Isityilo sika‐Johane 4

₁EMVENI kwoku ndabona, kekaloku bona ke, bekuko ucango luvulekile ezulwini, nelizwi lokuqala, elo ndalivayo njengelexilongo liteta nam, lisiti: Nyukela apa, ndandiya kukubonisa izinto ezifanele ukubako emveni kwezi.

₂Ndasendisiti kwa oko ndaba kumoya: kekaloku bona ke, iterone ibimi ezulwini, napezu kweterone leyo bekuko omnye ehleli. ₃Lowo ke obehleli ukubonakala kwake ebefana nelitye lejasipidi nelerubi: kwaye kuko nomnyama ungqonga iterone leyo, ufana nelitye lesamagide ukubonakala kwawo. ₄Kanjalo bekuko zingqonga iterone leyo ezinye iterone zimashumi mabini anane: napezu kweterone ezo ndabona abadala abamashumi mabini anabane behleli, bezambete izivato ezimhlope; baye benazo ezintlokweni zabo izitsaba zegolide. ₅Nakuyo iterone leyo kupuma imibane, nendudumo, namazwi: kanjalo bekuko izibane zomlilo zisixe̔nxe zivuta pambi kweterone leyo, ezingabo omoya bosixe̔nxe bakatixo. ₆Kwaye kuko kanjako pambi kweterone leyo ulwandle oluyiglasiṙa, lufana nekrisitale: napakati kwayo iterone, nangento eyingqongayo iterone, bekuko izidalwa ezipilileyo ezine zizele ngamehlo ngapambili nangasemva. ₇Esokuqala isi dalwa esipilileyo besifana nengonyama; esesibini isidalwa esipilileyo besifana netole lenkomo; esesitatu isidalwa esipilileyo sibe sinobuso baso njengomntu; esesine isidalwa esipilileyo besifana noko̔zi lubaleka. ₈Kanjalo izidalwa ezipilileyo zozine, zonke ngazinye, zibe zinamapiko amatandatu ezinye ngezinye ngokungqonga, zizele ngamehlo pakati, zingenakupumla nasemini nasebusuku, zisiti: Ingcwele, ingcwele, ingcwele inkosi e ngutixo engusomandla, ebiko, ekoyo, ezayo.

₉Naxeshekweni ezozidalwa ezipilileyo zinikela udumo, nembeko, nombulelo, kulowo uhleli pezu kweterone leyo, kulowo upilileyo kude kube ngunapakade kanapakade, ₁₀bati abadala bomashumi mabini anabane bawe pambi kwalowo uhleli pezu kwayo iterone, babedeshe lowo upilileyo kude kube ngunapakade kanapakade, bapose izitsaba zabo pambi kwayo iterone, besiti: ₁₁Ufanele, Nkosi! ukwamkela udumo, nembeko, namandla: ngokuba wena uzidalile izinto zonke ezikoyo ngenxa yentando yako, ezazidalelwe yona kanjalo.