati: Ndiya kukwela kulomti wepalime, ndobamba amasebe awo: makati ke amabele ako abe njengezipa zomti weveyine, nevumba lempumlo yako libe njengeleapele, ₉nekuhlangubo lako libe njengeveyine eyolileyo, eti kumtandwa wam ihle ngokumnandi, isenza imilomo yabozeleyo itete.

₁₀Mna ndingowesitandwa sam, kanjalo ingakum inkanuko yaso. ₁₁Hamba, sitandwa sam! masipumele ezindle, silalise emizini. ₁₂Masiye kusasa emiyezweni, sibone ukuba umti weveyine uyaqumba na, ukuba intyatyambo ziyabenqeka na, ukuba igranate ziyahluma na: kona apo ndokunika utando lwam. ₁₃Idudai ziyanika ivumba, nangasezingcangweni zetu kuko zonke iziqa̔mo ezimnandi, ezitsha nezidala, endizibekelele wena, sitandwa sam!