Amaculo 41

₁HAI itamsanqa lalowo unonelela olihlwempu! uyehova uya kumsindisa ngemini yobubi. ₂Uyehova uya kumlondoloza, amgcine ehleli; uya kuba netamsanqa emhlabeni: kanjalo wena akuyi kumnikela enkanukweni yentshaba zake. ₃Uyehova uya kumxasa pezu kwekoye yobulwelwe: wowuguqula wena wonke umandlalo wake esifeni sake.

₄Ndati: Yehova! yiba nofefe kum; pilisa umpefumlo wam; ngokuba ndonile ngakuwe. ₅Intshaba zam ziyateta kakubi ngam: Wofa ninina, lize libube igama lake? ₆Nanxa utshaba luza kundibona, luteta ubuxoki; intliziyo yalo iyazibutela inkohlakalo; luti lwakupuma ngapandle luyitete ke. ₇Bonke abanditiyayo bayasebezelana ngakum; ngakum ke bayaqingela ububi. ₈Bati: Into yobunginingini iti nama kuye; elele nje, akayi kubuya avuke. ₉Ewe, umntu obelikolwane lam, endibe nditemba yena, obesidla isonka sam, upakamisile isitende sake ngakum.

₁₀Kodwa wena, Yehova! yiba nofefe kum, undimise, ndandiya kupindezela kubo. ₁₁Ndiyazi ngoku ukuba uyanditanda, ngokuba utshaba lwam lungenakundivuyelela. ₁₂Kanjalo okwam, uyandisekela ekunyaniseni kwam; uyandimisa ebusweni bako ngonapakade.

₁₃Makabongwe uyehova, utixo wo‐Sirayeli, kwa kunapakade kude kube ngunapakade. Amene, ewe Amene.