Incwadi ka‐Paulusi kuma‐Roma 12

₁NDIYANIKUNGA ngoko, bazalwana! ngezibele zikatixo, ukubaniyimisele imizimba yenu ibe lidini elipilileyo, elingcwele, elikolekileyo kutixo, okusisikonzo senu esifanelekileyo: ₂nize ningalinganisani nelilizwe likoyo, niti nibe nenziwe ngakumbi ngokuhlaziywa kwoluvo lwenu, ukuba niqiqe into iyiyo intando katixo elungileyo, ekolekieyo, efezekileyo.

₃Ngokuba ndisiti, ngalo ufefe endanikwa lona, kubo bonke abakoyo pakati kwenu, mabangakumbuli ngokupezulu koko bafanele ukukumbula ngako, koko mabakumbule ngokutelekelela, njengokuba utixo wabele abanye ngabanye isilinganiselwa sokolo. ₄Ngokuba kwa njengokuba sinawo amalungu amaninzi emzimbeni mnye, kanti amalungu akanawo umsebenzi mnye onke; ₅kwa njalo tina, sibaninzi nje, singumzimba mnye ku‐Kristu, namalungu omnye nomnye ngabanye. ₆Kekaloku sinazo izipiwo ngezipiwo ngowofefe esanikwa lona nje, nokuba bubuprofitesho, masoprofiteshe ngokwesaci sokolo lwetu; ₇nokuba bubukonzi, masisebenze ebukonzini betu: nokuba ngofundisayo, makahlale ekufundiseni kwake; ₈nokuba ngoyalayo, ekuyaleni kwake: owabayo, makenje njalo ngesisa; opatayo, ngokuku̔tala; owenza ngobubele, ngokucwayita.

₉Utando lwenu malube lolungazenzisiyo. Zondani okukohlakeleyo; namatelani kokulungileyo. ₁₀Ekutandeni abazalwana, yibani nobubele omnye kwomnye; ekubekeni, yenzani ngokupangelana; ₁₁ekuku̔taleni, ninganqeni; zondelelani emoyeni; konzani enkosini; ₁₂vuyani etembeni; nyamezelani ebunzimeni; zingisani ekutandazeni; ₁₃yabelani intswelo zabangcwele; nxamelani imbuko yabasemzini. ₁₄Tamsanqelisani abo banitshutshisayo: tamsanqelisani, ningqalekisi ke. ₁₅Vuyani nabo bavuyayo, nilile nabo balilayo. ₁₆Yibani nokuvumelana omnye nomnye. Ningamyamekeli izinto ezipakamileyo, niti nitobele kwezitobekileyo. Ningaziqa̔yiseli ngobulumko. ₁₇Ningavuzi mntu ngobubi ngenxa yobubi. Yazalelelani izinto ezifaneleyo ebusweni babantu bonke. ₁₈Ukuba kungenzeka, maniti okungecala lenu nixolane nabantu bonke. ₁₉Ninggazipindezeleli ngokwenu, batandwa! niti ninike indawo kuwo umsindo; ngokuba kuba̔liwe ukuti: Kukokwam ukupindezela, kwobuyekezwa ndim; utsho uyehova. ₂₀Ngako xeshekweni utshaba lwako lulambayo, lufunzele; xeshekweni lunxanwayo, luseze: ngokuba usenje njalo uya kufumba amalahle omlilo pezu kwentloko yalo. ₂₁Ungoyiswa kokukohlakeleyo, uti ukwoyise okukohlakeleyo ngokulungileyo.