Isityilo sika‐Johane 13

₁NDAZA ndema pezu kwentlabati yolwandle, ndabona ir̔amnco linyuka elwandle, linentloko zisixe̔nxe nempondo zilishumi, napezu kwempondo zalo ikrone zilishumi, napezu kwentloko zalo igama lokugxeka. ₂Kekaloku ir̔amnco elo ndalibonayo libe lifana nengwe, nenyawo zalo zinjengezebere, nomlomo walo unjengomlomo wengonyama; yati ke yona inamba yalinika amandla ayo neterone yayo, negunya elikulu. ₃Ndaza ndabona enye yentloko zalo njengokungati ibulalelwe ukufa; kanti inxeba lokufa lalo lapoliswa: wati wonke umhlaba walandela ir̔amnco elo ngokuti nqa. ₄Baza bayibedesha inamba eyalinikayo ir̔amnco igunya: balibedesha ir̔amnco kanjalo, besiti: Ngubanina ofana ner̔amnco? ngubanina ongalwayo nalo? ₅Kwaye kunikwa lona umlomo uteta izinto ezinkulu nezigxeko; lanikwa negunya lokuba lifeze inyanga zibe ngamashumi mane anambini. ₆Laza lavula umlomo walo ukuteta ugxeko ngakuye utixo, ukuba ligxeke igama lake, netabanakele yake, nabo abahlala ezulwini. ₇Kwanikwa lona kanjako ukuba lenze imfazwe nabo abangcwele, nokuba liboyise; lanikwa negunya pezu kwazo zonke izizwe, nenteto, nentlanga. ₈Babeya kulibedesha bonke abemiyo pezu kwomhlaba, abamagama angaba̔lwanga encwadini yobomi yemvana ebingiweyo kwa sekumisweni kwelizwe. ₉Osukuba enendlebe, makeve. ₁₀Osukuba ehlanganisa amatinjwa, uya ekutinjweni; osukuba ebulala ngesiṙele, ufanele yena ukubulawa ngesiṙele. Nangu ke umonde nenkolo yabangcwele.

₁₁Ndaza ndabona elinye ir̔amnco linyuka emhlabeni, elibe linempondo ezimbini zifana nezemvana, lateta njengenamba. ₁₂Negunya lelokuqala ir̔amnco lonke liyalipata ebusweni balo; kanjalo liyenza umhlaba nabemiyo kuwo ukuba babedeshe ir̔amnco lokuqala, elo inxeba lokufa lalo lapoliswayo. ₁₃Liyenza nemiqondiso emikulu, lide liwenze nomlilo uhle ezulwini uze emhlabeni pambi kwabantu. ₁₄Liti kanjako libakohlise abemiyo pezu kwomhlaba, ngenxa yemiqondiso leyo lanikwayo ukuyenza ebusweni balo ir̔amnco; lisitsho kubo abemiyo pezu kwomhlaba, ukuba mabalenzele umfanekiso elor̔amnco elibe linalo inxeba lesiṙele, lapila noko. ₁₅Kwaye kunikwa kulo ukuba linike umpefumlo kuwo umfanekiso wer̔amnco elo, ukuze ke wona umfanekiso wer̔amnco elo ube nokuteta, wenze nokuba abo basukuba bengabedeshi umfanekiso wer̔amnco babulawe. ₁₆Kanjalo liyabenza ukuba bonke, abancinane nabakulu, nabazityebi nabangamahlwempu, nabakululekileyo namakonza, babekelwe upa̔u pezu kwesandla sabo sokunene, umhlaumbi pezu kwamabunzi abo; ₁₇nokuba kungabiko mntu ongati atenge umhlaumbi atengele, kupela ngulowo unalo upa̔u olo, umhlaumbi igama ler̔amnco, umhlaumbi inani legama lalo. ₁₈Nabu ke ubulumko. Lowo unokuqonda makabale lona inani ler̔amnco: ngokuba lilinani lomntu; kekaloku inani lalo lingamakulu matandatu anamashumi matandatu anesitandatu.